Chapter 290
Part 290January 19, 2023လျန့်ယင်းယင်းသည် သူမ၏ဗလာကျင်းနေသော အိပ်ခန်းထဲတွင် အမြဲလိုလို အထီးကျန်နေရပြီး ဒရိုင်ဘာကျိုး၏အိမ်ထောင်ရေးမှာလည်း ကတောက်ကဆများလွန်း၏။
ထိုအခါ သူတို့နှစ်ယောက်တွင် မကြာခဏတွေ့ဆုံကြသော ဆက်ဆံရေးတစ်ခုရှိလာသည်။
လျန့်ယင်းယင်းက သူမတို့နှစ်ယောက်တွေ့ကြသည်ကို မသိသာစေရန်အတွက် ကျန်းရှို့ချန်ကို အပြင်သို့ တစ်ခါခေါ်ထုတ်သွားဖူး၏။
သို့သော် အိမ်ပြင်၌ ကျန်းရှို့ချန်အား တကယ်တမ်းဂရုစိုက်ပေးရသည်မှာ အန်တီဝမ်သာဖြစ်သည်။
လျန့်ယင်းယင်းသည် အကြောင်းမျိုးစုံပြ၍ ဒရိုင်ဘာကျိုးနှင့်အတူ တစ်နာရီ နှစ်နာရီခန့် ပျောက်သွားလေ့ရှိ၏။
တစ်ကြိမ်ပေါ်နှစ်ကြိမ်ဆင့်လာသောအခါ
အန်တီဝမ်ကလည်း အခြေအနေကို ရိပ်မိလာသည်။အန်တီဝမ်က ထိုကိစ္စကိုဗန်းပြပြီး လျန့်ယင်းယင်းထံမှ ပိုက်ဆံတောင်းခဲ့၏။
လျန့်ယင်းယင်းသည် အစောပိုင်းတွင် ပိုက်ဆံပမာဏအနည်းငယ်ကိုသာ ပေးခဲ့သည်။
သို့သော်လည်း ပုထုဇဥ်လူသားတို့၏လောဘမှာ အတောမသတ်နိုင်သည်မဟုတ်ပါလော။အန်တီဝမ်သည် တစ်ကြိမ်ထက်တစ်ကြိမ် ပိုများသော ပမာဏကို တောင်းလာသည်။
အချိန်ကြာလာသည်နှင့်အမျှ လျန့်ယင်းယင်းမှာ သည်းခံနိုင်စိတ်ကုန်ဆုံးလာပြီး အန်တီဝမ်နှင့် ကိစ္စပြတ်ချင်နေပြီဖြစ်၏။
ထို့ကြောင့် အန်တီဝမ်ကို သူခိုးဟုစွပ်စွဲပြီး ပထုတ်ရန် အကွက်ချကြံစည်ခဲ့သည်။
နှစ်ကိုယ်ကြား စေ့စပ်ညှိနှိုင်းရန်အတွက် လျန့်ယင်းယင်း က တံခါးကို ပိတ်လိုက်၏။လျန့်ယင်းယင်းက အန်တီဝမ်နှင့် နောက်ဆုံးအပေးအယူတစ်ခုလုပ်သည်။
ရွေးချယ်စရာနှစ်ခုရှိ၏။
သူမ ပေးသော ပိုက်ဆံပမာဏတစ်ခုကိုလက်ခံပြီး အလုပ်မှ နုတ်ထွက်ကာ ပျောက်သွားပေးမည်လော။ထိုသို့မဟုတ်ပါက သူခိုးတစ်ဦးအနေဖြင့် ထောင်ထဲဝင်ကာ ပဲထမင်းစားမည်လော။
YOU ARE READING
အပိုင်း ၂ အကြီးဆုံးသမီး
General FictionEldest Daughter Was Reborn အကြီးဆုံးသမီး Description အရင်ဘဝတွင် ကျန်းယန်ရှန့် သည် သူမ၏ သုံးစားမရသည့်ဖခင်နှင့် မိထွေးဖြစ်သူကို အရွဲ့တိုက်ပြီး ဆေးလိပ်သောက်ခြင်း၊ အရက်သောက်ခြင်း၊ တက်တူးထိုးခြင်းနှင်း ကားပြိုင်ပွဲများတွင် သူမဘဝကို အချိန်ဖြုန်းခဲ့သည်။ ...