The Stepbrother (Published Under F&L Publishing)

VIII

KABANATA 8

Malapit ng matapos ang misa ng kasal ni Mame ngunit ang diwa ko nandun parin sa nangyari kanina. Hindi mawala sa isip ko yung mga masasayang araw na kasama ko pa si Axxxel. Habang tinitignan ko sila Mame at Tito Paul na nagpapalitan ng mga vows nila sumagi sa isip ko yung mga alaalang magkasama pa kami ng ex ko.

Munch, alam mo sana habang buhay na tayo magksama. Huwag mo akong iiwan kundi ikakamatay ko yun. -Axxxel

Yan ang alaalang pumasok sa isip ko nung nasa mahangin at romantic na lugar kami. Nangilid ang luha ko nung bumaligtad ang sinabi niya sakin.

Alam mo kapag ikakasal na tayo...gusto ko sa Palawan tayo mag-honey moon para romantic tapos yung reception natin sa isang napaka-garbong restaurant then yung kasal natin dun gaganapin sa may napakagandang simbahan. -Axxxel

Humalik sa mukha ko ang luha na hindi ko namamalayan na tumutulo na pala. Luhang lumabas dahil hindi na kinaya ng isip ko na ipunin ito.

Munch, mahal na mahal kita. No matter what happen you are my only princess at ikaw lang ang babae ang ihaharap ko sa altar. -Axxxel

Pinunasan ni John na katabi ko lang ang luha kong umaagos sa mata ko habang may sinasabi siya. "Masaya ka ba?" tanong niya sakin. Tumango lang ako tapos patay malisya ko siyang kunwari nakatingin ako kina Mame at Daddy. "parang hindi naman." sabi niya pa habang pinupunasan parin ang basa kong pisngi.

"I'm so happy kase magiging kapatid na kita!" wika ko habang nakangiti ng pilit.

"Me too." wika niya naman.

*****

Pagkatapos ng kasal isinantabi ko muna ang galit ko kay Axxxel dahil nagkuhaan muna kami ng litrato dito sq loob ng simbahan. Ngumiti ako ng pilit para maipakita ko na okay lang ako.

Picture doon. Picture dito. Pagkatapos niyaya ako ni John na magselfie kaming dalawa. Bago niya iclick ang camera. Sinabihan niya ako ng ngumiti at isantabi muna ang sakit. Ginawa ko naman iyon pagkatapos niyakap niya ako ng sobrang higpit na halos hindi na ako makahinga.

"Move on na bunso!" he said. Tumulo muli yung luha ko dahil sa sinabi niya. "Oh bakit ka umiiyak?" tanong niya sakin habang pinupunasan ang luha ko gamit ang kanyang palad.

"Masaya lang ako." sagot ko habang humihikbi.

"Asus, si bunso.." wika niya habang tinatapik niya ng mahina ang buhok ko sa ulo. "masaya ba o malungkot?" dagdag pa niya habang nakangiti. Pilit nya talaga akong pinapasaya kahit na nasa ganito akong sitwasyon.