ورى شهرين من رجعتي اجاني علي بسالفه
علي
زهره لگيتلج بيت وراح ننتقل بيه
زهره
صدگ حبيبي يا ريت ثگلنا عالجماعه كافي والله حيل مستحيه منهم
علي
لا خلاص راح ترتاحين اليوم شفت بيت بس شوي بعيد منا اجرته وراح أثثه ونحول بيه حتى لو اثاث بسيط وحجيت ويه ام حيدر خطيه ضاجت گالت لا والله متونسين بيها هي وحمودي بس كتلها لا كافي بعد
زهره
اي حبيبي احسن ناخذ راحتنا
جنت كلش فرحانه بالبيت الجديد گلت خلاص راح ارتاح وعلي راح ينجبر يجي يمي ميعوفني لوحدي بدينا نأثث بالبيت عباره عن صاله صغيره وغرفتين وحده صغيره وحده كبيره اشترينا غرفه مستعمله وموديلها قديم وام حيدر انطتنا طباخ ابو عينين وقنينه وصحون وشغلات مطبخيه واشترينا سرير صغير لحمودي خليته بغرفتي رغم بساطة البيت وبيه نقص هوايه بس جنت طايره بيه حولنا بالبيت وگعدنا رتبناه اني وبراء بنت ام حيدر وعلي وفرشناه وكملنا كلشي وقررنا انام بيه اليوم
علي
براء خالي باتي اليوم يم مرت خالج وانه اروح ابلغ امج
زهره
ليش وانت وين رايح
علي
يعني وين رايح لبيتي غير
زهره
وهذا شنو بيت الجوارين مو بيتك
علي
لا بيتي بس محد يدري بيه هنا لو ابات بره
زهره
هذه حجه علمود تروح يمها مو شلون نبات اول ليله وحدنا شنو نعرف عن البيت لو المنطقه
علي
لا تخافون اني سائل عالمنطقه امان وحلوه وهمين وصيت عليكم الجوارين بيت ابو عقيل
زهره
مره بحياتك سويلي خاطر وحسبلي حساب مثلها ترى مليت
علي
مو وكته هالحجي خلاص باتوا وارتاحو وباجر اجيكم الصبح
.........🍁🍁🍁🍁🍁............
خلانا وطلع يعني هسه انه شحجي وشنو اگول صبرت وتحملت وسكتت ماكو غير حل ابلعها واسكت بس مكسوره وغصه بروحي وهوى بارد بصدري شنو تسوي بيه بعد يا علي مكافي والله تعبت ومليت من حياتي شسوي ما ادري تحملت وگلت ميخالف خلي ابقى وياه لاخر حد علمود من اسوي شي ما اندم وما اگول يا ريتني سويت وما سويت فرشنا اني وبراء وحمودي بالهول ونمنا واحنا نسولف ثاني يوم الصبح اجانا علي بالسبعه ونص جايبلنا گيمر وصمون وعسل سوينا جاي وكعدنا نسولف ونضحك ونتريگ
براء
خالي ما توديني لهلي وياك
علي
لا خالي تبقين هنا يم زهره لان ميصير تبقى وحدها
زهره
وليش وحدي وانت وين
بداخلي اعرف الاجابه بس انطيته وقت يغير فكره شوي بس ما غيره مع الاسف
علي
موقت هسه گلت اجيكم بالاسبوع يوم واحد ابات يمكم لحد ما اشوف حل وبالنهار آمر عليكم اشوف شنو ناقصكم
زهره
علي ليش بس گلي ليش انت دتاخذ كل حقوقي وتنطيها لسلوى واني ليش تسوي بيه هيج لان ساكته وما احجي يعني هسه هي ما تدري بيك متزوج شطلعت متگلي
علي
زهره كافي اني تعبت من المشاكل اريد ارتاح اريد حياتي تصفى مدتصفى منين الگاها منج لو منها
زهره
ومراح تصفى لان ضالمني
عفته ورحت لغرفتي بقى شوي گاعد وتالي طلع راح لشغله طلعت شفته ماكو طلعت حرگت گلبي بالبيت نضفته وصفيته كله ورتبته اوووف يا زهره والله مبقى بيه فكر شراح اسوي ما ادري اتمنى اغير شي بحياتي اريد ارتاح تعبت من رجعت صارلي اربع اشهر واني ممرتاحه حطيت ملابسي بجنطه وگلت اروح لهلي ابقالي كم يوم لحد ما ارتاح اشوفه شيسوي وشنو الحل بقيت بالبيت اكل وشرب ونوم كلشي ماكو اجه يوم ثاني وگتله
زهره
علي اريد اروح لبيت اهلي ارتاح كم يوم من رجعت ما رحتلهم
علي
ليش اخاف مترجعين وتسولفين على مشاكلنا هنا
زهره
لا تخاف لا احجي ولا اگول بس اروح هيج اربع ايام وارجع ولو عادي عندك ابقى لو ارجع ماكو فرق بالعكس اريحلك
علي
لا حبيبتي شنو عادي طبعا احبج واريدج بس حياتي مصافيه وكلما احاول اصفيها تتخربط بالزايد ما ادري ليش هيج الدنيا عوجه وياي
زهره
خلاص وديني ارتاح ما اريد شي منك كم يوم وارجع ولا تخاف لا احجي ولا اگول بس اغير شوي وياهم مليت
علي
خلاص جهزي نفسج لحد ما اودي براء وارجع اخذج اوديج ترتاحين زهره لا تدعين عليه والله اعرف انه ضالمج وما منطيج حقج بس وربي احبج
زهره
لا شنو ادعي شهالحجي مستحيل ادعي عليك لا تفكر هيج
علي
الله يخليج الي يارب جهزي نفسج لحد ما ارجع
لحكايتي بقيه 💕💕
تصويت حبيباتي
