الجد:والله يا رقيه بنات هالزمن وش السوات
و ناظر ل امها : يام سلطان هالبنت ابيها عندي م تروح
ساره فزّت: تخييل بسس
ام سلطان بحزم: سساره ! ولا كلمه اسكتي
وناظرت ل ابوها : تمززح معاك يايبه الله يهديك
ساره ونجد قاموا
نجد: بنروح نتمشى شوي ونرجع
طلعوا وعصبت ساره :يياربييي ذي البدايه كيف بتحمل اسبوع !
نجد:ياغبييييه اسلوبك انتِ يخليهم يحطونك براسهم لاتعاندي
ساره : ممم اعرف ! لاززم اناقش انا م اعرف اسكت
شافوا ثنين جايين اتجاههم وكل َواحد معاه عصى ولابسين ثياب لونهم بنين ولافين شماغ على روسهم
ساره تأشر لنجد :شوفي
نجد: ييويلي شكلهم حلويين تتوقعين مين !
*.عند حمد و نواف*.
نواف : حمد حمد شوف اللي قددام بيتنا ؟
حمد بعدم مبالاه:اكيد من بنات الحاره
نواف ضحك: هههههههههههههههههههههههههههههه صاحي انت ؟ بنات الحاره يلبسون عبايه تلمع؟
حمد بتفكير:اي والله انك صادق،مشينا نروح نشوف
راحو لهم ونطق نواف :السلام عليكم
ساره ونجد: وعليكم السلام
حمد:شعندكم واقفين عند البيت بغيتو شي؟
نجد:وانت شدخلك شكل وظيفتك هنا تراقب بيوت الناس !
حمد : ذا بيتنا للمعلوميه، وحبيت اسأل يمكن تبون شي ومستحين تطلبون
ساره:انتم مين
نواف بسرعه:حمد ونواف
ساره نطقت لنجد:يووه ذولي حقين الغنم
حمد:انتم مين؟
ساره: بنات منيره عمتك
نواف:اووه اشوف والله انكم مو من هنا من عبايتك اللي تلمع ذي وراك م تلبسين عباية ساده ؟
ساره: اقول بالله ترا تو مخلصه من محاضرت جدي فكني من شرك
حمد: صادقين ذي لو عند بناتنا لبستها بالعرس
نجد:انتم غير وحنا غير
نواف لحمد :حلالاه يامن حطهم عند الغنم ليل نهار
حمد:ههههههههههههههههههههه لاتستعجل يسويها جدك
دخلوا داخل وجلسوا نواف وحمد يتقهوون وياخذون علوم عمتهم،ودخلوا ساره ونجد وجلسوا عندهم .
ساره :اوفف حر،بنزل نقابي
نجد تهمس لها:ياغبيه وين عايشه انتِ والله غير جدي يذبحك
ساره:عاديي عيال خوالي زي اخواني
مدّت يدها ونزلت نقابها،وانتبهوا لها كلهم.
الجد مد لها عصاه :ياببنتتت تغطيي
الجده: اناا اخت مساعد يامره البسي برقعس
ام سلطان ومزنه والعنود كانوا جالسين بدون ردت فعل لأنهم يدرون جدهم وجدتهم م يقصرون .
ساره خافت من انفعالهم وتغطت بحجابها:يويلي اشبكم! عادي اخواني
نواف لحمد :اهه راحت حياتي عند غنم جدي اهه ياحمد شفت اللي شفته؟
حمد: الله ياخذ هالوجهه اللي كل يوم اشوفه وخر يارب يطيح نقاب الثانيه
الجد ضربه :ولد غض البصر وقم انت ويياه للحلال
قاموا وهَم يتحلطمون على حياتهم اللي عايشينها
ساره قامت : يياربي تراكم اوووفر !ععادي اعتبرهم زي اخواني وبعدين حر ؟
الجد بعصبيه:وقطع يقطع لسانس،صوتس لايرتفع نقابك م ينزل عنك هنا تفهمين؟ومن بكره الساعه 5 الكل يكون صاحي بدري حياة النوم بالنهار والسهر بالليل ماهي بعندي
الجده : اذلفي من وجهي عصبتي جدك،روحي اطلعي
راحت وراحت وراها نجد وامها
ام سلطان :انتِ وبعدين معاك؟م تفهميين؟ كم مره قلت لك انتبهيي ياساره هنا مو نفس الرياض اصبري الاسبوع ذا وبعدين سوي اللي تبين
ساره بكت:ماما والله احس مو مرتاحه كل حركه عندهم عيب شسوي
نجد :يمه م عليك روحي عند جدي وجدتي انا بتكلم معاها وشوي نجي .
أنت تقرأ
قلب النايف وغايتة .
Romanceتدور القصه حول فهد وشوق اللي يحبون بعض وابعدتهم العادات والتقاليد،ونايف وساره اللي من لعبه جمعهم الواقع بدون م يعرفون بعض يسوقهم القدر ويجمعهم بنفس الشغل والمكان،ونجد وخالد اللي فرق بينهم الحقد والغضب ولكن ربما يجمع القدر ابطالي مره اخرى ب اواضاع اف...
