جنا كاعدين نتريگ واجه مؤيد گعد گبالنا
مؤيد
اكلج يمه ابنج ما تصيرله جاره
عمتي
يا ابن منهم سجاد لو علي
مؤيد
لا علي الشفيه هسه مو عرسناه وكعد ومرته خوش بنيه بعد شله بالزباله القديمه اووووف منك يلساني خلي اسكت احسن شلي بالطلايب
عمتي
شتقصد مؤيد وشنو الحجي الي انت كاعد تحجيه لا اني اريدك تحجي شصاير
مؤيد
مع السلامه عندي شغل وتاخرت مصاير شي مستعجل
ضليت اباوع لعمتي وهي تباوعلي عمتي كلشي ما حجت ولا علقت بس اشوفها ضايجه كلش وضغطها صعد اني ايدي متاخذ شغل معقوله يكون رجع مرته لا ما اتصور هو اصلا ميريدها ومدللني ويحبني معقوله لالالا ما اريد افكر هيج ما اريد انصدم شلون ياربي اريد احد يريح بالي ويگلي جذاب مؤيد يريد يخرب علاقتي بعلي ضليت على نار طبخت الغدى من غير نفس طلعت اللحم وسلكته وكاعده انگع تمن واني مو بوعيي احس اشتغل بس جسد شتعلت بنار ما گدرت اتحمل
............🍁🍁🍁🍁............
شصار ليش حجه مؤيد هجي رحت يم عمتي وانه نار شابه بضلوعي اترجى منها شي يطفي ناري ويريح فكري وگفت يمها واباوع عليها هي التفت عليه ودنگت تتهرب بنضراتها
زهره
يمه راح اموت شسالفه مؤيد شيقصد
عمتي
يمه مؤيد واحد يكره لا تصدگين بحجيه هذا يريد يشعل النار كلشي ماكو
زهره
والله يمه اتمنى هيج اتمنى الحجي جذب راح اموت شلون لو صدگ
عمتي
يمه مو زين عليج لا تفكرين يجي علي ونعرف شنو السالفه انتي حامل هسه ارتاحي وماكو غير العافيه لا تحسبين
زهره
اوووف يمه شيصبرني على ما يجي علي الله كريم
عمتي
روحي يمه كملي شغلج مو كل الحجي التسمعينه تصدگينه هذا يريد يحرگنا بنار
...................
كمت طبخت مرگه بتيته على لحم وتمن وزلاطه ولبن ومن هالسوالف مالت السفره وضليت اعاين عالساعه شيمشيه الوكت ليش هيج وگفت الساعه ليش ما كاعد تمشي بسرعه ما گدرت اتحمل بين ناري وشغلي بعدها اجه علي سلم علينا ودخل للغرفه يغير صاحتني عمتي
عمتي
يمه زهره لا تجيبيله طاري هسه وكت غدى تسدين نفسهم على الاكل نخلص الغدى ونحجي
زهره
يمه والله ما بيه صبر نار وشابه بضلوعي ما اگدر اتحمل
