MAGKADUGO (COMPLETED) SOON TO PUBLISHED

Magkadugo 12

Chapter 12
Ways

Lumipas ang mga araw na naging mailap kami ni kuya sa isa't isa. Hindi rin niya ako kinikibo. Alam kong nagdadalamhati rin siya sa pagkawala ni ate Anna. Matagal rin ang relasyon nila.

Nakatulala ako sa bintana ng aking kuwarto. Inaalala 'yong mga sandaling nasa probinsya kami nila lola. Kumalabog ang puso ko sa 'twing magkasama kami ni kuya. Hindi ako mangmang para hindi ito malaman. Itong nararamdaman ko, para sa kanya ay isang kahibangan. Isang kasalanang magustuhan ko ang kanyang mga haplos at halik.

Ingay ng pintuan ang nagpatingin sa akin kung sino man ang pumasok. Si kuya ang pumasok. Nagkahulihan agad ang aming tingin at eto na naman ang aking dibdib, hindi magkamayaw sa kabog.

Seryoso ang mga tingin nito at ang paglock nito ng pinto ang nagpasabog ng aking puso. Unti unti akong lumapit sa kama at umupo ng dahan dahan.

"Lilipat na ako..gusto mong sumama sakin?"

Napayuko ako at tumango. We need to talk. "Si mama?"

"Alam na niya, nagkausap na kami kanina lang." Nagsusumamo ang mga mata nito sa akin.

Lulan ng kanyang pick up hindi pamilyar sa akin ang aming tinatahak.

"Are you...alright?" tanong nito sa akin. Tahimik akong tumango at inabala ang paningin sa mga nadadaanan.

Hindi ko alam kung ano ang sasabihin. Medyo galit ako,sa kanya at sa sarili ko. Pakiramdam ko, kasalanan namin ang pagkamatay ni ate Anna.

Napatingin ako sa malaking building na hinintuan ni kuya. Sobrang lapad nito sa harap at matatayog ang bawat building na nasa loob. Alam kong mas malawak pa ito sa loob.

"Yan ang Monreal College. Diyan ka nakaenrolled."

Namangha ako kasi ang ganda ng unibersidad na ito. Parang lumang mansyon ng mga kastila ang istilo nang pagkakagawa nito. Ang ganda...

"Ang ganda kuya.." tumango siya at pinaandar ang pick up niya. Pinakita niya sa akin ang parke malapit sa unibersidad. Tambayan raw iyon ng mga studyante tuwing hapon.

At hindi kalayuan sa parke may tatlong palapag na building. Kulay green ang bawat pader nito.

"Dito ako titira." sabi ni kuya at lumabas. May parking space rin pala ito sa gilid.

Bago niya pa ako buksan ay kusa ko nang binuksan ang pinto. Ayokong may kung anong mamuo sa amin simula ngayon. Kapatid , kapatid lang. Walang dapat lalampas. Tama na ang minsang kasalanan. Iisipin ko nalang na isang bangungot ang nangyari.

Napatigil ito at nangunot ang noo ng makita niya ang ginawa ko. Hindi ko siya tiningnan ng makalabas. Kaya kinuha niya ang mga bag sa likod ng pick up.

Pagkapasok namin nilinga ko ang paningin. Parang isang maliit na hotel ito. Pero may nakita akong mga lalaking tila dito rin nakarenta.

"Santilior Sandoval.." Si kuya kausap ang nasa information desk.Namula ang pisngi ng babae at tumikhim.

"Third floor, uhm, room eight. Ito 'yong susi.." Kagat labi nitong binigay kay kuya ang susi. Walang reaksyon si kuya, tila sanay na sanay sa mga ganong babae.

"Oh, Santi! girlfriend?" Isang lalaking nadiribble ng bola ang kumausap kay kuya. Nakatopless ito.

Umiling si kuya at ngumisi. "Nope, sister."

"Owwkey.." napakamot sa ulo ang lalaki at hindi maalis sa akin ang tingin. Hawak ni kuya Santi ang nakapagpapitlag sa akin.

Tila may kung anong boltahe ang nasa kamay niya at ako'y nanginginig sa kaba.