البارت 16
سمعت دگات عالباب فزيت من مكاني عدلت گعدتي حسيت بيه علي اجه يشوفني
علي
هلا بزهره شلونج مشتاقلج
حضني ويشم بيه ويبوسني بصراحه لهفه وشوگ وفرحه ما اتمنيتها تنتهي تمنيت هاللحضه تتوقف اوگف يازمن حاولت ابين اله اني ممهتمه بس شوقي غمرني گعدنا عالسرير ولازم ايدي ويبوسها
علي
اووف يا زهره شگد مشتاقلج اليوم كان يمر عليه سنه ما تعرفين شلون تعذبت بغيابج اني اسف والله مو قصدي أذيج ربي يقدرني واسعدج
زهره
والله انه هم تأذيت بغيابك تمنيت ارجعلك تمنيت انت ما متزوج وبس ألي وعايشه حياتي مثل باقي البنات حيل تعذبت
علي
كافي حبيبتي خلاص بعد ماكو عذاب راح اعوضج عن كلشي
...............🍁🍁🍁🍁...............
كعدنا سولفنا وتعاتبنا وحجالي عن الي صار واني مو يمه بيت ام حيدر جابولنا الغدى للغرفه خطيه گالوا انتم عرسان جدد وتاخذون راحتكم وگعدنا ناكل وگعد حمودي وبده يبوسه ويلعبه وگلبي طاير من الفرحه بقينا نسولف ونلعب ويه حمودي وهو يضحك وكسر على ابوه شوي لحد المغرب وقت الغروب
علي
يلا زهره انه اروح هسه
زهره
وين رايح علي
علي
بعد تعرفين انه مكايللهم هناك انتي راجعه ما يدرون اليوم اروح ابات يمهم واگوللهم علمود اجي يمكم وباجر الله كريم
زهره
يعني تگدر تروح تگوولهم وترجع مو اله تبات
علي
صبري عليه شويه يا حبيبتي صدگيني راح اعوضج عن كلشي بس اتحمليني شوي يلا عيني انه اروح واي شي تحتاجينه ام حيدر يمج وانه باجر اجيكم وشنو التردينه يجرالج مع السلامه
منطاني مجال لو فرصه احجي دخيلك ياربي هاي البدايه والخوف من تاليها زين ليش هيج هو يسوي يخاف منها لو شنو طلع وعافني رحت گعدت يم ام حيدر والبنات بقن يسولفن ويضحكن حيل حبابات ومجاملات تعشيت وياهم وگمت نضفت وياهم بعدها رحت لغرفتي نومت حمودي ونمت مستعده ليوم جديد الله يستر بصراحه منمت لان المكان غريب واول يوم الي بغير مكاني ضليت اتگلب بفراشي لحد الفجر يلا نمت گعدت تقريبا تسعه ونص الصبح لگيت بس ام حيدر كاعده البقيه كلهم بالمدرسه بس بنتها الكبيره نايمه لان مبطله من المدرسه كعدت يمها وصبتلي ريوگ ريگت حمودي وبقى يلعب يمنا وضلينا نسولف اني وياها بعدها كمت نضفت البيت وياها وهي تطبخ صارت الساعه تقريبا ١٢ ونص يالله اجه علي
علي
السلام عليكم هااا شلونكم اليوم
زهره
وعليكم السلام الحمدلله بخير
علي
صبولنا غدى ميت جوع
زهره
ان شاءالله
گمنا صبينا كلنا سوى وتغدينا وسولفنا وبعدها دخلنا لغرفتنا قريب الثنتين گعدنا سولفنا وتشاقينا وبده حمودي يلعب وياه والامور طبيعيه كاي زوجين عادي من صارت تقريبا ساعه خمسه سبح وبدل ملابسه
علي
يلا حبيبتي اني رايح
زهره
وين رايح
علي
لبيتنا هناك
زهره
تروح تشوفهم وتجي
علي
لا ابات هناك
زهره
ليش واني مو البارحه انت بتت هناك
علي
اي بس اني بعدني ما بلغتهم برجعتج لازم تتحملين شوي
زهره
علي شنو تنتضر ما تگوللها تخاف على مشاعرها تنجرح لو تخاف منها شنو راح نبقى هيج ترى اني زوجتك مو صاحبتك
علي
احترمي نفسج اني مو قصدي هيج كلت خلينا نرتاح فتره من المشاكل وبعدين احجي مو هسه
زهره
بس اني افتقدك اريدك يمي شنو الوضع مديعجبني
علي
زهره حبيبتي تحمليني شوي والله متبقى هيج اذا تحبيني تحملي
زهره
علي شتحمل بعد لخاطر الله اني اجيتك تعبانه واريد ارتاح فهمني شنو فلمك
علي
والله حقج انه وضعي مختلف زهره تحملي لخاطيري خليني اضبط اموري صدگيني بس هالفتره وتعدي
زهره
انطيني وقت ترى صبر ما عندي
علي
والله تحملي هسه الله كريم تفرج حبيبتي
زهره
ماشي اتحمل واشوف شنو تاليتك
بوسني وطلع بقيت بغرفتي ضايجه وبجيت لحد الليل صاحولي عالعشى ما تعشيت نمت من قهري اتحمل اي اتحمل لعد شسوي ماكو غير حل لازم اتحمل وما احجي واصلا المن احجي واني غريبه هنا
هو انه شعندي غير الصبر والتحمل والله احتاريت لا عند اهلي مرتاحه ولا عند رجلي شنو هالعيشه ياربي
بقينا اسبوع هذا حالنا علي من الضهر للمغرب يمي وبليل يم زوجته سلوى صحيح ممقصر بمصرف او مسواگ بس ينقصني هو فراشي بارد من غيره حياتي مبيها شي حلو من يغيب عني احبه اكثر من نفسي بقيت بيت حماتي ام حيدر بين شغل ونوم وانتضار فكرت اكثر من مره اروح لبيت اهلي بس اخاف ابوي بعد ميرجعني اكيد ميرجعني وحمودي همين بده يتعود على بيت ام حيدر وابوه لحد ما فد يوم چنا كاعدين اني وام حيدر الصبح دنتريگ منحس اله الباب مالتهم ينضرب بكل قوه وصياح برى فزينا مخترعين نريد نوصل للباب ماكو گلوبنا نخمطت من الخوف
لحكايتي بقيه 💕💕
تصويت وتعليق حبايب 😊
