Chapter 288
Part 288January 18, 2023
နှစ်သစ်ကူးအားလပ်ရက် သုံးရက်မြောက်နေ့တွင် ကျန်းယန်ရှန့်သည် ယွဲ့စုန့်၏အိမ်သို့သွားရောက်ခဲ့သည်။
ကျန်းမိသားစုနှင့်နှိုင်းယှဉ်လျှင် ယွဲ့မိသားစုမှာ သဲကန္တာရကဲ့သို့ အလွန်တရာခြောက်ကပ်နေရှာ၏။
ယွဲ့စုန့်၏မိဘများသည် ယခင်နှစ်သစ်ကူးကာလတွင် ကျန်းယန်ရှန့် ကိုတွေ့ပြီးနောက် ထွက်ပြေးခဲ့ကြပြီး ယခုအားလပ်ရက်၌ ပြန်လာကြပြီဖြစ်၏
ဤရက်တွင် အဘိုးယွဲကို တစ်ယောက်တည်းချန်ထားရစ်ခဲ့၍မရချေ။ထို့ကြောင့်ပြန်လာကြရခြင်းဖြစ်သည်။
စုစုပေါင်း လူဦးရေ လေးယောက်သာရှိသော မိသားစုသည် မျိုးဆက်သုံးဆက်အထိ ဆင်းသက်လာသော်လည်းဆွေမျိုးများများစားစားမရှိကြပေ။
ယွဲ့စုန့်၏အဘွား ကွယ်လွန်ပြီးနောက်ပိုင်း အဘွားဘက်မှ ဆွေမျိုးများနှင့်လည်း ခပ်ခွာခွာဖြစ်သွားကြသည်။
ယခုဤနေရာတွင် ယွဲ့စုန့်၏မိခင်ဘက်မှ ဦးလေးဖြစ်သူ၏ မိသားစုလည်း ရောက်နေ၏။
ဦးလေးရွှယ် ၊ ရွှယ်ရှင်းထုံ နှင့် ကျန်းယန်ရှန့်တို့၏တည်ရှိမှုကြောင့် ယွဲ့မိသားစုက အနည်းငယ်စိုပြေလာသယောင်ထင်ရသည်။
အလွန်အကြူး မအောင်မြင်ခဲ့သော ယွဲ့စုန့်၏သမိုင်းဝင်တစ်ဝမ်းကွဲအစ်ကိုမှာတော့ ထိုနေရာတွင်ရှိမနေခဲ့ပေ။
"ဒီလောက်ဆိုရင်တော ဒီကောင်လေး ဘာကြောင့်ဒီလိုဖြစ်နေရလဲ သိလိုက်ပါပြီ " ရွှယ်ရှင်းထုံက ကျန်းယန်ရှန့်အား ပြောသည်။
"သူ ငယ်ငယ်လေးကတည်းက ဘာလုပ်ရမှန်းမသိဘဲ အဘိုးကိုပဲ စိုက်ကြည့်လာရတာလေ...
အိမ်က ဗလာကျင်းပြီး ဘယ်သူမှလည်းမရှိဘူး....အဲ့ဒါကြောင့် လူ့ဂွစာလိုလို ရေခဲတုံးလိုလိုပုံစံပေါက်နေတာ "
"ငါကြားတယ်နော် " အဘိုးယွဲ့ကအော်ပြောလေသည်။
“ဒီဟာမလေးကတော့ ငါ့အတင်းတုပ်နေတာပဲ "
“ဘယ်ကလာ...ဘယ်လိုလုပ်ပြောရဲရမှာလဲ အဘိုးအတင်းအုပ်ချင်ရင် တိတ်တိတ်လေးပဲချမှာပေါ့ ပေါ်တင်ပြောမလား "
YOU ARE READING
အပိုင်း ၂ အကြီးဆုံးသမီး
General FictionEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...
