قلب النايف وغايتة .

26

فهد تنهد ونطق بيغير موده : أوه،تكبر وتنسى على الأقل م اعطتك أمل فارغ،وجلست معاها وتعوّدت عليها،من البدايه اختصرت لك،يومين وتتخطى وندوّر لك عروس
خالد عصّب وصدم فهد أكثر :إنت شقاعد تقول؟.تحسبني العبّ؟.وإلا خبل يقول الكلام وينساه،ترآ والله العظيم ماكنت استهبل كنت أحبها صدق والله،صح أنك بتنصدم بهالمّده حبيّتها،بس يشهد علي الله م استهبل إني احبها ولا اتخيلها تاخذ غيري يافهد أفهم ،المفروض أنت اللّي تحس فيني لانك جرّبت الشّعُور،بس واضح أنك م أنت يمّي،،قام بيطلع ومسك فهد يده ونطق:أجلس أجلس .شفيك انفجرت لا بارك اللّه بالكتمان،ماقلّت شيء أنا،اترك كل شيء على ربّك اللّي اللَّه كاتبه بيصير انا وأنت،حظوظنا مع حبايبنا مدحدره بس مالنا الا الصّبر ونواسي بعضنا وربّك يحلّها،
خالد ضحك من حالهم:المُشكله مو بس انا وأنت،نايف شكله ماشي لطريقنا
فهد ضحك:هههههههههههههههههههههههههههههههههههههه ليه شسالفته
خالد :ذاك اليوم يقول إنه يحب بس راحت من يدّه
فهد تنهد:الله يعين،تزين ماعليك خلّها على ربك.
".شوق".
رجعـت من الجامعة وبدّلت ونزلت لـ أهلها عشان تتغداء وتنام،حصّلت أبوها بالصاله جالس وأمها بالمطبخ تجهّز الغداء،
ابو بندر:ياهلا ببنيّتي.
شوق قرّبت منه وحبّت رأسه :هلابك ياروحي
أبو بندر:تعالي بجنبي دام الغداء م جاء عندي موضوع بكلّمك فيه
جلست جنب أبوها ونطق: إنتِ تدرين يا أبوك أنك كبرتي واللّي بعمرك ببيت زوجها،وأن هذي سنّة الحيآه،وإلا والله ياضيّ عيني إني ماودي وحده منكن تبّعد برا هالبيت بس،حكمة ربنا،عمّك كلّمني اليوم ويقول بيجهّزون الزّواج ولدهم مستعجل،جهّزي نفسك وأنا أبوك بالإجازة حدّدو الزواج ،وإنا أدري إنك تثقين برأيي ولا اخذت رأيك،والله لو ولد أخوي مافيه خير أنه يخسى يطول ظفر منك بس أعرفه رجّال مافيه العيبه،جهّزي نفسك. باس رأسها وهي م نطقت بحرف واحد من هول الصّدمه،كانت تدري أنها مسمّيه لولد عمّها بس كان عندها أمل أنها م تاخذه،أول م جاء ببالها حبيب روحها وقلّبها كيف بتصارحه أنها فعلاً بتتزوّج صدق وعرسها قرّب،قامت من عند أبوها وطلعت فوق متجاهله كل الأصوات اللّي تناديها،مسكت جوالها ودوّرت على رقمه ودقّت عليه وهي للحين تحت تأثير الصدمه.
ردّ عليها وهو مستغرب من أتصالها اول مره بعد ماتركته تدّق عليه فتح السّماعه بدون مايتكلّم وجاه صوتها الباكي: فــهّـد
فزّ من مكانه:عُيـونه،شـفيّك؟.
لمّا سمـعت صوته زادت شهقاتها وبكاها،تحّس لسانها انربط عن الكلام،صوته كفيّل بأنه يزيد ضعفها،نطقت بتقطيع من البكي: دّقيت ازفّ لك خبر زواجي ماحبّيت تسمعه من غيري، زواجـي تحدّد.
".فهد".
َكان واقف وجلـس بضّياع يحسّ الدّنيا ظّلّمت عليه مسكه خالد وبعّده عنه وقفّل من شوق بدون مايرد عليها بولا كلمه وحده،جلس يدور بالمجلس بدون ولا كلمه  وحده يكلّمه خالد مايرد عليه،مسكه خالد وراح ركب هو وياه بالسّياره وقرّر يودّيه مكانهم المعتاد عشان يرتاح ويقول له شفيّه،وصلوا المكان ونزلوا وجلسَوا
نطق خالد:شـفيك مكالمه غيّرت حالك،،ونطق يكمّل:شَوق وراها صح؟
نطق بضياع وصوت شبه عالي:شوق تحدّد زواجها،قبل شوي كنت أضحك عليك وأعطيك أمل بس الأمل اللّي عندي انقطع،كانت دايم تقول لي ولد عمي وولد عمي،ماكنت متوقع بتصير حقيقه بس صارت(بدأ يصاارخ وكمّل:صارت ياخالد صصصصارت،تدري اذا تزوّجت صدق شبيصير فيني؟تدرري وإلا لا؟.ورب النّعمه بضضضيع والله بضضيع تكفى يـاخالد مالي غيييرك،لاتروح ياخالد والله اضيّع،أنا تعلّقت فيها،وانا اللّي تخيّلتها معاي طول العُمر،أنا اللّي له حق ياخذها،يييجي ذذا بارده مببرّده ويسسلب قلبي منيييييّ،احببببها والله أحبها حسّو يعالم واللّه أحبها،لا أحد ياخذذها تكفى يـا خـالد هـذي قلًْبي،هذي اللّي اعطيها كل عُمري ورُوحي ولا يرفّ لي جفن كيف تروووووح منييييي كيييييييييف ؟؟.
خالد انصصدم من كلامه يدري أنه يحّب شوق،بس ماتوقع كل هالأنفعال اللّي جالس يصير يحسّ مو قادر يواسيه،توه قبل نص ساعة قاعد يشكي له رفض نجد له،بس يدري أن حبّ فهد مو زيّ حبه لنجد،عجز عن الكلام،كل اللّي سوّاه انه ضّمه وجلس يطبطب عليه،مايعرف يواسي،كان أول يعطيه أمل انه بياخذها،بس الحين
راحت منه خلاص .
بعّد عنه فهد وجلس ونطق بحرقه:أثر المحبه يا صاحبي كلها نار وانا فوقها مثل الهشيم احرقتني، آه ياخالد آه من النّار اللّي بصدري،يمكن تقول ذا مجنون ذا خبل،البنت بدالها بنت،بس شوقِ غيّر شوقِ غيّر والله غيّر،جتّني بلحظة ضعف وصارت هي قوّتي جيتها بضيقتّي وبفرحتي وتسمع لي،تبكي معاي وتضحك معاي،شوق قلـبي والله قلـبي،مرّات احسّها بنتي مو حبيبتي،ومرّات أحسها ضمّادي من كل الألم،لييه الشّخص اللّي نرتاح معاه يروح ليّه ليييييييييّه.
خـالد بحُزن على صاحبه وعلى نفسه : يـقولون الحُبّ الصادق مايكتمل،نصيّبها الله يوفّقها،والعوض يجيّك أن شاء اللّه
فهد بحرقة ودموع :ودّي أقول الله لايوفقها إلا معيّ،ودّي أقول جعل سعدتها ماتكون إلا معي،بسسس ماأقدر م أقدر أدعي علييييها ماأقدر بس أبيها لونها جمره تحرقني أبيها ليييه تروح لغيييري لييييه.
خالد لمّا حسّ أنه عاجز عن الكلام بكاء على حاله مايدري شيسوَي ودّه يشيل كل حُزن من قلبه بس عاجز ،ماعرف إلا انه يبكي معاه،لـمّـا شـافه فهد يبكي
وجلس جنبه ونطق بتسأؤل:تـبكي علي والا على نفسك؟.
خالد نطق:قالوا الرُجل مايبكي بس انا اقول الرّجل يبكي لما يفقد شخص من العائلة، أو فقدان شخص عزيز على قلبه. - في حال تعرضّه للقهر،أنا ابكي منهم كلهم يافهد،مرّيت فيهم كلهم،فقدت أمي وفقدت ابوي وفقدت اخوي وفقدت الشّخص اللّي حبيّته قبل ابتدي بالمحبه رفضني.
فهد نطق:ذيّيك الايام ماني بناسيّها.
خالد نطق :وشلون ابرجع وارجّع وقتي الماضي.
فهد بتساؤل:تتوقع بيجي يوم،تنجبر فيه قلوبنا؟.
خالد بنفس النبره:تتوقع بيجي يوم تنسى شوق؟.
تنهد فهد وسكت شوي ونطق: انساها؟اذا نسيتها اعرف وقتها اني  اكون فارقت الحياه .
خالد :النّصيب يصيب وانا اخوك،الحمد لله على كل
فهد نطق بحزن:عسى النّصيب يصيب واشوفك حلالي،
خالد:للحين عندك أمل ؟.
فهد:ليين آخر يوَم بعُمري م اضيع هالامل وبالذات انه يربطني بشوقي،أدري انها بتحاول عشاننا بس ان شاء الله ماتخيّب ضنّي
خالد:جعل ربّي يسخّرها لك ويكتبها من نصيبك،ويكتب نجد من نصيبي
فهد :أن شاء الله ييارب
-شوق-
تكلّم ساره ونجد وتبكي تشكي لهم:والله يا ساره ما اعرف ايش اسوي،احس ضاييعه،
ساره:استخيري يابنت يمكن ولد عمك ينسّيك فهد وايامه وكل شيء
نجد تكمّل:صدق والله يمكن يكون لك عوض من ربي ويسعدك،ترا  كل شيء خيره
ساره:مو انتِ دايم تقولين لي الخيره فيما اختاره الله،أنا اليوم اقولها لك والله خيره،لا تتضايقين وتوقفين حياتك عشان شخص،هو اكيد بيتزوج ويجيب عيال ويستانس،لاتوقفين حياتك عشانه عيشي اللحظه وخلّي كل شيء على الله
شوق:اذا العوض غيّره م ابيه،م اتخيل نفسي مع غيره،بنات والله م انتم حاسين فيني
نجد:شوق فهد تراه يمديه مستانس والدليل انك تقولين قفّل مارد عليك خلييه،علينا انا وساره نجيب لك اخباره انتِ الحين جهزي لزواجك وحنا معاك بكل شيء اي شي تحتاجينه حنا خواتك ياروحي،بنكون معاك خطوه بخطوه
ساره:وأهم شيء حاولي تكلمينه عشان تتعودين علييه قبل الزواج
شوق نطقت بهمس:يخسى
نجد:شوق والله عنادك م ينفعك فكري زيين تكفيين خلاص م تقدرين تغيرين شيء.
جلسوا يخففون عليها ويواسوننها وهم م يدرون عن اللي براسها،حالفه أنها ماتخلي هالزواج يعدّي على خير لو كلّفها حياتها مارح تكون الزوجه اللي يتمناها ولد عمها.