هدية شيخ

البارت الثامن

لاتنسون التصويت للقصه حبيباتي وشنو رايكم بيها هَ يهمني واني كاتبه جديده شجعوني 😘😘

ورى اسبوع من زواجي حسيت باخو علي مدري شبيه وياي يحاول يفشلني بكلشي اسويه  گدام الناس ويحرجني دائما

اني شايفه الغيره تصير بين نسوان الحمى مو من الحمى مشايفه رجال يغار من مره شي عجيب كلشي يقلد عليه وعلى كلامي وعلى لبسي وعلي يسكت ميحجي واني همين اسكت اگول ميخالف مهما يكون هم اخوان وما احب اسوي مشاكل 

فد يوم جنا كاعدين نتغدى كلنا سوى اخو علي اسمه مؤيد المتزوج والكبير

مؤيد

منو طبخ اليوم

عمتي

اليوم زهره طبخت انه شويه تعبانه وهي ما شاءالله عليها كلشي تعرف معدله وام بيت

علي

عاشت ايدج زهوره خوش طبخ بعد يمه لا تطبخين زهره اكلها طيب

زهره

الف عافيه من عيوني

مؤيد

هو وينه الطبخ الزين انتم تشوفون الغلط وتسكتون هن بنات الريف وين يعرفن للطبخ وللنضافه والله عجيب امركم تردون تصعدونها گوه لا طبخ بيه خير لا ترتيب وجماله يشجعوها عالوصخ

اخو علي الثاني سجاد

سجاد

لا والله طيب بس انت معاجبك العجب هم نادره وهم طيب الاكل بعد شنريد منها المره مو زين خادمتنا

مؤيد

دنطمر انطمر هو انت تعرف تاكل هو هذا اكل يمه رجاء اذا طبخت زهره مره ثانيه لا تصيحولي عالغدى لا ما اشتهي اكلها اروح اصبلي جاي وجبن احسلي

..................

وگام انه سكتت بس ما اگدر ابلع اللگمه وگفت وگف حتى الهوى حسيت اختنگت بعبرتي ومدنگه واداري بنفسي بس ارفع راسي توگع  دمعتي مدري شمسويه وهيج يعاملني مدري شبيه علي لزم ايدي

علي

معليج بيه هو هذا هيج نفسيته ماصخه مثله  واكلج ماكو اطيب منه لا تهتميله شوفي سجاد شلون طير الماعون ههههه لا تهتمين اني قابل لو تطبخيلي حصو

سجاد

هههههه اي والله اطيب من اكل امي لا زعلين يمه هههههه ترى صدگ اطيب ويوميه اريد من طبخها

عمتي

ولك انت ولا يجي بعينك النهار كله اطبخلكم بس هو صدگ اكلها طيب ههههههه همزين ريحتوني من الطبخ بس خاف تتعب زهره. هنوب هم الطبخ تشيله

زهره

لايمه من عيوني اهم شي ترتاحين تعبج راحه ولا يهمج