هدية شيخ

البارت الاول

🔞🔞 هدية_شيخ قصه جريئة 🔞🔞

سوي متابعة الحسابي من انزل يجيك اشعار تحياتي الكم
🔞🔞🔞🌷🌷🌷🌷🌷🌷🌷🌷🌷🔞🔞

البارت (١)

عندما تكون الحياة لعبه بيد انسان فأعلم ان حياتك على مهب الريح ان مالت الريح مالت معها وان هدئت فهدئت معها كهديه على طبق من ذهب لشخص لا يقدر معنى الهديه هذه هي حياتي مثل  اللعبه ولكن نصيبي من هذه اللعبه هي الورقه الخاسره

اني زهره عايشه ويه عائلتي اخواني اربعه واخوات اربعه اني قبل الاخيره اخواني حسن وخالد ومحمد وبسام

وخواتي بتول وفاطمه وعلياء واني زهره وامي وابويه

ابويه شيخ وجبير خوانه وشيخنا العام دائما يكلفه بمهمات وكعدات وامي شخصيتها حلوه وابويه يموت عليها بس حجايت ابويه هي الماشيه بالبيت محد يگدر يخطي خطوه اذا ابويه ميدري

احنا كلنا ممخلصين دراسه خواتي كل وحده منا توصل للاول متوسط وتبطل

احنا كلنا شگر وعيون عسليه وطوال

اخواني الكبار اثنين متزوجين وعند حسن اثنين اولاد

وزوجة خالد حامل

ودومهم ويه ابويه وگاعدين ويانا بالبيت

اخواتي اثنين متزوجات واني وعلياء ما متزوجين

اخواني الي ممتزوجين واحد يشتغل بنى يعني يشتغل بالبناء والثاني يشتغل بانزين خانه وضعنا المادي وسط وحالنا ميسور

نسوان اخواني مرة الجبير حسن اسمها شيماء ومرة اخوي الثاني خالد اسمها بسمه

امي

بسمه يلا خبزي راح يجي عمج ميت جوع ويخبصنا خبص ومن تخلصين لا طفين التنور نشوي السمجات

زهره

يمه شنو يوميه سمج سويلنا دجاج شبيج

امي

باجر ان شاءالله اليوم ابوج مشتهي سمج شوي گالي قبل ميطلع

احنا متعودين لازم كل وجبه نخبز ابويه مياكل اله خبز حار بتنور الطين من تطلع الخبزه شكلها وريحتها ترد الروح اجه ابويه متاخر وتغدينا صاح

ابويه

علياء بويه جاي من ايدج الحلوه

علياء

صار بويه تدلل

گعدنا نشرب جاي ونسولف ويه ابويه

ابويه

والله اليوم السالفه چايده وما ضنها تنحل بسرعه

امي

يااا ليش انتم ما يصعب عليكم شي گدها ان شاءالله

ابويه

والله يا ام حسن اخوان متعاركين ويه جوارينهم لان شايفينه يباوع على حريمهم من جوه الباب

امي

ياا عزه بعينه شبيه تخبل هذا

ابوي

والله حاولنا  نهدي السالفه همين مو حلوه بحقهم بس هم مصرين اله يشيلون من المنطقه

زهره

يااا هي شنو منطقة ابوهم يجوز هذا مخبل اهله شنو ذنبهم

ابوي

لا بويه مو خبل بس ما عنده شرف ولا ناموس ويگولون بمنطقتهم القديمه مسوي نفس السالفه ومشيليهم

امي

يااا هذا صاحب سوابق عساه وحيل وياه ما صارلتلك عبره من المره الفاتت رجعت وعدتها

ابوي

دگومن من يمي شگد تگرگن خلني انام

امي

يمه زهره گومي غسلي. مواعين ويه مرة اخوج لان حبله خطيه

زهره

اووف يمه انتي كلها تكسر خاطرج بس زهره حضها مگاعد وياج گمنا

رحت يم بسمه ونضفت وياها بعدها طلعت مجله بيها صور واخبار فنانين وابراج وحزازير وگعدت اتفرج واقرى بيها ما حسيت على نفسي  الى ان كعدتني علياء اختي

علياء:

زهره كافي نوم گعدي سوي العشى ابوي والولد اجوي

طبعنا نتعشى من المغرب ومن تصير الساعه بثمانيه عبالك عدنا بالوحده بالسلف الكل نايم بيته والمنطقه هادئه  منطقتنا ارياف قبل جنا نروح ننگل مي من الشط احنا وبنات السلف نتمشى ونخلي الجدريه على راسنا ونگضي الطريق كله سوالف رغم التعب والبساطه بس جنا حيل مرتاحين   بس هسه لا شويه تطورنا شدولنا بوريات وكام المي يجينا بالبيت البط والبقر عدنا يسرح ويمرح بالخضار ومن تصير وقت الغروب يرجعن لبيوتهن شلون يندلن ما ادري سبحان الله  كل حلال يرجع لهله حياتنا بسيطه والناس الي بمنطقتنا كلها من اهل الله على گولتهم فقره وکلوبهم طييبه  حوالينا خوال وعمام واي واحد غريب يطب لمنطقتنا يعرفونه واكثر الشباب يتزوجون بنات عمهم لان لا يطلعون ولا يمشون فياخذون بنات عمهم كلشي متوفر بقريتنا الناس تزرع وتاكل من خيرات الله والحليب والبيض واللحم والدجاج كله تربات بيوتنا ومزارعنا حتى حصران لبيوتنا ومكانس وبين فتره وفتره ابوي ياخذنا سفره للبستان مالنا شوي ليغاد عنا ناخذ غدانا ونروح احنا وبيت عمامنا لو لوحدنا نغير جو شوي ونرجع اووف رغم بساطتنا بس تعب وحياة اهل القريه صعبه شوي لان ناس فقره وقليل الشغل  بيها بس الحمدلله والشكر الحياة ماشيه وكلمن مدبر روحه

لحكايتي بقيه
صوتولي حته اكمل