قلب النايف وغايتة .

40

"صباح يوم جديد على ابطالنا"
صحى من النوم وناظر شافها نايمه بجنبة بكُل اريحيه،ابتسم وجلس يتأملها وهي نايمه،فجأة فتحت عيونها وصرخت:ييييمممممهه أنت مييييين؟
فجأة استوعبت كل الاحداث وان ذا عزوز وزوجها،نزلت راسها بفشله،اما عبدالعزيز انفجر ضحك من تصرفاتها:هههههههههههههههههههههههههههههههههههههه إنت مين أجل ها؟
فجر بخجل:شسوي فجعتني.
عبدالعزيز بعذوبه:بسم الله عليك وعلى قلبك،يلا قومي بروح اطلب لنا فطور،وبعدها نروح نسلم على أهلنا ونمشي ع المطار .
فجر بحماس :ووين بنسافر؟
ابتسم وغمز لها:مفاجأة
ابتسمت وقامت،تاخذ شور على السريع،وتتجهز.
".ساره ".
صحت من النوم ومرّت عليها إحداث أمس مسكت رأسها ونطقت:ييويلي فششله كييف بقابل نايف وهو شافني أمس !
نجد اللي سمعتها: الله يجعل همك همي،يمديه ناسي.
ساره:والله م ينسى انسى انا وهو م نسى
نجد جلست قدام ساره:ساره اليوم بفاتح أمي بالموضوع مرا ثانيه تكفيين ساعديني.
ساره تنهدت:صراحه انا اشوف ان قرارك ماله داعي،شتستفيدين من هروبك؟ادرسي هنا واجتهدي وخليه على جنب.
نجد باصرار:لا والله،انا قررت خلاص ساعديني إنتِ
ساره قامت:تمام بقوم ابدل واتجهز على السريع واجي وفاتحي امي بالموضوع وانا موجودة.
نجد:تم،بنزل اجهز الفطور مع امي.
بعد نص ساعه نزلت ساره وحصلت نجد وامها وسلطان جالسين يفطرون،صبحت عليهم وجلست.
نطقت نجد: بما إن ساره جت يُمه شرايك بالموضوع اللي قلت لك ؟
سلطان: إذا قصدك موضوع الجامعه امي قالت لي وانا اشوف ان روحتك مالها اي داعي هنا افضل لك .
نجد برجاء : والله العظيم كارهه الجامعه هنا بدرس هناك سنه وبعدين اشوف.
ساره:ترا ماهي عند غريب عندك،تدرس وحنا انا وامي م عندنا شيء نزوركم بين فتره وفتره.
ام سلطان :بكيف سلطان انا م عندي مانع.
سلطان قام:خلاص دامك مُصره قدمي،مع إني ادري م تتحملين أسبوع .
نطّت نجد من الوناسه وحضنته:الله لايييحرمنيي ادري م تخليها بخاطري.
وباست راس امها: بشتاق لكمممم
ساره ضحكت:انتِ انقبلي اول وبعدين ودعينا.
نجد:بنقببل أن شاء الله ماعلييك،بروح كزائر.
".شوق".
صحت وحصلت نوره مرسله لها،""الجو يجننن ومصلحه الفطور برا انزلي وافطري معانا"" بدلت على السريع وعدلت شعرها وبحكم ان البيت م فيه الا فيصل وعمها،اخدت شال يغطيها عن البرد م تحجبت ولا شيء،
نزلت حصلتهم جالسين برا.
ابو فيصل:هلا هلا بابنيّتي صباح الخير .
شوق ابتسمت وقربت وباست رأسه : صباح النور ياروحي.
فيصل نطق بابتسامه :صباح الخير
شوق:صباح النور لكم جميعاً .
نوره:صباح الورد ياورده.
ام فيصل بهمس:ورده ذابله عز الله
نوره ضحكت تلطف الجو:ههههههههههه يبدو ان الوالده غارت.
فيصل: متأكده الوالده مو انتِ؟.
شوق :اوه عاد عمتّي الكل بالكل تغار من مين؟
ام فيصل بشوفة نفس:صادقه م فيه احد يستحق اغار منه.
نوره تهمس لفيصل:لو شوق تستمر تمدح امي كذا علي الطلاق بتاخذ الغلا كله.
فيصل بصدمه: ووويلي ويلاه انتِ تطلقين من؟
نوره غصت بالخبز:ابك أنت وش تقول،دوعابه
فيصل:ههههههههههههههههههههههههه وعزتي لزوجك بس
شوق:شرايكم نطلع مخيم الشتاء بدا ولازم نحلله من بدايته.
نوره:الله مخيم عائلي،والا شرايك نعزم صحباتنا؟
شوق بتأييد لفكرتها:والله فكره،نعزم البنات وننبسط،شرايك ياعم؟.
ابو فيصل:اللي تبونه سووه،انا ماني معكم اعزوا صديقاتكم وانبسطوا.
فيصل:تم ناخذ مخيم قسمين واحد للرجال وواحد للبنات،حتى انا بعزم العيال.
شوق بتردد:شرايك ياعمه؟
ام فيصل بهدوء عن غير العاده:معاكم انا
شوق تهمس لنوره:بعزم صديقاتي متعرفه عليهم هنادي واميره هنادي تحفه على جوك،واكيد صحباتي اللي بزواجي.
نوره : وانا م عندي الا صديقه وحده،بعد مسافره تجي اليوم بعزمها
شوق:اجل بقول للبنات،اليوم ايش؟.
نوره:الأربعاء،يعني نخليها بكرا لين يوم السبت 3 ايام.
فيصل: خلاص وانا بقول للعيال نجهّز من الحين.
نوره وشوق نطو  حضنوا بعض من الوناسه.
نوره بعجله:بباي بروح اجهز شنطتي.
شوق:وانا بعد بقول للبنات واجهز شنطتي.
مسكت جوالها وارسلت بالقروب""بناتت بكرا بنطلع لمخيم كللنا لين السبت يويل وحده ترفض الجو يجننن""
ردت نجد:انا بكرا بمشي للمدينه م اقدر.
وردت فجر:يغدّارين وانا بمشي لشهر العسل.
والباقين كلـهم م اعترضوا قررو يجون.
".ساره".
دخلت مكتبها وطلبت قهوه كالعاده،قاعده تحاول تخلص شغلها عشان بكرا تروح وبالها مرتاح.
طق الباب ودخل نايف ونطق:صباح الخير .
فزت من سمعت صوته :صباح النور.
نايف ابتسم وغمز لها: اخبارك بعد أمس ؟!.
ساره حاولت تتمالك نفسها ونطقت:زي ماتشوف الحمد لله بكامل صحتي.
نايف نطق:انا بطلع ويمكن الثلاث الايام الجايه م اكون موجود علّميني بكل مستجدات الشركه،ممكن؟
انصدمت من الاسلوب الجديد ذا والاستاذان ونطقت :وانا كمان،مح اكون موجودة بطلع اجازه.
نايف بأستغراب:بأذن مين بتاخذين أجازه؟وليش؟.
ساره بثقه:م احتاج اخذ اذن من احد،عندي شُغل.
نايف بعدم اهتمام:مايهمني كل هالكلام،أنتِ موظفه وانا مديرك،واجازه م فيه.
ساره بتحدي:نشوف
طلع وخلاها،جلست على الكرسي بقهر ونطقت:مابقى الا أنت امشي كلامه علي،تعقب والله اني طالعه طالعه
دقت على شوق ونطقت باستعجال:تتخييلي يققهر رافض يعططيني اجازه ااهه يالقهر.
شوق بضحكه:استهدي بالله،شسالفه؟.
ساره:ناييف،تخيلي يقول انا مديرك هنا واجازه م فيه !
شوق بهدوء :وأنتِ اكيد يالشاطره عاندتي وسويتي مناحه على قلة سنع صح؟.
ساره :اي قلت له م احتاج اذن من احد و..
قاطعتها شوق:ياغبية إنتِ عنادك م ييفيييدك لو متكلمه بهدوء كان م منعك،روحي له بلطافه وهدوء وشوفي اذا م سمح لك.
ساره:يخسسى تبيني اترجاه مثلا؟
شوق:م قلت لك ترجيّه،لا قولي له بهدوء والله محتاجه الاجازه ذي مرا وم اقدر اداوم أتمنى انك تقدر ظروفي،وشوفي اذا م هدا وسمح لك.
ساره بتفكير:طيب طيب مع السّلامه.
قفلت على طول وجلست تفكر بكلام شوق،ونطقت:صدق انا غبيّه ليش م اجيبه بالكلام الحلو بدل العناد ؟.
قامت وتوجهت لمكتبه دقّت الباب ودخلت،ناظر فيها ونطق بعجله:لا تحاولين أجازه م فيه.
تذكّرت كلام شوق واخذت نفس عميق ونطقت وهي تتصنع الحزن: أنا ماني جايه اتهاوش،ولا انا جايه اعاند،بس والله محتاجه الاجازه ذي لو ماني محتاجتها م طلبتها اصلا،اتمنى تقدّر ظروفي.
نايف حزّنته وماقدر يردّها قال: ليت اسلوبك يكون كذا دايم،خلاص مسموحه كم يوم؟.
ساره بضحكه مخفيه: 4 ايام
نايف هز رأسه وقال:بالتوفيق ان شاء الله
طلعت وجلست ترقص بالممر،ودقت على شوق تبشرها.
شوق:علّمتك انا م يجون بالعناد.
ساره :ططلبتك بجـي معاك إنتِ وفيصل ونوره،م عندي احد سلطان ونجد بيروحون للمدينه.
شوق ابتسمت:من عييوني وجيبي امك بعد لا تنسين،امي بتجي وعمتي.
ساره بخبث:اخيييرا بنشوف عجوز قريح نتشرف والله

"اليوم الثاني'يوم الرحله"
جهزوا كل اغراضهم وصاروا جاهزين انهم يمشون.
شوق:فيصل بناخذ ساره وامها م عندهم احد.
فيصل : ابشري وين بيتهم؟.
شوق:انا اقولك وين.
ام فيصل:خيير أن شاء الله ولدي سواق لك انتِ وصديقتك؟.
فيصل:شدعوه يُمه حنا رايحين بدون وطريقنا واحد م فيها شيء .
خزّت شوق وسكتت
أخذوا ساره وامها ومشوا نطقت ساره لشوق اللي بجنبها:هذي وراها بتاكلنا بنظراتها؟.
شوق ضربتها:اسكتي لاتسمعك والله لتفقع عيونك.
نوره:اخبارك سويّر ؟
ساره ابتسمت:تمام أنتِ اخبارك؟.
نوره:الحمدلله تمام؟.
ام فيصل تناظر بشوق وساره وام ساره:اوهه السياره م تمشي من الثقل الله يعين.
ساره:والله مالومها السّياره من اللّي فيها.
ام فيصل بخبث:والله قبل ناخذك إنتِ وامك وش زينها
ساره:احساسك كذا والا الثقل جهتك.
قرصتها امها ونطقت:اسكتي فضحتينا.
فيصل كان ماسك ضحكته غصب من امه وساره نطق :والله الظاهر هالكشته كلها فعاليات وهوشات.
ساره : ايوالله انك صادق الشيطان موجود.
شوق انفجرت ضحك:ههههههههههههههههههههههههه
وصلـوا المخـيّم ونزلوا وجهزوا غراضهم واكتملوا كلهم الا  نايف وفهد باقي م وصلوا.