قلب النايف وغايتة .

21

طلعت من الشّركة ودقت على شوق وقالـت لها على كل شيء شوق:يعني عرفك خلاص؟
ساره:ايي عرفني واحس بردت قلبي بالكلام اللّي قلته له
شوق:بس انتِ غبيييه ليه تقولين دور موظفه غيري،كان نشبتي له،
ساره:يابنتت من القهر مادري شقول طلعت مني فجأه بس يمكن اروح بكره اسوي نفسي اخذ باقي اغراضي اشوف هو يقول شي والا لا
شوق تغيّر الموضوع :تدرين اليوم بنطلع استراحه مع أهل فهد ،ودّي اخذك واقول ذي اختي
ساره فرحت:الله وناسه روحي ومنها اعتذري منه على اللّي صار،
شوق:مدري افكر ،وبعدين بنجلس اليوم وبكره
ساره:انا ونجد بنروح لـ ريماس ومها اخوات خالد اللي موظف عندنا بالشركه
شوق تذكرت خالد ونجد وضحكت:حلو روحو غيرو جو وانا بعلمك بكل شيء يصير
ودعوا بعض وساره وصلت البيت ونامت عشان المغرب تروح هي ونجد لـ ريماس ومها وشوق راحت تجهز للمزرعه
-جنى و ملاك ووجدان واشواق وفجر-
كانت عندهم محاضره اليوم وداومو مع بعض.
جنى كانت تفكر بالصدفه اللي جمعتها بسعود كيف ربي جمعهم بنفس المكان وهي كاذبه عليه بمدينتها،ماتوقعت الصدف تجمعهم.
كانو راجعين من الجامعه مع اوبر ومرو ستاربكس ياخذون قهوه،
جنى:بنات شرايكم نروح مطعم نتغداء
اشواق بنوم:لا والله انا دايخه وبروح البيت انام وصلوني وبعدها بكيفكم
وجدان:وانا كذالك
ملاك :سيم سيم صديق
فجر كانت بعالم ثاني عايشه،كل أفكارها توديها لعزيزها واخر شي طلب منها،متردده تكلّم أهلها عنه او تسكت،خايفه من رفض أبوها .
وصلوا كل وحده لبيتها.
جنى دخلـت غرفتها وبدلت وانسدحت على سريرها وكلمت مندوب يوصل لسعود هديه لأنها مجهزته له ك اعتذار على كذبتها،وحطت رأسها ونامت.
شوق"
جهزت لها لبس يكفيها لـيومين ولبست وتجهزت واخذوا اغراضهم متوجهين للاأستراحه وهي تفكّر بكلام ساره،تعتذر من فهد والا تطنش الموضوع ،وصلوا
هنادي وهي تضم شوق :هلااا واااحششتينيي ياكلببه
شوق:وربيي اكثثر يرروحي،
بعدت عنها وهي تسلّم على الباقين نزّلو عبايتهم بيما ان الرجال بقسمهم بعيد عنهم وجلسوا كلهم يتقهوون،كان وقت الغروب والجو يجنن ورايق،
هنادي مسكت يد شوق :امشي بنتمشى بالأجواء الحلوه ذي
ام احمد (ام فهد):لا تبعدن عن المزرعه تضيعن ترا شوق جديده ماتعرف الأماكن وأنتِ يهنادي مايُعتمد عليك
هنادي بزعل :افا يالغاليه تفشليني عند ضيوفك
ام بندر تضحك :حرام عليك يام أحمد الا هنادي عاد ترا زعلها من زعلنا
شوق: لا يخاله انتِ زعلتي هنادي وانا زعلت معاها لازم تراضينا
هنادي ضربت شوق:خيير شدخلك حتى بالزعل تشاركيني حيوانه
ام بندر وهي ماسكه ضحكتها: لـك عيوني ياشوق اما هنادي ماتستاهل
هنادي اخذت حجره من الأرض تسوي نفسنا بتضرب شوق وشوق هربت:تعالي حتى أمي زعلتني عشانك ياكلببه
وركضوا لما تعبوا وجلسوا على الأرض
هنادي:الله لايلعنك تعبت
شوق بتعب:احس نفسي بينقطع أعوذ بالله منك
هنادي بهدوء استغربته منها شوق :شوق بسألك عن شيء تجاوبيني؟
شوق:اسألي اذا عندي اجابه بجاوب..
هنادي:آخر مُره شفتك إنتِ وفهد ببيتنا،عرفت إنكم تحبون بعض بس لما سألت فهد تغير وجهه وقال لي كلمة وحده عجزت افسرها
شوق لفت لها:ايش الكلمه
هنادي: كنت أسولف معاه والمح له عنك فجأه قام وواضح انه تضايق وقال"معاد حنا اثنين ياصبح الاثنين"
شوق : شالغريب بالكـمه واضحه.
هنادي:غريبة علٍّي فسّريها لي.
شوق:يعنـي انا وهو م صـرنا مع بعض تركنا بعض من زمان ترا،بس لما التقينا عندكم ماكنت ادري اصلآ انو بيتكم او انو فهد اخوك وصار اللي صار.
هنادي:طيّب عادي أعرف السّبب؟
شوق تنهدت: مـاادري بس من البـدايه علاقتنا غلط،وهذا غير انو أهلي مسميني لولد عمي.
هنادي :طيب ماتدرين إيش يتغيّر بالّدنيا او أيش يصير ليش تسبقون الأحداث،يمكن ربي كاتبكم لـبعض شدراك؟يمكن تعيشون الم الفقد ذحين والايام الجايه تعيشون لذّة اللقاء.
شوق:الله كريم إذا ربي كاتب لنا لذة لقاء على قولتك بيكتبها لنا بالحلال.
هنـادي قـامت:بـروح أجيب لنا مويا واجيب لنا فرشة وانادي البنات بنجلس هنا لين الصباح أن شاء الله .
_هنادي_
راحـت تمشي لـ أمها وام بندر والبنات وبوجهها صادفت فهد.
فهد:هنّو شعندك من وين جايه ؟
هنادي جات ببالها فكره قالت بخبث: أبد والله بس فيه احد ينتظرك بالمكان ذاك(وهي تأشر له عن مكان شوق)
_شوق_
لما قامت هنادي فتحت جوالها ودخلت على محادثاتهم وجلست تسمع الفويسات،وبكت بدون ماتحس،كيف صرنا وكيف كنا وذحين بنفس المكان ولا نقدر،نروي شوقنا.كل ماحاولت توقف بكي زادت دموعها فجأه انتبهت للي جلس بجنبها بدون كلام.ناظر فيها وشافها تبكي ونطق بحنيّه وهو ودّه يحضنها ويدخلها بصدره:‏" وجهك فَرح ماهو بلايق تحزنين ليه تبكين؟
شوق زادت بكاء لما سمعت نبرته:هنادي وراء جيتك صح؟.
فهد وهو كل همه مع اللي بكاها وهو يدري انو هو السبب: يمكن الوحيّده اللي أجرها كبير هالايام هنادي،بس خلّيني منها أنتِ من نزّل دموعك؟.
شوق:تـذكرت لمّا كنت تقول ليّ ليٓت أهلنا قرايب والله كان كل يوم وانا عندكم،ومااخليك لوحدك ،واليوم انا وأنت بنفس المكان بس قلوبنا بعاد ولا أحد يدري بهّم الثاني تدري احيانا اتمنى إني ماعرفتك ابدا .
فهد رغم انه تضايق من كلامها الا انه نطق بحنيّه:والله إنك لـقلبي أقرب قريبة ولا تغيّر حبك بقلبي بالعكس يتزايد وهذا شيء يفرّحني بالعكس مايضايقني رغُم بعدك انتِ عني لذي الدرجه وجودي يؤذيك؟.
ششوق:مايؤذيني والله توذيني أيامي بدونك'قامت ونطقت: انا بدخل تبي شيء ؟.
فهد ناظرها بنظره عجزت تفسرها: لو قلـت لك أبي تنفذين؟
شوق:تبي ايش؟
فهد برجاء :‏" عادي أجيك ومن حزن هالليله تخبّيني؟دام ربّي جمعنا هاللّيله نفس المكان خليّنا ننسى اللّي ورانا وقدّامنا وعلى الأقل تكون لنا ذكرى حُلوه مع بعض،لاترفضين عشان خاطر أيامنا الحلوه معا بعض.
شوق:بفكر مدري
فهد قام:انتظرك الساعه 12 بنفس هالمكان ولاتخافين هنادي معانا.
شوق راحت للبنات بدون ماتقول له ولا كلمه
هنادي بضحكه :هلا باللي لها الخافق يهلّي
شوق ضربتها بفنجال القهوة:انتِ مالك أمان الشرهه علي اروح معاك
هنادي تهمس لها:شسـوي طلع بوجهي اخيي وحبيت افرحه بلقاء .
_