Maybe You

IX

PHA'S POINT OF VIEW

KUNG pwede ko lang sanang mas pabilisin ang takbo ng oras, kanina ko pa ginawa. Gusto ko na lang talagang matapos 'to. Gustong-gusto ko ng tumayo at lumabas sa lugar na 'to. Gusto ko ng matapos ang usapang 'to.

"So, what do you think?" tanong ng mommy ko habang hinihiwa ang steak.

"I'm sorry, ano po'ng sinasabi nyo?"

"All this time na nagsasalita ako, hindi ka pala nakikinig?" May iritasyon akong narinig sa boses nya. I was pretty sure na kung wala lang kami sa isang fine dining restaurant, kanina pa nya ako pinagtaasan ng boses.

"Tita, pagpasensyahan nyo na si Pha." Naramdaman ko ang kamay ni Pring na humawak sa kamay kong nakalapag sa mesa. "Alam nyo na, his schedule is very hectic. Ang dami-dami nyang ginagawa dito sa Japan kaya hindi maiiwasang mag-space out sya sa conversation natin."

"Don't tolerate your boyfriend, Pring. Kagustuhan nya 'to. I never approved his modelling stints pero mapilit talaga ang batang 'yan. Kasalanan nya kung bakit pagod na pagod sya ngayon."

"You already approved my modelling career, mom. Sabi mo, okay lang sa'yo as long as hindi ko mapapabayaan ang pag-aaral ko. And my grades are high kaya wala kang dapat ireklamo."

"Whatever," she dismissed the topic about my modelling career kasi alam nyang talo sya. "Anyway, as I was saying, naisip namin ng parents ni Pring na i-push ng medyo maaga ang kasal nyo."

Tumuwid ako ng pagkakaupo dahil sa narinig ko. Tinanggal ko rin ang kamay ni Pring na nakahawak pa rin sa kamay ko.

"What?"

"Don't act so surprised, hijo. Dyan rin naman kayo patungo, 'di ba? Ikakasal at ikakasal pa rin naman kayo. We'll make it a little bit early lang."

"Why so sudden?"

"Well, aside from the fact that you both love each other, naisip namin na magandang marketing strategy ang pagpapakasal nyo."

"What?"

"Magpapatayo ang mga pamilya natin ng chain of hotels around the Asia. 'Pag nagpakasal ang heir and heiress ng dalawa sa pinakamayayaman at pinakamakapangyarihang pamilya ng Thailand, pagkakaguluhan 'yan ng media. Makukuha natin ang curiosity ng mga tao. They will romanticize everything."

"So you're basically saying that you're going to use us to gain more profit, right?"

My mother's brow creased nang mapansing hindi ko nagustuhan ang sinabi nya. She dropped her utensils at binigyan ako ng mapagbantang tingin.

"You want the truth? Oo," malamig nyang sagot. "In the first place, bakit ba namin kayo pinakilala ni Pring sa isa't-isa? This is all about business and gaining more money and power. So what? Dyan naman tayo magaling, 'di ba? Swerte na nga lang at nagkagustuhan talaga kayo ni Pring sa isa't-isa kaya hindi na tayo mahihirapan."

"No, no. I'm sorry, I refuse to take part in this stupid idea."

"How dare you call this idea stupid? Pinag-isipan namin 'tong mabuti ng daddy mo at ng mga magulang ni Pring. This is for the best kaya 'wag ka ng kumontra."

"Mom---"

"Pagkabalik na pagkabalik mo sa Thailand, I want you to arrange a marriage proposal for Pring. Kailangang ma-capture ang moment na 'yan at kumalat sa social media. You have to be the talk of the town."

"Naririnig mo ba ang sarili mo? This is absurd! How can you be like this?"

My parents are becoming monsters because of money. Lahat ay tungkol sa business at kung paano pa nila ito mas mapapalago. Wala na silang pakialam kung ano ang mararamdaman ko.