"سـاره"
كانت مستغربه غياب شوق بدون ماتعطيها خبر،غريبة عليها مستحيل تغيب بدون م تبلّغها.
ساره:بنات والله احس شوق فيها شي ماني مرتاحه.
نجد:شوق يمديها نايمة وفالتها وانتِ شايله همها.
ساره:لا والله غريبة
فجر :يمكن راحت عليها نومه،
اشواق:لا اكيد حبّت تغيب وم تبينا نغيب عادي.
نجد:نرجع البيت ونشوف،لاتشيلين هم أن شاء الله خير.
ساره :أن شاء الله .
" عند الشوق والفهد"
طلع من عندها لجل يبلّغ اهلٰها انها بالمستشفى ،بس عجزْ عن الاتَصال حتى بلّغهم يحس شيء صعب انه يدق ويقول والله انا صدمت بنتكم وهي بالمستشفى يحس شيء مايقدر يخرج حروفه لـ أهلها بسهولة ،راح للي بالاستقبال واعطاهم الرقم وطلب منهم يدقون يبلّغونهم.
"عنـد أهل شوق"
دق الجوال وردّت ام بندر(ام شوق):هلا من معي؟!
المستشفى:معاكم مستشفى ....... بنتكم تعرضت لحادث وهي بالمستشفى حالياً .
ام بندر قفلّت بعدم استيعاب:ييويلي بنتي،بس كيف وهي مدوامه!؟.
شهد:يُمه شفيك؟.شصاير؟
ام بندر :شوق بالمستشفى،ققومي ناديي بندر بنروح لها.
شهد بكت:ييمه ششفييها؟.بندر مو هنا
بندر بصراخ:حااادددثثث بس قومي.
جاء ابو بندر:ششفيكم؟ليش الصراخ؟.
ام بندر علّمته ان شوق صار لها حادث ونطق بخووف واستعجال:انا بروح واطمّنكم.
شهدجلست عند امها تهديها : استهدي بالله يا أمي بإذن الله مافيها شيء،ابوي بيطمنا علييها م علييك.
هزّت راسها وببكي ورُوحها تحترق ماستوعبت شيء للَحين كل اللّي فهمتٰه أن ضنا قلبها بالمستشفى نطقت ببكي:بنتِي يا أمك بنتِي بين الحياه والموت،
نزلْت دموعها غصباً عنها وهي ماهي قادره تخفف عن أمها او تنطق بشي،لأن حتى المستشفى لما كلموها ماعطوها أخبارها هل هي بخير ولا مو بخير،
"ساره"
بدّلت ملابسها على السريع وهي تركض لجوالها بتدق على شوق تطمّن عليها.
نجد:ها ردت شوق؟
ساره :لا
نجد :دقي على شهد اختها عادي
ساره مسكت جوالها ودقت على شهد وللاسف قالت لها انو شوق بالمستشفى.
تكّت على السرير وروحها وقلبها تحترق على صاحبة قلّبها وروحها ماتدري عنها شي وكيف وضعها او بالاصح كيف صار لها كل ذا ،بكت ببخووف من خسارتها او حياتها بدونها ،تحس روحها تلتهب من شدّة حزنها،رفٰعت يدّها تمسح دمعتها اللّي نزلت تلهب قلبها وتكوي جوفها، وتمتمت: كَسرتيٓ قلبي بوجعك ياشوق كسرتي قلبي
سمعت نجد من وراها وهي تبكي وهي ودّها تطمن قلبها وقلب اختها لو شوي:كلّمتي احد كيف شوق؟
ساره:كلّمت شهد قالت ماشوفها وماتدري عن شي بس انها بخير وشوي بتكون بالبيت
تنهدت نجد وحسّت براحة مجرد ماقالت أنها بتطلع للبيت ماهمها وش حالتها او وش مرّت فيه المهم انها بخير والباقي يهون.
YOU ARE READING
قلب النايف وغايتة .
Romanceتدور القصه حول فهد وشوق اللي يحبون بعض وابعدتهم العادات والتقاليد،ونايف وساره اللي من لعبه جمعهم الواقع بدون م يعرفون بعض يسوقهم القدر ويجمعهم بنفس الشغل والمكان،ونجد وخالد اللي فرق بينهم الحقد والغضب ولكن ربما يجمع القدر ابطالي مره اخرى ب اواضاع اف...
