[ဘုရားရေ ကျမ့်ယိလင်တကယ်ကြီး စိတ်သစ်လူသစ် ဖြစ်သွားပြီလား။ သူ့ရလဒ်မှာ တကယ်ကြီး အမှားအယွင်း မရှိဘူးပေါ့။ ငါတို့ ကမ္ဘာကြီး ဘာတွေဖြစ်နေပြီလဲ။ ငပျင်းတစ်ကောင်ရဲ့ တကျော့ပြန်လာမှုပေါ့]
[ငပျင်းတစ်ကောင်ဖြစ်တဲ့ ငါ့အတွက် ဒီနေ့ကစပြီး ကျမ့်ယိလင်က ငါ့အိုင်ဒေါဖြစ်သွားပြီ! ငါ့ရဲ့ အားတက်ရာလေး! အခု ငါ့မှာ ပန်းတိုင်ရှိသွားပြီကွ!]
[ကျမ့်ယိလင်ကို သက်သေမရှိဘဲ ခိုးချတယ်ပြောတဲ့ကောင်တွေ မျက်နှာစပ်ကုန်ကြပြီလား]
သူတို့မျက်နှာတွေ တကယ်ပဲ စပ်ကုန်ကြပါပြီ။ တကယ်တော့ အခု ဘယ်သူမှ တစ်ခွန်းမပြောနိုင်ကြတော့ပါ။
စကားဝိုင်းအများစုက ကျမ့်ယိလင်ရဲ့ ရလဒ်တွေ အချိန််တိုအတွင်း ဘယ်လိုတိုးတက်လာကြောင်းကိုသာ အာရုံစိုက်ထားကြခြင်းဖြစ်သည်။'
သို့သော်လည်း ကျောင်းသားတချို့ကတော့ ဒီလိုဖြစ်လာတာကို အတော်လေးကျေနပ်မှုမရှိပေ။
ဟူကျောင်းကျောင်း ဒီတစ်ခေါက်တော့ သတ္တိရှိသွားသည်။ ဝမ်ရှန့်ချုံရဲ့ ထိုင်ခုံဆီ တည့်တည့်လျှောက်သွားပြီး ပြောလိုက်ပါသည်။
"ဝိုး ကြည့်ပါဦး။ ယောင်လီဓာတုဗေဒနှင့်အဆင့်မြင့်ဒြပ်ထုသုတေသနအဖွဲ့အစည်းက ထုတ်ပြန်ချက်တောင် ထုတ်ပြီးသွားပြီ။ ကျမ့်ယိလင်ရဲ့ ရလဒ်က ဘာမှ အမှားအယွင်းမရှိဘူးတဲ့။ အဲ့တော့ နင်ဘာပြောစရာရှိသေးလဲ"
ဝမ်ရှန့်ချုံ ဝေဖန်တာကို ၂ ကြိမ်တိတိ ဟူကျောင်းကျောင်းခံခဲ့ရပါသည်။ ဒီတစ်ခေါက်တော့ သူမ ကလဲ့စား ပြန်ချေနိုင်ပါပြီ။
သို့သော်လည်း ဝမ်ရှန့်ချုံကတော့ မယုံကြည်သေးပေ။ "ထုတ်ပြန်ကြေညာချက်ထုတ်လည်း ဘာဖြစ်လဲ။ အဲ့ကြေညာချက်ဆိုတာ နင်တို့လိုလူတွေကို အရူးလုပ်ဖို့ သက်သက်ပဲ။ ကိုယ်တိုင်စဉ်းစားဉာဏ်မရှိတဲ့ဟာတွေ အတွက်ပေါ့"
"ဘာပြောတယ်။ ကိုယ်ပိုင်စဉ်းစားဉာဏ်မရှိတဲ့ဟာတွေဆိုတာ ဘာပြောတာလဲ" ဟူကျောင်းကျောင်း ပြန်ငေါက်လိုက်သည်။ ဒေါသဖြင့် ခြေထောက်တစ်ဖက်ကိုတောင် ကြမ်းပြင်နဲ့ ဆောင့်လိုက်ပါသည်။
ČTEŠ
အရံဇာတ်ပို့မှ ဇာတ်လိုက်အကျော်အမော် အဖြစ်သို့ (အတွဲ-၁)
RomanceEng Name - From Sidekick to Bigshot Og author - Er Fengchong ဇာတ်လမ်းအကျဉ်း - အနာဂတ်က မှတ်ဉာဏ်တွေနဲ့ အတူ ဝတ္ထုထဲ ကူးပြောင်းလာတဲ့ ကျမ့်ယိလင်လေးက သူမိသားစုတွေ မမှတ်မိနိုင်လောက်အောင် ပြောင်းလဲသွားတယ်။ နဂိုက အမြှောက်စာအရံဇာတ်ကောင်သာသာ အဆင့်ရှိတဲ့ ကျမ့်...
