Grieving Soul [#Wattys2019 Winner]

Chapter 21

#GrievingSoulWP

Chapter 21
Transparent

Pinatakan ako ni Silver ng halik sa aking pisngi nang salubungin ko siya sa pintuan ng aminv mansyon. Ngumiti ako sa kanya bago binalikan ang aking inaayos na gamit sa sofa.

"Akala ko ay nandito ngayon si Gio?" tanong sa akin ni Silver habang inililibot ang tingin sa tanggapan.

Inayos ko ang aking mga importanteng gamit sa loob ng satchel bag. Nandito ngayon si Silver upang sunduin ako dahil pupunta kami ngayon sa kanila. Twenty first anniversary ngayon nina Tita Gold at Tito Ben kaya mayroong handaan sa kanila ngayon.

"He left ten minutes ago," I told him while I was still busy with my things.

"You didn't invite him?" he probed.

"I did..." I said and sighed. "He said his busy this afternoon. Alam mo naman. Unti-unti ng inililipat sa pangalan niya ang business nila kaya mas nagiging abala siya."

Inaamin kong hindi ako sanay na laging abala si Gio para sa business nila pero hindi ko naman siya masisisi. He's the only son of his parents. He'll be the one to inherit his family's legacy that's why he's giving all of his attention as much as possible. Madalas pa rin naman kaming magkasama lalo na sa eskuwelahan pero hindi kasing dalas ng dati. Mabuti na nga lang at nandito na si Silver.

Tumikhim si Silver. "Ang hirap din pala ng sitwasyon niya..."

Lumabi ako at inisip na paano kung maging katulad rin ako ni Gio na halos wala ng oras sa ibang bagay dahil kailangang pagtuunan ng pansin ang trabaho. Maiintindihan kaya ako ni Silver kapag dumating ang panahon na 'yon?

Sa loob ng anim na buwan naming magkarelasyon ay wala pang dumadating na problema sa aming dalawa. I thought my mother would be a huge problem when it comes to our relationship but she had no comment when I properly introduced Silver to him as my boyfriend. Hindi ko alam kung nakatulong ba na kasama namin si Gio nang umamin kami ni Silver kay Mommy o talagang hinayaan niya na lang ako kung saan ako masaya. My siblings are also very happy for the both of us, and they support me as long as I'm happy.

I really couldn't ask for more. This is all I need.

"May naikuwento nga pala sa akin si Gio kanina..."

Nang maalala ko ay muli kong naramdaman ang lungkot na naramdaman ko kanina.

"Ano 'yon?" kuryosong tanong ni Silver at umupo sa aking tabi.

Ang kanyang braso ay pumulupot sa aking bewang. Ipinatong niya ang kanyang baba sa aking balikat at bahagya ko naman siyang nilingon.

"Kilala mo si Orion, 'di ba?" tanong ko sa kanya.

"Yes..." he answered. "Nakakalaro ko siya noon kasama niya si Gio."

"Wala na sila ng girlfriend niya. Iyong si Naiyah na taga-rito rin sa Bela Isla," sabi ko. "Kinailangan kasing mag-aral ni Orion sa England. Umalis siya noong bakasyon. Ngayon, ay hiwalay na silang dalawa. Gio said Orion told him that Naiyah cheated on him."

Napabuntong hininga ako dahil hindi ko mahanap sa sarili ko ang maniwala sa nangyaring iyon. Tuwing binabalikan ko ang pagkakakilala ko kay Naiyah ay hindi ko lubos maisip na kaya niyang manloko at magmahal ng iba habang sila pa ni Orion.

"Bakit parang ayaw mong maniwala?" marahang tanong sa akin ni Silver.

"Dahil hindi ko maisip na kaya 'yong gawin ni Naiyah..." giit ko. "She's such a sweet and shy girl. She loves Orion selflessly. Nakausap ko siya dati at ramdam ko ang pagmamahal na mayroon siya para kay Orion."