قلب النايف وغايتة .

1

البارت الأول .
ملاحظه : (التشبيهات والشخصيات بالانستا حسابي rwaiii_a)

.
بسم الله نبدأ :

في احد الاحياء كانت تتجّهز للمدرسة تنرفزت و عصبت وهي ترمي المراية بالأرض وقامت وهي توقف بنص الغرفه وهي تناظر اختها.
نجد: اعوذ بالله وش النفسيه الخرا شفييك !!!
ساره: اووهه ناقصصتك انتي وحلطمتك انتي مع صباح الله خير اووف ياربيي.
نجد : وهي تضحك :شفيك انتتتِ الحياه حلوه وبعدين ترا اليوم شوق قالت مارح نحضر حصة ليلى الدبه وحصة ازهاروه روقي نبيي نفلها.
ساره :ماعندك سالفه انتِ وشوق بس باخذ جوالي معاي والله مالي دخل
نجد:تممم قداام عشان نصور امشي الباص صوته برا
"بالباص"
وصلوا الباص مع ازعاج البناتت والتضجر مع الصباح ،والنّفسيه المعدومه عن البعض.
فجر واقفه تسولف مع البنات شافت نجد وساره :هلا هلاا ببناتت عمتي منيره تو نور الباص
ساره :انقلعي عني وراك أعوذ بالله
فجر: الله ياخذك ياتيس جدتي شفيك معصبه
نجد: هذي اختي م فيه شي جديد
فجر: ياعم تكفى اسسبق باص عوض تكفى ياعم،فعاليييااتتت
السواق بعصاه اللي ياكثر م جلد فجر فيها :سدي حلقك يابنت والا والله العظيم غير بالعصى،ابعدد خلّيني اششوف.
فجر:يويلي ياعم ماهو انا بنت منيره تقوله،قليلةة أدب
نجد نزلت شوزها وانتم بكرامه: انا اوريك فعايل بنت منيره .
صارت تلحقها بالشوز وانتم بكرامه،
فجر عند السواق :تكفي ياعم فكني منها،دداييم تجلدنيي
السواق ضرب فجر بالعصى:انقلعي انتي وياه والا والله  ل اقول للمديره.
نجد: ماقلنا شي ياعم شكواك لله
فجر:ياععم روّق الله يهدييك،خلّنا ننبسط قبل ندخل المدرسه.
نجد: اه احس بططني يوجععيني نسيت واجب ازهار
ونطفت وبصوت عالي: ششووق حلّيتي؟.
شوق: لااا،الله ياخذ عققلكم احسسبكم حاليين
ساره:ععادييي الامور سهالات نهرببب من الحصصه.

َ
َ

"الساعه 12  كل وحده راحت بيتها ونامت.
بينما بطلتنا ساره بعالمها الخاص عالمها اللي تحبه وجدا .
كانت مشغله اغنيه هاديه وتلعب ببجي وتضحك وتطقطق مع الناس ومبسوطه على الآخر،
ساره: يلا بس ها القيم وبنام.
دخلت قيم الا واحد اسمه نايف معاها بالقيم شدها بثقله ورزانته "او بالاصح شدتها الصوره اللي هو حاطها🦦"
خلصت القيم واضافته عندها وهو قبل الاضافه ونامت.
" شوق"
همست بداخلها بسخرية على حالها: معقولة ياشوق! معقولة لهاالدرجه لهفتك له وشوقك له تخليك تتخيلين إشعار منه حتى بعد ماتركتيه. قطع حبل أفكارها إشعار من حساب مجهول عرفت إنه منه وأنبها ضميرها عليه فتحت الرساله كاتب** اشتقت لك ومن شدّة شوقي اذّيت نفسي ما احنّ قلبك والا باعني لجل شخص ثاني؟
جلست على الأرض من قوة كلامه.مانزلت دمعتها حست ان ضيقتها احتسبت بصدرها على هيئة حرارة احرقت جوفها. ماقدرت تبلع غصتها  حضنت رجلينها لصدرها واطلقت العنان لدموعها وبكت بشكل يقطّع القلب.بكت فقد بكت شوق بكت حرقة بكت لأنها تحس بالذنب بس هذا نصيبها! دايم كانت تحس انها ضايعه وهو اللي جمعها دايم تحس انها وحيده وهو كان انسها وكل العالم بنظرها دايم كانت تلجأ له وقت ضيقها دايم هو ملجأها من التعب والضيق والارهاق والحين وينه ؟ راحت وتركته لوحده او بالاصح استسلمت ل وحدتها بدونه. تعبت من البكي ولومها وضربها واستسلمت للنوم.
_ساره_
صحت من النوم أخذت جوالها شيكت عليه "او بالاصح على نايف "ضحكت على حالها : شفيني انا اول مره اهتم لشخص كذا واشيك على طلعته ودخلته! ضحكت على نفسها: لا مجرد فضول لا اكثر والا اقل لآزم اقول لشوق تلعب معانا .
نجد:سساره شرايك نغيب احس مالي خلق
ساره:لا والله بنداوم ونغيب الخميس مع البنات
نجد:احس وراك شي اول مره تتحمسين
ساره: هههههههههههههههههههههههههههه بعدين تعرفين.

."لمكان اول مره نروح له".
كان بمكتبة والاوراق حوله .مكان متوقع بيجي يوم من الايام ويصير عنده كل هالشغل .كان منغمس مابين الفراغ والطلعة والجيه والروتين اليومي المعتاد .سحب جواله اللي يدق وارتسمت إبتسامه على ثغره من شاف المتصل : ارحبي يامرحبا بهالصوت
ام نايف: جعل أبواب الجنة ترجب بك. وينك فيه يا امك بالعاده تفطر معي واليوم ماشفتك
نايف مبتسم: والله يالغاليه اضطريت اطلع بدري عندي شغل امريني بغيتي شي
ام نايف لالا. بس ابوك واخوانك ينظرونك وابوك زعلان منك ويقول يبيك تجيه .
نايف : كأنه شي جديد دايم ابوي كذا مايقدر يشوفني مبسوط ويخليني  بجيه أن شاء الله
قفل منها والضيق بوجهه من ابوه وتصرفاته.