قلب النايف وغايتة .

52

ساره بحماس :ايييوالله حتى انا بروح معاكم،بس بنروح مكان فيه نت تكففون بكلم صحباتي وانا مع الخرفان
نواف:وششششهو من الخرفان؟لييكَون قصدك انا وحمد،
حمد:الزمي حدتس يالدجاجه حنا نحترمين معاكم احترمينا
نجد:هييييه الخرفان اللي بتروحوا معاها مو انتم !
ساره : الاعتراف بالحق فضيلة انتم خرفان يعني ؟
نواف شاف الشبك حق الدجاج قدامهم:الا اتركوا عني العلوم انتم م شفتوا الدجاج حق حمد؟
ساره :لاا،يلا نشوف
نواف:لالا انا بجيبه لتس مو لازم تعنّين نفستس اجلسي انتِ ونجد
راحو هو وحمد ونطق نواف :تكفى بنمقلبهم نرمي الدجاج عليهم
حمد:تتم
اخذوا دجاج وراحوا لهم،
حمد:نجد تعالي شوفي اللي معاي احسها تشبك مره
ساره جالسه تشوف سنابات خالد وميييته ضحك عليهم وعلى حركاتهم بنايف:نجد لاااتفوتك سنابات خالد تجنننننن
نجد فز قلبها وجاتها ضيييقه،كانت تحاول تتناسى وذكرتها ساره:بعديين تعالي شوفي الدجاج
سمعوا صوت ورجعوا الدجاج بسرعه وراحوا ينامون خافوا انه جدهم
حمد:خسساره م امدانا نخوفهم
نواف:افاا علييك بكره ابشر بي اذا راحو معانا تشوف العجب والعجايب
"الصباح الساعه 6 "
الكل صاحي الحد الجد والجده والامهات كلهم جالسين يفطرون
ساره:جدو بطلبك طلب لاتردني
الجد :وشهو؟
ساره :بنروح انا ونجد نرعى الغنم مع نواف واحمد
الجده: لاا،وش يوديتس مع عيال خوالاتس عييب
نجد:بلييييييييز جددو بنتمشى
الجد:والله بليس مقابلس وانا جدتس،كلام جدتكم صح وشهو له تروحن مع العيال
حمد: شدعَوه ياجدي حنا اخوانهم،ولا حنا بعيدين قدامكم
الجد بحزم:لاا ماهم بخواتكم ولا انتم اخوانهم،
ام سلطان :خلهم يابوي حتى انا بروح معاهم امشي عن القعده بهالبيت
الجده :اي وش عليه اذا امهم معهم خلهم يروحون
الجد:خلاص بس هاه الله الله بالحلال
"فيصل"
شاف العيال يصورن تجهيزاتهم  راحو وجلس عند شوق ويكمل سناباتهم
فتح على سنابات فهد يسولف ويصور للعيال وش جاب معاه
سمعت صوته شوق وقربت عند فيصل لين لزقت فيه بدَون م تحس ونطقت:ايش ذا تتابع ايش
فيصل حس بحراره تغلي بجسمه غلي من قربها وجسمها اللي لاصق فيه م قدر يتكلم،عادت سؤالها مرا ثانيه:فصّول اشبك؟
فيصل استوعب ونطق:العيال بيروحون للديره ويجهزون واشوفهم
شوق:وأنت ليش م رحت معاهم غريبه ؟
فيصل :م حبيت اروح وانتم م عندكم احد،ومالي خلق اروح
شوق:تدري حتى صديقاتي بالديره ويصورن مرا حلوه احس تشرح الصدر وناسه تمنيت انّي معاهم
نطق:افاا وانا ولد ابوي تبينها؟والله لا اودّيك لها لو تبين
شوق استانست:ووالله ؟؟؟تقدر؟
فيصل:أنتِ بس قولي ابغا وانا اقول حاضر،تم والله تجهزي واسألي صديقاتك عن ديرتهم ونروح من بكره
شوق:ليش بكره،الليله كلها 4 ساعات ساره قالت لي قريب
فيصل :على عييوني بروح اقول ل اهلي وانتِ تجهزي،وجهزي لي ملابس معاك
شوق ضحكت؛الله يعييينك بتطلع عييونك عمتي
ابتسم وراح،وهي تجهز لها وله ملابس وتفكر بينها وبين نفسها هالاسبوع تحس نفسيتها تعدلت وحبّت تغير بنفسها اشياء كثيير ومن ضمنها تحن على فيصل وتعامله معامله كويسه لانه م قصر معاها بشي
"فيصل"
نزل عند امه وابوه ونوره:السلام عليكم
ردّوا السلام وجلس عندهم
ام فيصل:اكيد عندك شيء،واضح علييك
فيصل:ايي والله يالغالييه جايه ابلّغكم اني انا وشوق بنسافر اسبوع ونجي
ابو فيصل:ازين ماسويتي ياولدي روحوا انبسطوا
ام فيصل عصبت: انت وبعديين معاك؟البنت بتلعب عليك كل يوم وانت مطلعها وين تروحون ؟
ابو فيصل:وقططع يقطع لسانك خلييهم ينبسطون،مالك دخل فيهم
فيصل :انا ماني جاي اتهاوش الله يهديكم،جاي اودعكم وامشي استودعتكم الله
باس روسهم وراح لشوق جهزوا ومشوا،فيصل م كان يدري انو رايح لنفس الديره اللي رايحين لها اخوياه،ولا بلغهم انه رايح للديره
"العيال "
وصلوا الديره ودخلوا البيت كان كله غبار لانه زمان له فوق ال 5او6 م احد دخله
جابر:لا اله الا الله هذا ايش؟
نايف مسك ظهره:كل ذا بننظفه يعيال تعب
فهد كان يناظر بخالد اللي م نطق بولا كلمه كان يتأمل البيت بضياع ويناظر كل زاويه فيه،وجهه متغيّر لونه
ششافه راح لغرفه من الغرف ونطق فهد:نايف جابر نظفوا لين نجيكم بشوف خالد اكيد تذكر اهله فكوني من الهواش لاتضيقونها عليه
دخل فهد الغرفه وشافه واقف بضياع ويتأملها عارف انه يتذكر اهله وكل زاويه بهالبيت تجرح قلبه مليون جرح ،راح له وحط يده على كتفه ونطق :ادع لهم بالرحمه عسى الله يغفر لهم
خالد دمّعت عيونه ونطق: اهخ يافهد يالدنييا،ابوي وامي واخوي قاعد اشوفهم بكل زاويه بهالبييت!هالحين وينهم،كلهم تحت التراب وانا فوقه
أشر على الزوايه:ابوي كان هنا يهاوشني لاني م حليت الواجب
واشر على الجهه الثانية:وعبدالله اخَوي كان هنا يضحك علي
وامي كانت تدافع عني عند ابوي
جلس بهدّت حيل وكمّل: اهخخ يافهد ابييهم تكفففى والله اني راضيي انضرب ليل نهار بس يرجعون،راضضي اموتتت بس هم يعيشون
ضمه فهد وخلّه يكمل فضفضه بدون م ينطق ولا كلمه: تاريخ وفاتهم يافهد مرسوم بذاكرتي ابكي علييهم كل يوم كأن البكاء بيردهم انا ضعيييف واهلي كسرني موتتهم كسر امانه ياففهد انا م باقي فيني حيل انا ضايع لا ام ولا اب ولا اخ خواتي برقبتي وكل يوم اخاف اني اكون مقصر عليهم بشي،الابو نعمممه عظيمه وفقدانه كسر قلب والام عمود البيت اللي لو راحت البيت ينهد قلبي مهدود وهالبيت هد حيلي
تدري اني بكل زاويه اشوف ضحكتت امي،تددري انيي اششم ريحتههم والله اششمهم وييييييينهم ياففهد ويينهم
ونططق ببكاء وصَووت مهدود حييله:أحسب عمار الدار ياسعود جدران
وأثر عمار الدار ياسعود أهلها،
كمّل: ككيف انسسسى الحضضن اللي ب اقشر الاييام ضمنييي وينهم،ويينك ياعبدالله ويينك ياعضضيدي ليه تخلّيني للايام المُرّه ياعضيدي صار اخووك اليووم ل احزانه سجيين !  شوف الدنييا
كييف طللعننا من البييت كامللين وانا راججع له وحييد بدونهم !
بعده فهد عنه وشدّ على كتفه: خالد خلاص هذا القدر الحمد لله على كل حال تصبّر وادع لهم،والله اني كنت عارف من لما قلت بنروح لبيتنا القدييم وانا عارف ان هذا اللي بيحصل،تصبّر وانا اخوك وابوك لو تبي وامي امك يشهد الله انها تحبك مثلي وأكثر، تصبّر وانا اخوك
خالد ضمّه:أنت اخووي والله بس فقددته فقددتهم كللهم فقدانهم يكسر الظهر ويهد الحييل والله
فهد مسك شماغه ومسح وجهه خالد فييه: امسح وجهك واطلع توضى وصل لك ركعتيين وتعال الدنييا ماشيه ولا نعترض على قضاء الله وقدره
راح خالد يغسل وجهه ويصلي وفهد تضايق من الوضع اللي خالد فيه وطلع يتمشى برا ونايف وجابر ينظفون البيت ويتهاوشون
*.شوق وفيصل*.
مع طريقهم للديره وكل واحد مستانس أكثر من الثاني شوق راميه النقاب لان الطريق م فيه احد
شوق :نبيي اغنييه حط لنا
فيصل ضحك :للأسف خربان م يشتغل
طلعت شوق سماعتها من شنطتها وشبكتها بالجوال وشغلت اغنية لمحمد عبده وركبت وحده باذنها واعطت فيصل وحده:خذ ذي وقرب بصور
اخذها فيصل وقرب من عندها وصورت وحططتها سناب(التشبيه انستا rwaiii_a ) ،وقفلت جوالها
وجلسوا يتمايلون مع الاغنيه ويغنون معها
فيصل ياشر عليها بيده: اطالعك مشتاق لك كلي قهر واهديت لك روحي مع قلبي مهر والكون كله يامنى روحي فداك
شوق تكمل: م اعشقك بالسر انا احبك جهر واعيش بك مرتاح مادور سواك
فيصل :واللي يشوفك من جمالك انبهر ايييوا عاشش ابو نوره
شوق ضحكتت:ااههخ احبببببه
فيصل ابتسم :ياحظظه والله
ابتسمت وم ردت
*"ساره ونجد"
راحوا مع نواف وحمد يرعوا غنم جدهم وتعبوا من الطريق
ساره: نواف الله ياخذك وققف تعببت
نجد:بيعع طلع كذا الروحه مع الغنم
حمد:خلّوا عنكم شوفوا البيت ذاك عنده سيارات شكل الديره فيها ضيوف
ساره ناظرت وتنهد:اهخ كانها سيارت ناييف
نجد ضحكت:ههههههههههههههههه انتي حتى العنزه تشوفينها نايف
حمد:من نايف؟
ساره:مديري بالدوام
نواف:اوووخصص انتِ موظفه؟
ساره:ايي،لي 4 شهور من تخرجت توظفتت
نجد:ونايف مديرها بالدوام لو تشوفونه تموتووون مزيون
حمد كشر:كأني اششوفه يمديه كأنه هالعنز
نجد :هههههههههههههههههههههههههههههههههههههه لا والله يجننن
نواف يتميلح:ططيب انا شرايكم فييني؟
ساره تنهد ونطقت تسوي نفسها متخرفنه:اهخخ جمييييل مرا تجننن
نجد تمسك قلبها :ارفق على قلبييي ذاب
حمد اخذ ولد الخروف :بتسكتووون والا كييف
ساره: اصلا بروح اصور انا ططفش
نجد:لا تبعدين تضيعيين
ساره:لاا بجي بسرعه
*.نايف*.
خلص تنظيف هو وجابر وتروش وبدل وتعطر وشاف العيال نفسياتهم معدومه قال بروح اتمشى لين تزين نفسيتهم،اعجببته الديره وجوها
راح عند مكان حلو كله اخضر وانسدح فيه وشغل اغنيه لمحمد عبده وقفل عيونه وسرح بخياله
*.ساره*.
تمشي وشالت نقابها وفتحت شعرها حطّت شيلتها على كتفها وتوثق للبنات بالسناب كل شيء وقفلت وفجأه نطقت بخوف:ييويلي الطريق وينه
شافت كلب جاي با اتجاهها يركض وجلست تصارخ بخوف:يا مااماا لحقققوني
وراحت تركض م تدري وين رايحه المهم تختفي عنه
نايف"
فزّ من سرحانه من صوت البنت قام يتلفت يمين يسار م شاف احد راح وشاف بنت تركض وراح ب اتجاهها،
ساره شافت شخص قدامها وارتمت بحضنه بخوف:تككففى بعددده عني الله يخلييك
نايف عرفها من صوتها وريحت عطرها ونطق بخَوف: بسم الله الرحمن الرحيم قل أعوذ برب الناس
ساره م استوعبت شي ولا عرفت الصوت : بعّد صح؟
نايف تاكد إنها هي وضمّها بقوّه ونطق يغير صوته:لا  قرّب بس لا تتحركين يهجم عليك
ضمته وبكت:تتكفى ودني اهلي م اعرف وينهم
نايف ضحك وهي سمعت الضحكه وناظرت بصدمه وبعدت:نايييف ؟بسسم الله ييمه انت حقيقي؟
ناييف:ياججعل الكلاب وكل حييوان يكثرون بهالدنيييا والله
ساره استحت ونزلت راسها :مععليش والله خففت م اعرف شسوي
نايف ساكت يتأمل وجهها وشعرها اللي يطير مع الهواء وخدودها الحمراء من الخوف والحياء تمنى ان الدنييا توقف على هاللحظه وتبقى قدامه يتأملها كل وقته: احد قالك أن وجهك حـياه؟.
ساره تمنت الأرض تنشق وتبلعها من الحياء مدّت يدها لرقبتها تدور حجابها م حصلته ونطقت بخوف:ححجابي،ييويلي جدي يذبحني
نايف: لييّه؟
ساره:انا جايه مع عيال خالي هنا وجدي لو اروح بدون حجاب يذبحني تككففى ساعدني
نايف:ياقبلةة الله على هاللوجهه اهخ يساره،شوفي كييف ربي جابك وجاب لك الكلب
ساره عصبت:انت وين وانا ويين !؟
نطق بخبث:الككلب جاء الكلبب
ارتمت بحضنه للمره الثانييه وهو ضمّها بكل قوته وتنهت تنهيده طوييله ونطق بكل عذوبه: أحبّك واللّه،تعبت أكابر وربي جابك لي
ارتجفت كل خليه بجسمها لدرجة انه حس برجفتها صدمها اعترافه الصريح ،م توقعته يعترف لها توقعت كبريائه م يسمح له
بعّدت عنه وجات بتروح ونطق: وييّن؟مو تقولين ضايعه؟
ساره بضياع:ايي،
نايف مد لها يده:هاتي يدّك بوصلك