Unicode
"အဖေ ကျွန်တော် အစ်ကို နဲ့ရင်းနှီးချင်တယ်"
အခုက ခန့်စင်နဲ့တွေ့ပြီး ဟိန်းသန့်က ကော်ဖီဆိုင်ဝင်ချင်တယ်ပြောတာကြောင့် ကော်ဖီဆိုင်ရောက်နေခြင်းဖြစ်သည်။
"ဟင် အစ်ကို....အော် ခန့်စင်လေးကိုပြောတာလား"
"ဟုတ်တယ် အဖေ ကျွန်တော် အစ်ကို့ကို စိတ်ဝင်စားမိသွားပြီ အဲ့ဒါကြောင့် အစ်ကိုနဲ့ နီးစပ်အောင် အစ်ကိုဆီမှာ အလုပ်သွားသင်တဲ့ပုံစံမျိုး လုပ်ပေးပါလား အဖေ"
ဟိန်းသန့်ပြောလိုက်သည့် စကားကြောင့် ဦးမင်းလွင်အံ့ဩနေမိသည်။ ဟိန်းသန့်အမေနဲ့က ဟိန်းသန့် ၁၀ နှစ် အရွယ်ကွာရှင်းပြတ်စဲပြီး ဟိန်းသန့်ကတော့ ထိုအချိန်ကတည်းက အမေနဲ့အတူ ကနေဒါမှာသွားနေခဲ့ရတာဖြစ်သည်။ တစ်ခါတစ်လေမှသာ မြန်မာကိုလာသည်။ အခုတောင် ၄ နှစ်အကြာမှ မြန်မာကို ထပ်လာလည်တာဖြစ်သည်။ ဒါတောင် ဒီကိုလာဖို့ မနည်းပြောခဲ့ရတာ။ အဖေပိုင်တဲ့ ကုမ္ပဏီတစ်ခုခုမှာဝင်လုပ်ဖို့ပြောတုန်းကတောင် မလုပ်ချင်ဘူးလို့ အတွင်တွင်ငြင်းခဲ့သူက အခုလိုပြောလာတော့ အံ့ဩမဆုံးတော့ပေ။
"ခန်စင်လေးက လက်ထပ်ပြီးပြီသား သူ့မှာ သက်ဆိုင်သူရှိပြီးသား သားအများကြီးသဘောမကျသေးခင်မှာပဲ ရပ်တန့်လိုက်ပါသား"
အစ်ကိုက လက်ထပ်ပြီးသားလား အခုမှတွေ့ပြီး သဘောကျမိတာလေ ချက်ချင်းပဲ ရပ်တန့်ရတော့မှာလား မဟုတ်သေးပါဘူး ကျွန်တော်ကတော့ သေချာပေါက်ကြိုစားကြည့်ဦးမှာ
"ဘယ်သူနဲ့လဲ အဖေ"
"Best World company က သားနဲ့ ဟိုတစ်လောကမှလက်ထပ်လိုက်တာ သိပ်မကြာသေးဘူး"
Best World ဆိုတော့ လင်းထက်နေသော်လား လာပြန်ပြီ ဒီကောင်
အဲ့ဒီကောင်ကို ကြည့်လို့မရတာ ကနေဒါကျောင်းမှာကတည်းကပင်။ ကျောင်းမှာ သူနဲ့ နည်းနည်းမှ အဆင်မပြေပင်။ ကျောင်းကအလှလေးကို ဖွင့်ပြောတုန်းကလည်း အဲ့ဒီကောင်ကိုပဲ သဘောကျတယ်ဆိုပြီး ငြင်းသွားတာခံလိုက်ရသည်။ အဲ့ဒီတုန်းက တကယ် ကျောင်းကသူတွေကြားမှာ အရှက်ကွဲခဲ့တာပင်။ အငြင်းမခံရဖူးတဲ့ကိုယ်၊ အချစ်ရေးမှမဟုတ်ဘူး ဘယ်နေရာမှာမှ အရှုံးမရှိခဲ့တဲ့ကိုယ်၊ ဖြစ်ချင်တာမှန်သမျှ ဖြစ်ခဲ့တဲ့ကိုယ်က အဲ့ကောင်ကိုကျမှ ရှုံးရှုံးနေတာ။ အခုတစ်ခေါက်မှာတော့ သေချာပေါက် အနိုင်ယူပြမယ်။ အစကတည်းက နောက်ဆုတ်ဖို့ စိတ်ကူးမရှိပဲ ကြိုးစားကြည့်ချင်ခဲ့သည်။ အခုတော့ ပိုသေချာသွားပြီ။ ကျွန်တော်ဆိုတဲ့သူက ဖြစ်ချင်ခဲ့တာတွေဟာ ဖြစ်ခဲ့တာချည်းပင်။ စိတ်ဝင်စားမိသွားပြီဖြစ်တဲ့ အစ်ကို့နှလုံးသားကို ရအောင်ယူတော့မှာ။
YOU ARE READING
အချစ်ဖြစ်ပေါ်ရန် (Ongoing) Unicode + Zawgyi
Romance"ဘယ်လိုပဲဖြစ်ဖြစ် ခင်ဗျား ကျွန်တော့်ကို လက်ထပ်ဖို့ လက်ခံခဲ့ပြီးပြီ ၊ ကျွန်တော့်ဘဝထဲကို ဝင်လာပြီးမှ ပြန်ထွက်ချင်တိုင်း ထွက်လို့မရဘူး" လင်းထက်နေသော် "အဘိုးကြောင့် ဖြစ်တည်လာတဲ့ ဆက်ဆံရေးဆိုပေမယ့် ကိုယ် တကယ် အဆုံးထိ တည်တံ့ချင်တယ်" ခန့်စင်သော်နိုင် လင်းထ...