❀❀ Lilac ❀❀
အချစ်ဦးဆိုတဲ့ အဓိပ္ပါယ်နဲ့ပန်းလေးတစ်ပွင့်ရှိတာကိုသိလား။
Lilacလို့အမည်ရတဲ့ပန်းလေးက အချစ်ဦးဆိုတဲ့အဓိပ္ပါယ်ကိုရည်ညွှန်းပါတယ်။ခရမ်းရောင်အပွင့်သေးသေးလေးတွေနဲ့
တကယ်ချစ်ဖို့ကောင်းတဲ့ပန်းလေးပေါ့။ Forget me notလို ပန်းသေးသေးလေးတွေကြိုက်တတ်တဲ့သူအဖို့တော့ သဘောကျမှာအသေအချာပါပဲ။
Lilacကို မြန်မာမှာတော့ မမြင်ဖူးပါဘူး။ဒါပေမယ့်မြောက်အမေရိကမှာတော့ အများကြီးရှိပါတယ်တဲ့။
သူတို့ရဲ့ originက Asiaနဲ့ Europeဘက်ကပါ။
ပြီးတော့ ဒီပန်းလေးတွေက လှရုံမကပဲ အနံ့လည်းအရမ်းကောင်းပါတယ်။
တချို့လူတွေဆို Lilacနဲ့အနံ့ကို နှင်းဆီထက်တောင်ပိုကြိုက်ကြပါသေးသတဲ့။ပန်းလေးကသေးသေးလေးဆိုပေမယ့်သူ့မှာသယ်ဆောင်ထားတဲ့အဓိပ္ပါယ်ကတော့ သင့်ကိုခံစားချက်တွေတနင့်တပိုးဆောင်ယူလာပေးနိုင်ပါတယ်။
၀ိတိုရိယခေတ်တုန်းက Lilac ပန်းတွေကို အဓိပ္ပါယ်တစ်ခုသတ်မှတ်ပြီးပေးခဲ့ကြပါတယ်။ ဘာအဓိပ္ပါယ်လဲဆိုတော့...
"ပေးတဲ့သူက လက်ခံတဲ့သူရဲ့ အချစ်ဦးကိုသတိရစေချင်လို့ပါတဲ့"ဒါ့အပြင်Lilacတွေကိုပေးတဲ့သူက လက်ခံတဲ့သူ
အပေါ် စိတ်ချယုံကြည်မှုကိုဖော်ပြတဲ့အခါမှာလည်းအသုံးပြုကြပါတယ်တဲ့။
ဒါကြောင့်ဒီပန်းကို ဘွဲ့ယူမယ့်သူတွေကိုပေးဖို့
အတွက်သင့်လျော်တဲ့ပန်းတစ်မျိုးပါတဲ့။Lilacဆိုတဲ့နာမည်က French နဲ့ Spanish
စကားလုံးဖြစ်တဲ့ Lilac ဆိုတဲ့စကားကပဲယူထားတာလို့ဆိုပါတယ်။၀ိတိုရိယခေတ်မှာပဲ မုဆိုးမတွေက
Lilacပန်းတွေကို ပန်ဆင်ကြပါတယ်တဲ့။
ဘာလို့လဲဆိုတော့ lilacကို
"သွားလေသူကို အမှတ်ရခြင်း" ဆိုတဲ့အဓိပ္ပါယ်နဲ့ပါ။Lilacကလည်း အရောင်အပေါ်မူတည်ပြီး
အဓိပ္ပါယ်ကွဲပြားပါတယ်။
Graceက အရောင်သုံးခုပဲပြောပြပါ့မယ်။အဖြူရောင်lilac ကတော့ ဖြူစင်ခြင်းကို
ရည်ညွှန်းပါတယ်။
ခရမ်းဖျော့ရောင်lilac(liacရဲ့အရောင်)
ကတော့ အချစ်ဦး ဒါမှမဟုတ်တစ်ယောက်ယောက်အပေါ်မှာ အချစ်ကိုပထမဆူံးအဖြစ်ခံစားရတဲ့အချိန်ကို ရည်ညွှန်းပါတယ်။
ပန်းရောင်Lilacကတော့ ခိုင်မာတဲ့ friendship နဲ့ အချစ်ကိုရည်ညွှန်းပါတယ်တဲ့။
YOU ARE READING
Flowers
Non-Fictionပန်းတို့၏ အဓိပ္ပါယ်များ...... နှစ်သက်မိသောပန်းလှလှလေးများ.... ပန်းလေးတွေနောက်ကွယ်ကလှပသောဒဏ္ဍာရီများ... သင်ဟာပန်းတွေကိုနှစ်သက်သူ၊ ပန်းတွေရဲ့အဓိပ္ပါယ်တွေကိုစိတ်ဝင်စားသူဆိုရင်ဒီစာအုပ်လေးကိုသင်သဘောကျမယ်လို့မျှော်လင့်ပါတယ်.....