قلب النايف وغايتة .

32

ام سلطان راحت لبيت ريماس ومها عشان تشوف آخر الأحداث عن الملكه،
ام سلطان:والله اني من فرحتي كانه واحد من عيالي اللي بيتزوج.
ريماس بكت وضمتها:والله ياخالتي انك بمقام امي الله يرحمها،وقفتك معانا مح ننساها.
نجد قامت وراحت فوق  وهي ماسكه الغصه وحطت راسها وجلست تفكر،بحياتها اللي انقلبت فوق تحت،
"الصباح".
بحكم ان الملكة ماباقي لها الا يوم صحوا كل الي فالبيت عشان يكملون اللي ناقص،ويجهزون كل شيء،
خالد  قام قال: يلا بوديكم انا وتشوفون وش ناقص وتكملونه.
ساره بحماس:وناسسه،زمان عن الفعاليات.
خالد:انتِ مو مداومه اليوم ؟
ساره:لا استاذنت.
راحو البنات يتجهزون وراح خالد ركب السيارة ينتظرهم ويفرفر بجواله وجات ام سلطان  ومها وساره وريماس
خالد يدورها بينهم ونطق: باقي احد؟.
ريماس: لا نجد تقول بنام مو رايحه تحس نفسها تعبانه وتقول بنام،م نامت كويس البارح.
خالد  استغرب تصرفاتها وهروبها منه،صارت الشكوك تاكله.
بعد ماخلصوا وكل شيء رجعو للبيت،حطت ريماس الغداء وتجمعوا على السفره،ناظر ماشاف نجد بينهم مسك جواله وأرسل لريماس يسألها عنها
ريماس :نايمه فوق  لسا ما صحت.
خالد:طيب
قام خالد لما شاف الكل ملتهي بالأكل ،وراح فوق وفتح الغرفه على نجد وحصلها فعلآ نايمه رجع يتغداء ويتقهوا مع خالته ام سلطان .
ام سلطان :خالد،لايضيق صدرك،انا امك لوني م اسد مكان الغاليه،اشوف لك فتره تعبان ومتضايق،والله ان فراقها عزيز علينا كلنا بس هذا قضاء وقدر ،وهي لو هي عايشه كانت بتكون اسعد انسانه انبسط وتجهز واستانس وخل هموم الدنيا على جنب.
خالد:يابعد عمري يخالتي الامور طيبه أن شاء الله .
"،شوق"،
كـانت جالسه تكلّم ميار اللي تعرفت عليها بفتره قصيره لكن حبتها مرا، جاها فيصل وجلس معاها.
فيصل:الدنيا مطر شرايك نقوم نمشي؟
شوق حاسه روحها متضايقه وحزينه وشايله هم شيء بس ماتدري ايش،وتشوف ان هذي أفضل فكره عشان تهرب من افكارها
ابتسمت:تم م اقولك لا.
فيصل:ياجعلني م انحرم من هالمبسم العذب والله.
تجهزت على السريع وراحوا يتمشون بالمطر.
شوق شافت منظر عجبها ونطقت:فصول امش بنتصور هناك بلييز.
فيصل:على خشمي أمشي
راحو تصوروا و أرسلتها على صاحباتها،ونزلتها قصه بالسناب ،راح عن بالها انها حاطته عام ،
ردت فجر رساله صوتيه:الله كيييييوت يالييته انا وفصول.
جنى ردت على ملاحظه اختها:شوق امسحيها بوجهي اختي مهوسسه بعبدالعزيز.
ساره ردت:اهخخ ياشوق ليتها انا واللي ببالي.
شوق فتحت التسجيل الصوتي وقالت""أن شاء الله يابنات تجربون الشعور كلكم مع اللي تحبون"وارسلت مرا ثانيه :الا سوير نجدي وينها؟ليش مختفيه؟.
ساره راحت لها خاص:شوق نجد لها فتره مو عاجبتني من لما خطب خالد.
شهقت شوق شهقه خلّت فيصل ينفجع:بسسم الله علييك شفييك؟.
شوق:لا بس جاني خبر صدمني ماعليك.
دقت على نجد على طول بدون ماترد على ساره.بعد مده ردت نجد بتعب:اهليين شوق عمري اشتقت لك.
شوق تحاول تشفر عشان فيصل م يفهم: خليني من الشوق،وش اللي وصلني عن ريماس،مبسوطه أنتِ.
نجد فهمت انها تقصد خالد: تزوج الله يوفقه،اما من ناحيتي بخير ياروحي،بس اشتقت لك خلّي فيصل يرجعك.
شوق ناظرت بفيصل:والله فيصل عاجبه الجو مو حاب يرجع،وبعدين ترا تصريفتك م مشت علي بس ارجع أن شاء الله ونتفاهم.
".فجر ".
جالسه بتوتر لانها تعرف ان عبدالعزيز جاي مع الطريق يخطبها للمره الثالثه والخوف متملك قلبها،جاء ابوها.
ابو فجر:قومي سوي لنا قهوه وشاي بيجوني رياجيل
فجر قامت بكل هدوء وراحت حصلت جنى بالمطبخ
فجر بخوف:ييويليي يويليي والله خاييفه.
جنى:ياغبيييه ابوي اذا شافه مُصر بيزوجه ماعلييك توكلي على الله.
جهزت القهوه والشاهي،ووصلها مسج من عبدالعزيز يقولها انه وصل وراحت،عند الشباك بحيث انها تسمع هرجهم.وقفت وهي تدعي من كل قلببها ان هاليوم يعدي على خير.
ابو عبدالعزيز:والله يابو فجر انت تدري ليش جايين للمره الثالثه،حنا شارين بنتك والا مكان شفتنا نجي للمره الثالثه الا ان نسبك يشرفنا واتمنى انك م تردنا هالمره.
ابو فجر بتفكير:يصير خير بإذن الله افكر وارد لكم خبر بعد يومين وان شاء الله م يصير الا اللي يرضيكم.
حست بفرحه ان ابوها مارفض على طول نفس كل مره تجدد الأمل داخلها،وراحت تركض فرحاانه راحت تبشر جنى، ارسلت لعبدالعزيز ""ششكلك زي م قلت الثالثه ثابته"""" تنهدت بكل راحه،تحس روحها بتطير من الفرحه صح ان الموافقه النهائيه م جات بس تدري دام ابوها قال كذا انه موافق.