قلب النايف وغايتة .

8

ََ
‏مرحوم ياللي كل ماجيت برثيه
عجزت اعبر بالحكي والكتابه

الـيـوم الـثـاني*
بيـت أبو سلطـان "
كانـوا جالسين مع امهم يـتقهوون مع امهم بالصـاله"
ام سـلطـان: ام عبـدالله كلّمتني قبـل شوي وعزمتـها بيضوا وجهي قدّامها وجهزوا الضيافة .
نجد بكسل:يوهه يا ماما تونا البارح جايين منها يالليل
ساره بتسأول:معها احد؟
ام سلطان: والله مدري بس مثل ماقلت لكم بيضو وجهي
نجد بهمس:ليه حنا مكياج نبيض وجهك
ساره سمعتها وانفجرت ضحك:ههههههههههههههههه اهه بطني
ام سلطان تهمس:الله يعوضني خير
قـامت ام سلطان وراحت لــ غرفـتها تتجهز لـ ام عبدالله "
نجد :بقوم اسوي بان كيك وحلا وانتي تعالي سوي فطاير ونجهز الضـيافه وإذا جات ام عبدالله عند أمي نتكي معاهم ونحش
ساره: يع والله مالي خلق للحياه كلها
نجد:يلا بس قومي
راحت للمطبخ وفتحت الثلاجة وطلّعت البيض عشان تسوي الخليط حق البان كيك،خلّصت الخليط وطلّعت التاوه  وبدأت تصب الخليط على شكل دوائر وانتظرتها تتحمر .. اخذت التوست وبدأت تحمصه ورجعت تسوي بيض وتطلع المعلبات وتقلب البان كيك وانتهت من البان وبدأت ترتبه بشكل مرتب وتحط الاضافات عليه و البيض وطلعت ابريق  وحطته على الفرن وأخذت مويه بارده وصبته بالابريق وشغلت النار وتنتظره يغلي لأجل تحط الشاي وبعده تسوي القهوه،
"الساعه8:00"
جالسين بالصاله ينتظرون ام عبدالله اللي تأخرت عليهم.
نجد: يَُمه يمكن الحُرمه غيّرت رايها
ام سلطان :لو غيّرته كان بلْغتني
*دق جوال ام سلطان،وكانـت صاحبتها الثانية وجارت ام عبدالله*
ام سلطان :ياهلاا يام محمد
ام محمد وهي تبكي: رااحت يام عبدالله راحت الغالية
ام سلطان فزّت من مكانها : بسم الله شفيك مين اللي راحت؟
ام محمد بصوت مهزوز :ام عبدالله  صار لهم حادث بالطريق وتوفت.
ام سلطان من الصدمه ماقدرت ترد قفلت بوجهها وهي بحالة صدمه من الخبر اللي نزل علييها مثل الصاعقة خبر وفات صاحبة طفولتها اللي عمرها ماشافت منها الا كل خير صاحبتها اللي الكل يقول انهم خوات مو صديقات تتمنى من كل قلبها بهاللحظه انو يجي يحد ينفي هالخير اللي دمّر كل خليه بجسمها .
نجد بخوف:يُِمه تكفين ردي علينا شفيك؟
ام سلطان بصوت متقطع: ام ع عبدالله ماتتت*وانهارت بكي*
جلسوا ساره وكيان ونجد يهدونها ويسمون عليها ويقرون عليها قرأن لا علّى وعسى تهدأ.
*عدّة اول ليلة صعبة على الكل على ام سلطان وعيال ام عبدالله وعلى كل من تعز عليه ام عبدالله *
"بيت ابو عبدالله "
كـان منطوي على نفسه ولا نزلت منه دمعه وحدة كان من هول الصدمه حتى دموعه مانزلت كان يواسي خواته ويسمع صياحهم وبكاهم وهو يتقطع من داخله ولا هو عارف يوقف آلامه .
َ
َ