Marrying Prince Shuyin [Shuyin Trilogy]

SHUYIN 5: Future Oracle

SHUYIN 5: Future Oracle

RYEN EVE'S POV:

Dahan-dahan kong iminulat ang mga mata ko nang maramdaman ko ang pagdampi ng sikat ng araw sa balat ko. Hindi ko inaasahang makakatulog ako nang mahimbing matapos ng mga pinagdaanan at nalaman ko kahapon. Siguro nga pagod lang talaga ako physically, mentally, and emotionally kaya tuluy-tuloy yung tulog ko na para bang at home na at home na agad ako dito.

Inunat ko ang mga kamay ko pataas tsaka ako bumangon at tumungo sa banyo para magmumog. Pati banyo dito, napakaganda. Halata talagang pangmayaman.

Bigla kong naalala yung cellphone na binanggit ni Xeven kagabi, kaya naman agad ko iyong kinuha mula sa drawer at chineck. Sinalubong ako ng isang text message.

[From: Xeven Ash

"Kindly send me a message when you're awake."]

Ang aga pala gumising ng mga maharlika dito.

Di ba sila marunong magrelax at mag-enjoy, eh mayayaman naman na sila?

[To: Xeven Ash

"Good morning! I'm up!"]

I replied, with exclamation marks para energetic kunyari.

Lumipas ang ilang minuto na wala akong natatanggap na reply mula sa kanya kaya naman nagpasiya akong maligo na muna. Nakita ko ang isang enggrandeng bath tub sa isang sulok ng banyo kaya naman napag-isipan kong lumublob doon mamayang gabi bago ako matulog.

Matapos kong maligo ay agad akong nagbihis at nag-ayos ng hitsura. Baka kasi bigla na lang dumating si Xeven, nakakahiya naman kapag mukha akong patay na humarap sa kanya.

Speaking of, bigla na lang may kumatok nang tatlong beses sa pinto ng kwarto ko.

Dali-dali ko iyong tinungo at binuksan. Agad akong sinalubong ng seryoso pero makisig na si Prinsipeng Xeven. He is sternly gazing at me as he slowly walked towards my room, making me step back several times or he'll bump into me.

"A-Anong problema?" Nagtataka kong tanong sa kanya dahil mukhang may hindi magandang nangyari base sa tingin niya sa'kin.