ေၾကာက္လန္႔မွုေၾကာင့္ေရာ၊ စိတ္လွုပ္ရွားမွုမ်ားေၾကာင့္ပါ ဖဲလ္လစ္ ရင္ခုန္ေနသည္။ လူၾကီးေတြျမင္သြားမွာကို ေၾကာက္သည္ေရာ၊ တစ္ခါမွ စိတ္ကူးထဲပင္မထည့္ရဲေသာ ကိစၥတစ္ခုကို စမ္းသပ္လုပ္ရမည္ျဖစ္ေသာေၾကာင့္ပါ တုန္လွုပ္ေနသည္။ ကၽြန္တစ္ေယာက္အျဖစ္ ေမြးဖြားၾကီးျပင္းလာခဲ့သည့္ သူ႔အတြက္ေတာ့ လူၾကီးမ်ား၏ အာဏာကို ဖီဆန္ဖို႔ဆိုတာသည္ ေတြး၍ရသည္ဟုပင္ ထင္မထားခဲ့။ လက္ရွိ အသက္ ၁၀ ႏွစ္အရြယ္အထိ အရွင္သခင္ စိတ္တိုင္းမက်မွာကို ေၾကာက္ရြံ႕ရမည္ဆိုတာကိုသာ သူနားလည္သည္။
"အရွင္.. မသြားပါနဲ႔ေတာ့။"
အျခားသူေတြမျမင္ေအာင္ သူ႔ေရွ႕မွ ပုန္းလ်ွိဳးကြယ္လ်ွိဳးသြားေနေသာ ရြယ္တူ ကေလးငယ္ကို အသံတုန္တုန္ႏွင့္ လွမ္းတားျဖစ္သည္။ အေကာင္းစားအဖိုးတန္အ၀တ္အစားမ်ားႏွင့္ ေကာင္ေလးမွာ သူ႔ေခၚသံကိုၾကားေသာ္လည္း လွည့္မၾကည့္။ လူၾကီးမ်ား မျမင္ေအာင္ ခ်ံဳႏြယ္မ်ားၾကား ခါးကိုကုန္းကာ ေရွ႕ဆက္သြားေနသည္။ ကေလးငယ္၏ လည္ပင္းမွ ငိုက္ခနဲ က်လာေသာ အေဆာင္ဆြဲၾကိဳးငယ္မွာ ေျခလွမ္းမ်ားႏွင့္အတူ ဘယ္ညာယိမ္းေနသည္။
"ျပန္ရေအာင္ အရွင္။ အႏၱရာယ္မ်ားလြန္းတယ္။ ေနာက္ျပီး ကၽြန္ေတာ္ေၾကာက္တယ္။"
သူ႔အသံမွာ ငိုသံပါသြားေသာေၾကာင့္လားမသိ။ ေရွ႕မွ ေလ်ွာက္လွမ္းေနေသာ ေကာင္ေလးသည္ ခ်ာခနဲလွည့္ကာ မေက်မနပ္စိုက္ၾကည့္သည္။
"မင္းက အနီးကပ္ မျမင္ခ်င္ဘူးလား။"
"ျမင္.. ျမင္ခ်င္ပါတယ္။ ဒါေပမဲ့ လူၾကီးေတြက.."
"လူၾကီးေတြက အျမဲလိုက္တားေနတာပဲ။ ဟိုဟာမလုပ္ရဘူး။ ဒီဟာမလုပ္ရဘူး။ သူတို႔စိတ္တိုင္းက် ဘာလို႔လိုက္ေနရမွာလဲ။ ငါ လုပ္ခ်င္ရင္ လုပ္မွာပဲ။"
အားႏွင့္ ေဆာင့္တြန္းခံလိုက္ရေသာေၾကာင့္ ဖဲလ္လစ္ယိုင္သြားသည္။ မိမိေရွ႕မွ ေကာင္ေလး၏မ်က္လံုးမ်ားကို စိုက္ၾကည့္ရင္း ဖဲလ္လစ္ စကားျပန္ေျဖဖို႔ ေမ့သြားရျပန္သည္။ အရည္လဲ့ေနေသာ မ်က္လံုးမ်ားတြင္ ဖီဆန္မွုမ်ားအျပည့္ႏွင့္ျဖစ္ျပီး ခပ္တိုတိုညွပ္ထားေသာ ဆံပင္လိပ္မ်ားသည္ ရွံဳ႕မ့ဲေနသည့္ မ်က္ႏွာငယ္ေပၚ တစ္၀က္တစ္ပ်က္ ၀ဲက်ေနသည္။
YOU ARE READING
ထာ၀ရ ပုံပေ
Historical Fictionအေဒီ ၇၉ ခုနှစ် .. ပုံပေမြို့.. ရောမအင်ပါယာ ဒဏ္ဏာရီမဟုတ်တဲ့ ရာဇဝင်ထဲက အဖြစ်အပျက်လေးတစ်ခုလား ဒါမှမဟုတ်.. ရာဇဝင်တွင်မကျန်ခဲ့တဲ့ ဒဏ္ဏာရီဇာတ်လမ်းလေးပဲလား... ........ ေအဒီ ၇၉ ခုႏွစ္ .. ပံုေပျမိဳ႕.. ေရာမအင္ပါယာ ဒဏၰာရီမဟုတ္တဲ့ ရာဇ၀င္ထဲက အျဖစ္အပ်က္ေလးတစ္...
