សម្លឹងមើលស្នាមញញឹមក្នុងភ្នែករបស់ប៉ន៍និងសកម្មភាពរបស់ប៉ន៍ដោយរាងក្រាស់បានបើកទ្វារថយន្តអោយអ្នកផ្សេងស្រាប់តែ ភូវីន មានអារម្មណ៍ឈឺចុកចាប់ក្នុងបេះដូងដែលប្រៀបបាននឹងយកយកដៃមកច្របាច់ញីយ៉ាងខ្ទិចខ្ទាំទាំងអារម្មណ៍ខឹងក្រោធ ទាំងអារម្មណ៍សោកសៅរួមគ្នា ចុងច្រមុះក៏ប្រែជាក្រហម
រាងក្រាស់បានចាកចេញជាមួយគ្នានារីរាងស្រឡូននៅក្នុងឡាន ដែលភូវិនធ្លាប់តែគិតថាគេគឺជាមនុស្សតែម្នាក់ដែលមានសិទ្ទអង្គុយក្បែរប៉ន៍ប៉ុន្តែទេ...
វាប្រែទៅជាគេមិនមែនជាមនុស្សតែម្នាក់នោះទេ
ដើម្បីតាមដានដំណើរនៃរថយន្តពីចម្ងាយ នាយតូចបានដកដង្ហើមវែងៗ ហើយទប់អារម្មណ៍ដែលឈឺក្នុងចិត្ត យ៉ាងលឿន ភូវីនបានបើករថយន្តបន្ថែមល្បឿនបើកគេចក្នុងល្បឿនលឿន គេមិនអាចទុកវាបណ្តោយចោលបែបនេះទេ គេសុខចិត្តខូចចិត្តម្តងហើយស្លាប់ ជាជាងរងទុក្ខជារៀងរហូត
បើវាបែបនេះ...តើអោយគេបន្តដោយរបៀបណា?
ក្នុងពេលធ្វើដំណើរផ្លូវដ៏វែង គេបានចុចស៊ីផ្លេរថយន្ត ដើម្បីទាក់ទាញចំណាប់អារម្មណ៍របស់រាងក្រាស់នៅខាងមុខ
រថយន្តដែលនៅខាងមុខបានបើករត់មិនឈប់ ដែលធ្វើឱ្យ រាងតូចកាន់តែខឹង
ស្រាប់តែមេឃភ្លៀងធ្លាក់យ៉ាងខ្លាំង ធ្វើឲ្យផ្លូវកាន់តែពិបាកក្នុងការធ្វើចលនា
ការឈឺចាប់ដ៏ខ្លាំងបានបន្សល់ទុកទឹកភ្នែកពីរជួរលើថ្ពាល់របស់គេបានធ្លាក់ចុះ
ភូវីនបានខាំធ្មេញសង្កត់ចិត្តហើយនិយាយក្នងចិត្តយ៉ាងស្ងៀមស្ងាត់"ចង់អោយអញបើកឡានបុកម៉ងមែនបានមិនឈប់សោះ?"
ក្រោយពីនិយាយចប់ រាងតូចក៏យកទូរស័ព្ទចេញពីហោប៉ៅគេភ្លាម ដោយមើលឡានខាងមុខ ហើយចុចទូរស័ព្ទខលទៅប៉ន៍ភ្លាមៗ
ចំណែកឯប៉ន៍វិញ ដោយសារតែគេរវល់ខ្លាំងក្នុងការជជែកជាមួយនារីវ័យក្មេងដែលនៅក្បែរគេ ទើបរាងក្រាស់មិនបានចាប់អារម្មណ៍ទាំងស្រុងថា សម្លេងស៊ីផ្លេរថយន្តបន្លឺឡើងពីខាងក្រៅ
នារីវ័យក្មេងដែលអង្គុយក្បែរនាយក្រាស់មើលទៅរំភើប ខណៈពេលដែលនាងសម្លឹងមើលការរចនាគ្រឿងអលង្ការនៅលើអាយផេត
YOU ARE READING
ស្វាមីវិកលចរិក (Khmer translation បកប្រែជាភាសាខ្មែរ)
Romanceយើងអាចជាមនុស្សឆ្កួត យើងអាចជាមនុស្សរោគចិត្ត យើងក៏អាចសម្លាប់នរណាម្នាក់នៅពេលណាក៏បាន ប៉ុន្តែរឿងនេះមានករណីលើកលែងតែមួយគត់គឺឯង ហ្វូត..... ព្រមាន៖ មានពាក្យមិនសមរម្យ មានផ្នែកខ្លះធ្វើឱ្យអ្នកអានមានអារម្មណ៌មិនពេញចិត្ត, តួអង្គមានជំងឺផ្លូវចិត្ត។ មិនអនុវត្តចំពោះមន...