قلب النايف وغايتة .

37

نايف وهو متعمد يستفزها عشان تجاوب:اشتقت اكلمك ،بس شكل فيه بديل.
ساره انقهرت:تطمن ماني رخيصه زيك من واحد لواحد،صديقتي جايه من شهر العسل وجالسين نجهز لها استقبال عند أهلها .
نايف حزّت بخاطره كلمتها،بس تدارك الوضع ونطق بضيق:شوق بتروح لـاهلها.
وطلع من عندهم،واستغربوا العيال تصرفه،لحقه جابر ونطق:شفييك؟.ليه انقلب حالك؟.
نايف:لا ولا شيء جتني رساله ضايقتني بس.
فهد من وراهم:الشعور ذا اعرررفه ززييين ينايف،بس صدقني بتتعود مع الايام،كنت بالبدايه تضيق فيني الدنيا بس الحين تعودت.
نايف:ها م أنت رايح تتعرف على فيصل ؟
فهد:شوي ، انتظر خالد،بيروح معي.
جابر:يلا انا استأذن عندي شغل،ودعوه وجلس فهد ونايف.
نايف: وش شعورك لو شوق حبّت فيصل وتخلّت عنك؟
فهد تنهد:تتوّقع انّي بقول انساها؟.خلّها دامها سعيده انا سعيد.
نايف:بس انا اشوف العكس؟.
فهد بعدم فهم:شلون تشوف العكس،مافهمت.
نايف:قاعد تحاول تتعرف على زوجها عشانها.
فهد:طيب قلتها إنت،قاعد اتعرف عليه عشانها،منه اعرف اذا كانت سعيده بدوني أو حزيّنه،تحبه او تكرهه.
نايف:معقوله الحـُب يسوّي كذا؟
فهد: يسـوي أكثر.
نايف ضحك : يعني صادق اللي قال الحب قطع قلوب البعارين حتى الكلاب السود يلعن جدفها.
فهد:ههههههههههههههههههههههههههههههههههه
نـايف: نسمه بارده وقمر وش تحتاج؟.
فهد بعدم فهم:وش؟
نايف:تراني أحب الشعر،وخالد يقول انك تحفظ كثير،هات لك قصيده.
خالد من وراهم:مو وقتته مستعجلين،يلا مشينا
فهد ابتسم :يلا يالنايف الجايات أكثر.
وقام وركبوا وتوجهه هو وخالد لبيت أهل شوق،وصلوا وصادفوا بندر عند الباب،رحب فيهم وجلسوا يسولفون وراح بندر  يجيب القهوه.
فهد:متى يجي الثور ذا
خالد:الله ياخذ عدوك اسكتت،لاتفضضحنا.
فهد ضحك:اخاف يجي فيصل اتوطى ببطنه.
خالد قام:ترااك تسوييها لاتفضضضحني يافهد،والا تدري روح لنايف وانا اتعرف على فيصل واعزمه للاستراحه وتتعرف علييه.
فهد قام:اصلاً ماني قادر اتحمل والله،قول لبندر اني جاني شغل وطلعت ضروري.
مشى فهد متوجهه للاستراحه،وصلها ودخل وحصل نايف جالس.
نايف:هااه وشصار،مسرع تجي؟.
فهد تنهد ونطق:
‏ياللي شريت البعد ماغاب طاريك
حتى لو ان البعد سوى سواته

كن الطيوف تقول وشحال غاليك
واقول راح  ومابقى الا غلاته

مريت شارعكم وصادفني اخيك
واللي قطع كبدي حلاتك حلاته

بغيت الخبط من دعاياه وادعيك
اسمك وقف بين اللسان ولهاته.
نايف ضحك:ييخرببب بيتت ابو الحب،كذا يسوي فيك؟.
فهد غمز له:ططالع منها وأنت رساله قلبتك فوق تحت؟.لاتكابر اعترف قبل تأكلها .
شـوق"
صار لهم ساعه ينتظرون ورق عنب نوره ونطقت :وشذا ورق العنب يانوره شكله ييوصل الصباح .
فيصل ضحك: ههههههههههه شكل اللي تسويه مثل نوره رفله.
نوره:خلاص ياخي الشرهه على اللي يطلب لكم روحوا اذا وصل ابقي لكم.
شوق:اجل يويلك ارجع م احصل ورق عنب،اخلييك تسوين لي علّمتك.
ام فيصل بحده :والله بنتي ماهي شغّاله عندك تتأمرين عليها، خير ان شاء الله هذي بدايتها اوامر اجل كيف بعدين؟ترسليني انا اجيب لك واخدمك !.
شوق:شدعوه ياعمّه  امزح اشبك ؟!.
فيصل :يُمه الله يهديك شوق م قصدها
نوره تخيلت شوق ترسل امها وماتت من الضحك :ههههههههههه تخيلت شوق ترسل أمي.
فيصل يغمز لها عشان تسكت ونوره يزيد ضحكها أكثر وأكثر .
ام فيصل :لا وانا امك بيصير العكس،ماهو انا اللي يتأمر علىيّ احد.
شوق قامت ونطقت بعصبيه: فيصل يلا مشينا.
فيصل قام ونطق:الله يسامحك يايمه هذا استقبال لنا؟
ام فيصل ناظرت لنوره:شششوفي شوفي اخوك ،والله إن مافيه العقل سحرته بنت امها.
نوره:يُمه حراام علييك والله ان شوق عسل،اول م جت اكلتيها.
ام فيصل بعصبيه:لالا قومي هاتي عصى اضربيني عشانها.
نوره تأففت وقامت وطلعت فوق.
'فيصل"
تضايق من معاملة امه لشوق من البدايه كيف بعدين،مد يده وحطها على يد شوق ونطق:شوقي،تكفيين لاتتضايقين،عشاني وعشان نوره،امي حرمه كبيره واللي بقلبها تقوله لاتاخذين على خاطرك
شوق ابتسمت: افا عليك اعرفها من قبل وادري ان هذا اسلوبها بالعكس وجودك انت ونوره يصبرني عادي
ابتسم ونطق :الله لايحرمني من القلب الكبيير بس
شوق بتردد:فيصل لاتنسى اتفاقنا
تضايق ونطق:لا م عليك
كمّل الطريق وهو يحس الضيقه تأكل قلبه،مايدري يلقاها من امه وتصرفاتها،والا شوق ونفورها منه،نطق بينه وبين نفسه :لذي الدرجه ياشوق تحبين ذا الانسان لدرجة انو حتى طيبتي معاك وغزلي فيك م نسّتك وش  مسوي عشان تتعلقن فيه.
"نجد"
راحـت تجيب الطلب من المندوب وقفت عند الباب واخذت الطلب ولفّت بترجع وشافت اللي طلع مع باب المجلس ووقف يناظر فيها ونطق:نجـدي هنا ؟
نجد تذكّرت كلام مها ومشت بدون ماترد علييه،كل اللي سوته إنها مشت مكأنه موجود بنفس المكان،سحبت نفسها وقررت انها تعيش حياتها بدون حب،تدعس على قلبها لو كلّفها الأمر حياتها.نطقت ب استهزاء :نجدي ؟ ماكأنه مرسل اخته تسمعني كلام زي السّم،وقدامي انا العاشق المجنون،والضحيه انا ! بس انا اكبر من الحب وضضعفه عزّت نفسي فوق كل شيء لو اضطريت انزع قلبي وارميه رميته،ومتت م عندي مشكلة الإنسان بلا كرامه ماله داعي بالحياه،اذا فقدت كرامتك فقدت حياتك،وانا الزم م علي كرامتي،الحب ينمحي مع الايام لكن  الكرامه ترفعك فوق،كرامتك اهم يانجد.
الحب ينمحي مع الايام لكن  الكرامه ترفعك فوق،كرامتك اهم يانجد.طردت أفكارها لما وصلت عند البنات واعطتهم الاغراض.
ساره باستعجال:ببناتت نوره تقول شوق مشتت بسرعه.
فجر:خلاص كل شيء جاهز بس  باقي حنا نتخبى وبعدين نطلع اذا سلّمت على أهلها وخلصت.
راحوا البنات دخلوا الغرفه وبقى اخوات شوق وامها يستقبلونها.
-شوق-
وصـلوا بيت أهلها ونطقت:الله اششششتققت وربي
فيصل ابتسم:هاا عادد متى ناويه ترجعيين؟.
شوق:والله مدري على حسب المزاج.
بندر جاي تجاههم ويرحّب:ييامرحببا نورت الرياض.
نزلت شوق من السياره وراحت تركض وحضنته:اششتقت لك ياحمار.
بندر:والله وطلع لك وحشه إنتِ ماتوقعت افقدك .
وراح يسلّم على فيصل :هلا بولد العم ارحب.
وغمز لشوق :ادخلي داخل،فيصل بسرقه انا
ضحكت شوق وراحت دخلت،انصدمت لما شافت الباب مفتوح وامها واقفه تستقبلها بالبخور وريحة البخور منتشره بالمكان،امتلت عيونها دموع وحضنت امها:اشتقت لك،ماني متعوده ابعد عنكم كذا.
ام بندر: والله اننا أكثر وانا امك،البيت ناقص حلاه بدونك،بس خلينا ندخل شهد  وجوري ينتظرونك.
دخلت وراء امها وانصدمت أكثر لما شافت المكان كله ورد،وحلا،وبخور،استقبال يفتح النفس،ووجود خواتها وامها،هذي اللحظه السعيده عندها،سلّمت على خواتها.
شهد:لاا كان طولتي أكثر بعد !
جوري:مالومها لو طولت احد يرجع عشان وجهك؟.
ام بندر:اتركونا من البربره الزايده وشوفوا شغلكم.
شهد فهمت امها وتنحنحت،وطلعوا البنات كلهم وراء بعض،نجد،ساره،فجر،جنى،نطقوا مع بعض :ووحششششتينا.
حطت يدينها على فمها وصرخت صرخت فرحه،وغطّت وجهها بيدها وبكت ماتوقعت ولا واحد بالميه تشوفهم اليوم،وحششوها مرا،بس ماتوقعت وجودهم.
ركضوا لها واحضنوها.
فجر بتغير مودها:الله ريحة تُرككيا.
ساره ببكاء:كلييزق ياشوق تبيعينا عشان الزواج وتروحين تف عليك،لك وحشه.
نجد بعدت عنها:عاد خلااص زودتوها وخروا عن البنت.
جنى ضحكت:هههههههههههههههههههههه حتى عبايتها م خليناها تنزلها.
بعدت عنهم شوق ونزلت عبايتها وجلسوا يسولفون ويتقهوون.
-خالد-
دخـل فيصل وقام يسلّم عليه.
بندر:يالله حي معرسنا.بشرنا عنك وعن علومك
فيصل:نحمد الله بخير.
خالد:ها كييف الزواج تنصحنى نلحقك والا نقضيها عزوبية.
فيصل ضحك: الحقني العزوبيه تقصر العمر.
بندر:والله م احد يقصر العمر غير المسؤوليه.
خالد:صح الزواج استقرار،بس مع الشخص اللي تحبه.
فيصل:بلا حب بلا خرابيط الحب يجي بعد الزواج،أهم شيء الاحترام بين الزوجين .
بندر:دُرر ابن العم .
خالد بتسليك:صححييح.
-البنات-
شوق:بناات قوموا بنروح نسوي لنا جلسة بالسطح عندي لكم سسسسووالف وماتجي الا بالسطح.
فجر:يلا ومنها