البارت12
ورى اربع ايام من زعلتي اجونا اخوان علي وعمه يردون يرجعوني وحجو ويه ابويه واخواني وگعدو بالديوان واستضافهم ابوي
مؤيد
انت هم عذره يا عمي يعني جهاله ومرته شلون تقبلها يتيهون
ابوي
والله يا بويه محد ضربه على ايده وگله بنات العالم لعبه ليش يتيهون مو اول واحد يطلگ بالبدايه مو زينه وشالعه گلبه اشو هسه صارت عزيزه
مؤيد
هسه هو شاري مرته وابنه ورايدهم وما لاعب عليهم يا عمي وراح نحطها بعيونه ولا كانما عنده مره ثانيه
ابوي
رجال ما عنده كلمه ما يصرفلي هذا رجعه ماكو خلي ينسى عنده ابن لو بت بس تجيب زهره يطلگها وكلمن يروح لحاله غير هالحجي ما عندي
عم علي
لا خويه ما مرجيه منك هاي احنا اجيناك ودايسين بساطك وانت تگول ما ترجع شنو مالنا خاطر عندك انت ابن عشاير وتعرف الاصول
ابوي
جيتكم على عيني وراسي وهذا بيتكم واحنا خطاركم والي تأمرون بيه سيف على رگبتي ورگبة جهالي بس بهذا الموضوع عذروني ولا تحرجوني وتحرجون نفسكم اكثر من تجيب البنيه تتطلگ بعد مالها غير حل
مؤيد
يعني هذا حلكم بس الولد متمسك بمرته وابنه وما يريد يطلگ
ابوي
لا بويه مو كلشي بكيفه هسه خلي تجيب بالسلامه وتگوم وانه اتصرف وياه
عم علي
براحتكم بعد العلينا سويناه امشونا بويه بعد ما بيدنا شي
ابوي
ميت هلا بيكم ومرحبا شرفتونا
....................🍁🍁🍁🍁..........
طلعوا وهم زعلانين لان ابوي ما سوالهم خاطر گلت ميخالف خلي وياه گرصت أذن اله علمود يعرف ان مو كل طير ينوكل لحمه كل ضني ابوي مجرد يخوف علي ما جنت متوقعه صدگ لحد ما فد يوم جنا كاعدين وصاح عليه
ابوي
شوفي بويه انه اريد مصلحتج وهذا الي اسويه رد اعتبار الي والج من تجيبين راح تتطلگين من علي وابنه او بنته يحلم يشوف ضفر منهم راح يبقى الج واحنا نربيه ونسجله بأسمنا ويربى بينا ولا تتوقعين او تفكرين ارجعج انه اريد مصلحتج وراح تبقون لعلي مثل الحلم وما يحصله
زهره
الي تشوفه يابه بكيفك انت شتگول يجرالك مالي حجايه بعدك
ابوي
عفيه بويه هذا الاريده منج تسمعين الكلام وانه اخذ حقج
