قلب النايف وغايتة .

31

"بتركـيا"
افطروا وطلعوا يتمشَون،الأجواء كانت جمييله مطر وبرد،
فيصل:شوق تذكرين طفولتك لما كنتي صغيره.
شوق ابتسمت:يووه م انساها والله.
فيصل ضحك :تذكرين لما نجحتي من صف أول ابتدائي
شوق:لما سرقت فلوس نوره هههههههههههههههههههههههههههههههههههه .
فيصل :اي الله لا يعيدها من سرقه وليتها تسوى ريال بس عشانك يستاهل.
شوق:بس تصدق كان الذ حلاو اكله.
فيصل :اتذكر لما جاتني نوره تقول شوق نجحت الأول على الفصل دقيت الصدر وقلت يلا حبيبتك لازم تجيب لها شيء وتكسب عجابها،م حصلت فلوس تذكرت ريال نوره ورحت سرقته هههههههههههههههههههههه.
شوق تنهدت:بس تصدق ايام حلوه.
فيصل:لو قالوا تمنى لك امنيه وتتحقق بقول نرجع اطفال.
شوق: ليش تذكرت الطفوله ايش ذكرك.
فيصل يغير الموضوع ناظر وشاف محل اسكريم ونطق:تبين ايسكريم ؟
شوق ابتسمت: م أقول لا
اشر لها على الكراسي:روحي اجلسي هناك دقيقتين واجيب لك.
جلست شوق وهو راح،لما قرّب شاف بنت صغير تقريبا عمرها 5 أو 4 ناظر لها مكتفه يدينها وواضح عليها خايفه،قرّب يحاول يكلمها بس م يعرف تركي،وقف قدّامها والبنت خافت وبكت ونطقت:تبي تخطفني
انصدم انها عربيه و صدمه أكثر لما بكت قرب منها ونطق يهديها :لالا يابابا لاتبكين انا احسبك تركيه وماعرفت اتكلم معاك.
البنت:ابي اختي.
فيصل:وينها اختك؟.
البنت:راحت وقالت استنيني وانا رحت وضعت.
فيصل بحنيّه وهدوء : خلاص تعالي اشتري لك ايسكريم ونروح نجلس هناك على الكراسي ننتظر اختك تجي تمام ؟
البنت :طيب
راح فيصل وشراء لها ايسكريم واخذ لشوق ومسك يد البنت ووداها شوق.
شوق نطقت بصوت عالي تكلم فيصل:انا قلت جيب لي ايسكريم مو بنت.
فيصل ضحك: جبت لك ايسكريم قابل للاكل و ايسكريم غير قابل للاكل.
البنت: هذي اختك.
فيصل ضحك:لا زوجتي،الا انتِ شسمك؟.
البنت: ميان
وصلوا لشوق وقامت ومسكت البنت :وهه ياربي يالحلوه شسمك.
فيصل:ميان،حصلتها عند محل الايسكريم ضيعت اختها
شوق بحزن :حرام اختها اكيد خافت امش نروح ندور عليها.
مسكت ميان ونطقت:ميونه قلبي،اختك كيف لبسها.
ميان :مدري نسيت،بس اختي حلوه مرا
فيصل:ههههههههههههههههه لا حليتيها م فيه حلوه غير اختك.
شوق خزته:هي صادقه اختها حلوه زيها
فيصل بهمس:ايييووه لازم يدافعون عن بعض لو م يعرفون بعض.
شوق:اقول امش بس بنروح ندورها.
راحو عند محل الايسكريم ويدورون اخت ميان،فجأة ميان صرخت:اختتتي
وراحت تركض ناظروا فيصل  وشوق وشافوا بنت جايه اتجاههم وضمت ميان.
جات لهم وكان واضح عليها منهاره صياح ونطقت :مرا شكرا الله يسعدكم.م اعرف كيف اشكركم.
شوق :شدعوه م سوينا شيء
وقربت منها وضمتها تهديها وقالت:تعالي نروح نتقهوى مع بعض
راحـت البنت مع فيصل وشوق يتقهوون مع بعض،بعدين فيصل اخذ ميان يلعبها بالالعاب وشوق والبنت جلسوا يسولفون.
شوق:ساكنين هنا؟
ميار بحزن:لا،جايين نتمشى،مرّينا بمرحلة جداً صعبة،توفت أمي ودخلت بأكتئاب حتى ميونه كرهتها وقف معاي أخوي لين تخطيت وبديت اهتم بميان وقررت اجي نتمشى انا وهي يمكن تتغير نفسيتي.
شوق حزنت عليها:كم لها متوفيه امك الله يرحمها .
ميار:سنه ونص،
شوق:من وين أنتم
ميار :العاصمه من الرياض،
شوق ابتسمت:الله عندي حلو نزور بعض ونونس بعض.
ميار :أن شاء الله ،إلا انتِ جايه هنا أول مرا والا قد جيتي.
شوق تنهدت:لا اول مره جايه شهر عسل.
ميار ابتسمت:ماشاء الله الله يتمم لكم واضح زوجك حبوب،وطيب.
شوق:اي مرا
_
نجد.
جالسه عند امها بالصاله ودقت عليها ريماس.
نجد:اهليين رموسه
ريماس:هلابك ياروحي اخبارك ؟
نجد:الحمد لله تمام .
ريماس :بدون رسميات عاد ابيك تجين عندنا انتِ وسوير خالد مو هنا وطفشانات مالنا غييركم. لاترديني
نجد :تمام بشوف وارد لك خبر
قفلت منها وقالت ل امها قالت روحوا لهم لين اخوهم يجي.
طلعت فوق وقالت لساره اللي طايره من الفرحه انو نايف ارسل لها وقال لها انه حصل لها وظيفه لو تطلب نجد عيونها عطتها من الروقان،م اعترضت وتجهزوا وارسلوا لـ ريماس وراحو لهم.