Saving The Beast #Wattys2020

CHAPTER 13

Hindi ako kumilos sa kinatatayuan ko at tahimik na nakinig na lamang sa dalawa.

Why the hell Alison escaped? Kung alam nitong mapapahamak siya sa sariling pamilya niya, bakit pa siyang tumakas at umalis sa mansyon ng mga Zamora?

"Call Perez," mariing utos ni Adam kay Orly na siyang nagpabaling sa aking muli sa puwesto niya. Perez? Iyong lalaking pumunta rito sa mansyon noon? That man? Oh my God! Not him, please. Mukhang mas delikado ang taong iyon! Damn! "Tell him to send someone inside Santiago's Clan."

"And what about Alison, young master?" tila nag-aalangang tanong ng lalaki sa amo nito.

"Let her be. Alam niya kung ano ang ginagawa niya," he said coldly then looked at me. Napapitlag ako dahil sa ginawa niya. Wala sa sarili akong napatikhim at umayos na lamang sa pagkakatayo. "Bumalik ka muna sa kuwarto mo, Belle. Take some sleep. Mukhang naistorbo ka pa dahil dito."

Napalunok ako. Gusto kong bumalik sa kuwarto ko ngunit may kung anong pumipigil sa akin ngayon. Muli akong umayos nang pagkakatayo at sinalubong ang matamang titig nito sa akin. Dahan-dahan akong umiling kay Adam. "I'll stay here," sambit ko sa kanya at binalingan si Orly. "Gawin mo na ang inuutos niya sa'yo, Orly. I'll take care of him. Sasamahan ko siya hanggang sa maging maayos nang muli ang sitwasyon dito sa mansyon."

Kita kong tumango muna ito sa akin bago nagpaalam sa young master nito. Mayamaya lang ay tinalikuran na niya kami ni Adam at lumabas na sa silid nito. Humugot ako ng isang malalim na huminga bago ibinalik kay Adam Zamora ang buong atensiyon. "Hindi maaring pabayaan mo na lang si Alison, Mr. Zamora," pormal na wika ko sa lalaki. Mataman ko itong tiningnan at hinintay ang susunod na sasabihin nito sa akin. "Find her, Mr. Zamora."

"So, you're back with your formality now, huh?" Nagtaas ito ng kilay sa akin. Bahagya pa akong natigilan sa narinig mula sa kanya. Really? Talagang binigyan pansin pa niya ang tungkol sa bagay na ito!

I silently sighed then look at him intently. "Adam," banggit ko sa pangalan nito at muling napabuntonghininga. "Hindi mo maaring pabayaan si Alison."

"And why is that?"

"Dahil delikado!" bulalas ko sa harapan niya. "Ikaw na rin ang nagsabing mapapahamak ito sa sariling pamilya niya!"

"She was the one who kicked herself out here. That was her decision," walang buhay na sambit nito habang hindi inaalis ang tingin sa akin. "Huwag mo na siyang alalahanin pa, Belle."

"But she helped you! Dapat ay tulungan mo rin ito!" mariing sambit kong muli sa kanya.

"I never asked her to help me, Belle. It was her decision to stick around while I was on coma," malamig na turan nito na siyang ikinailing ko na lamang.

"I can't believe you!"

"She's not my business, Belle. Not anymore. So, kung ano man ang mangyari sa kanya dahil lang bumalik na siyang sa pamilya niya, labas na ako roon."

Napakuyom ako ng mga kamao dahil sa tinuran nito. "Kahit na ikaw ang dahilan kung bakit siya nasa panganib ngayon? Kahit ikaw ang dahilan, huh, Adam? Wala ka pa ring pakialam sa kanya?"

"Yes," matamang sambit niya na siyang ikinaawang ng mga labi ko. What? Paano niya nasasabi ang mga ito? Ganoon na ba katigas ang puso ng lalaking ito? Kahit na mag-alala man lang sa babaeng tumulong sa kanya ay hindi niya gagawin? He's unbelievable!

"Adam, listen to-"

"I'm tired, Belle. Huwag na nating pag-usapan ang tungkol sa bagay na ito," mas malamig na turan nito sa akin. Napailing na lamang ako sa kanya. He's so damn cruel. Simula pa lang ay alam ko na ganito ang ugali ng lalaking ito pero nitong nagdaang mga araw ay nagbago ang tingin ko sa kanya! But I guess I was wrong. Kilala ko lang siya sa mga files na nabasa ko tungkol sa kanya. Other than that, wala na. Iyon lang ang basehan ko tungkol sa pagkatao nito!