គេស្រាប់តែគិតថាបើជេមមិនស្រឡាញ់គេហើយគេមកសារភាពចឹងតើគេយកមុខទុកនៅទីណា? ប៉ុនែ្តហ្វូតស្រាប់តែមានគំនិតចង់រត់ចោលទៅស្រុកកំណើតដោយមិនបានគិតច្រើនទេក៏ប្រញាប់រត់ចេញទៅវិញ ទាំងដឹងក្នុងចិត្តថាត្រូវប្រញាប់រកកន្លែងលាក់ខ្លួនឲ្យលឿន ហើយកុំឲ្យរកឃើញគេទៀត អូ ជីវិតសារភាពស្នេហ៍ ហើយត្រូវបដិសេធ នោះមិនមែនជារឿងអាម៉ាស់ទេឬ?
ដូច្នេះក៏គិតចង់រត់ ហ្វូតក៏រត់ទៅភ្លាម តែហ្វូតស្រាប់តែភ្លេចថានៅពីក្រោយគេជាអាងហែលទឹកដ៏ធំមួយ ជេមព្រោះតែប្រញាប់ចាប់កាន់ហ្វូតមកវិញក៏បានដួលដោយអស់ជំហរ
សំណាងល្អសម្រាប់គេទាំងពីរកម្រិតទឹកនៅត្រឹមដើមទ្រូង ពួកគេទាំងពីរបានងើបក្បាលចេញពទឹកស្របគ្នា ហើយមើលគ្នាទៅវិញទៅមក ម្នាក់ៗបានក្អកជាប់រហូតព្រោះពួកគេកំពុងតែឈ្លួកទឹក ដោយឃើញជេមជូតមុខ និងច្របាច់ច្រមុះយ៉ាងខ្លាំង បណ្តាលឱ្យប្រែជាក្រហម ហ្វូតឃើញដូច្នោះហើយទប់សំណើចមិនបាន
នាយល្អិតបានដើរចូលទៅជិត លើកដៃឡើងវាយក្បាលរបស់ នាយក្រាស់ រួចក៏ជួយជេមជូតមុខ ប៉ុន្តែហេតុអ្វីបានជាស្នាមញញឹមរបស់ រាងតូចស្អាតម្ល៉េះ? តើលើលោកនេះមានអ្នកណាមានបបូរមាត់ និងថ្ពាល់ក្រហមធម្មជាតិបែបនេះទៀតទេ? ជេមគ្រាន់តែដឹងថា Fotគឺត្រូវតែមានតែមួយគត់ ជេមបានផ្អៀងចុះក្រោម ហើយថើបច្រមុះដ៏ស្រស់ស្អាតរបស់ ហ្វូតមួយភ្លែត ហ្វូតស្រាប់តែអោនទៅជិតត្រចៀក ហើយខ្សឹបប្រាប់ថា "តើលោកប្រុសស្រលាញ់ខ្ញុំទេ?" ជេមបាបញញឹម ហើយងក់ក្បាលម្តងហើយម្តងទៀត ធ្វើឱ្យហ្វូតមានការពេញចិត្ត រួចបានជំទើតជើងហើយទាញថើបបបូរមាត់របស់ជេមយ៉ាងស្រាលៗអស់រយៈពេលយូរ មុននឹងដកមាត់ចេញ
ហ្វូតងាកមើលទៅឆ្ងាយដើម្បីលាក់មុខក្រហមរបស់នាយល្អិត ក៏ដោយសារហ្វូតខ្មាសគេពេកដែលមិនចង់ប្រឈមមុខនឹងលោកប្រុសទាល់តែសោះ
ហ្វូតបានបាចទឹកដាក់មុខនាយក្រាស់ហើយរត់ចេញទៅយ៉ាងលឿន ឯរាងក្រាស់ក៏ដេញតាមចាប់
អ្នកទាំងពីរបានលេងជាមួយគ្នាយ៉ាងយូរនៅទីនោះ
YOU ARE READING
ស្វាមីវិកលចរិក (Khmer translation បកប្រែជាភាសាខ្មែរ)
Romanceយើងអាចជាមនុស្សឆ្កួត យើងអាចជាមនុស្សរោគចិត្ត យើងក៏អាចសម្លាប់នរណាម្នាក់នៅពេលណាក៏បាន ប៉ុន្តែរឿងនេះមានករណីលើកលែងតែមួយគត់គឺឯង ហ្វូត..... ព្រមាន៖ មានពាក្យមិនសមរម្យ មានផ្នែកខ្លះធ្វើឱ្យអ្នកអានមានអារម្មណ៌មិនពេញចិត្ត, តួអង្គមានជំងឺផ្លូវចិត្ត។ មិនអនុវត្តចំពោះមន...
