အိမ္ေရွ႕ တံခါးမၾကီးမွ ေၾကးသံကြင္းေခါက္သံ ထြက္ေပၚလာသည္။
"ဟာ.... အရွင္ျပန္လာျပီ။"
ဖဲလ္လစ္ကို မေက်မနပ္ မ်က္စိေဒါင့္ေထာက္ၾကည့္ေနေသာ အဘိုးအို အဲလ္ဇီယိုသည္ တံခါးေခါက္သံေၾကာင့္ ျပဴးတူးပ်ာတာျဖစ္သြားကာ တံခါးမၾကီးရွိရာဆီသို႔ မေျပးရံုတမယ္ ေလ်ွာက္လာခဲ့သည္။ ခါးတြင္ခ်ိတ္ထားေသာ ေသာ့တံကို ေသာ့ေပါက္ထဲထိုးထည့္ကာ အေလာတၾကီး လွည့္ဖြင့္လိုက္သည္။
"ေတာင္းပန္ပါတယ္အရွင္။ ေတာင္းပန္ပါတယ္။ အရွင္ ျပန္မလာေသးဘူးထင္လို႔ တံခါးမၾကီးကို ဖြင့္မထားမိတာ။"
"ဘာလို႔တံခါးပိတ္ထားတာလဲ အဘ.."
"ဒါ..ဒါက.."
လုလိယက္စ္၏အေမးတြင္ အျပစ္တင္သံမပါ။ ဒါေပမဲ့ အဘိုးအိုမွာ စကားမ်ားထစ္ေနကာ ဘာေျဖရမွန္းမသိေတာ့။ လုလိယက္စ္သည္ လႊတ္ေတာ္အမတ္မ်ား ၀တ္ဆင္ေလ့ရွိသည့္ ၀တ္ရံုျဖဴႏွင့္ျဖစ္သည္။ အေပၚျခံဳထည္၀တ္ရံုကို ပခံုးတြင္ထိန္းညွပ္ထားသည့္ ေရႊကလစ္မွာ ေနေရာင္ေၾကာင့္ လက္ခနဲျဖစ္သြားသည္။ ညာဘက္လက္ထဲတြင္ မၾကာေသးမီက စာပို႔သမားေပးထားခဲ့ေသာ စာရြက္လိပ္ကို ကိုင္ထားသည္။
၀င္ေပါက္လမ္းေဘးမွ သစ္သားခံုတြင္ ၀င္ထိုင္ရင္း ယခုတိုင္ ေမးခြန္းကိုမေျဖႏိုင္ေသးသည့္ အဘိုးအိုကို လုလိယက္စ္ ေမာ့ၾကည့္သည္။ ေငြေရဇလံုကိုကိုင္ရင္း သူတို႔နားသို႔ေလ်ွာက္လာေနေသာ ဖဲလ္လစ္ကို တစ္ခ်က္လွမ္းၾကည့္လိုက္ျပီးမွ သေဘာေပါက္သြားဟန္ ဘာမွထပ္မေမးေတာ့။
ဖဲလ္လစ္သည္ လုလိယက္စ္ကိုေရာ၊ အဘိုးအိုကိုပါ လွမ္းမၾကည့္ဘဲ ေခါင္းငုံ႔ရင္း ေလ်ွာက္လာသည္။ အနားေရာက္မွ ကႏုတ္ပန္းမ်ားျဖင့္ လက္ရာေျမာက္စြာ ပံုေဖာ္ထားသည့္ ေငြသားအစစ္ျဖစ္ ျပဳလုပ္ထားသည့္ ေရဇလံုကို လုလိယက္စ္ေျခရင္းတြင္ ခ်လိုက္သည္။ လက္ျပတ္ပံုစံ ၀တ္စံုႏွင့္ျဖစ္ေသာေၾကာင့္ ပိန္သလိုထင္ရေသာ္လည္း ၾကြက္သားအျပည့္ လက္ေမာင္းႏွင့္ ၎ေပၚမွ အမာရြတ္မ်ားကို ျမင္ေနရသည္။
"ခြင့္ျပဳပါ.."
ဒီတစ္ခြန္းကိုသာ ခပ္တိုးတိုးေျပာကာ လုလိယက္စ္ေရွ႕မွာ ဒူးေထာက္ထိုင္လိုက္သည္။ ဖိနပ္သားေရၾကိဳးမ်ားကို ျဖည္လိုက္ကာ ဖိနပ္ကို ခၽြတ္လိုက္သည္။ ထို႔ေနာက္ လုလိယက္စ္၏ ေျခဖ၀ါးတစ္ဖက္ကို အေမႊးနံ႔သာေရာထားေသာ ေရဇလံုထဲသို႔ ခပ္ျဖည္းျဖည္းခ်သည္။ ဖဲလ္လစ္၏ အျပဳအမူမ်ားသည္ ကၽြမ္းက်င္သည့္ အေစခံကၽြန္လုပ္သားတစ္ေယာက္ပမာ ဘာမွ အပိုအလိုမရွိ။ အဘိုးအိုသည္ ဖဲလ္လစ္ေရာက္ကာစက လူရိုင္းတစ္ေယာက္လို အေသးစိတ္ သင္ၾကားေပးရမည္ဟု ထင္ခဲ့ဖူးသည္။ ဒါေပမဲ့ ဒီေကာင္ေလးသည္ ဘာဆိုဘာမွ သင္ၾကားစရာမလိုေအာင္ အရွင္သခင္ကို ဘယ္လိုျပဳစုရမည္။ ဘာေတြလိုအပ္သည္ဆိုတာကို အားလံုးသိႏွင့္ထားျပီး ျဖစ္ေနသည္။
YOU ARE READING
ထာ၀ရ ပုံပေ
Historical Fictionအေဒီ ၇၉ ခုနှစ် .. ပုံပေမြို့.. ရောမအင်ပါယာ ဒဏ္ဏာရီမဟုတ်တဲ့ ရာဇဝင်ထဲက အဖြစ်အပျက်လေးတစ်ခုလား ဒါမှမဟုတ်.. ရာဇဝင်တွင်မကျန်ခဲ့တဲ့ ဒဏ္ဏာရီဇာတ်လမ်းလေးပဲလား... ........ ေအဒီ ၇၉ ခုႏွစ္ .. ပံုေပျမိဳ႕.. ေရာမအင္ပါယာ ဒဏၰာရီမဟုတ္တဲ့ ရာဇ၀င္ထဲက အျဖစ္အပ်က္ေလးတစ္...
