القرار العائلي

-1-

أنا سميتي كوثر 23 سنة ، ما قصيرة ما طويلة ، عينيا ما بين لخضر و لزرق لون فشكل ، شعري طويل و قوي واصل لخصري لونو شاطان ، عزيزة على كلشي بحكم التعامل ديالي المزيان مع الكل ، و طبعي العفوي و المتواضع ، هاد السنة تخرجت من إدارة الأعمال و غنستاجي فشركة العائلة ، لأن عائلتي عائلة عريقة و كبيرة ، جدي جامع گاع العائلة بكبيرها و صغيرها ، بحيث مازال ولاد الحاج و نساواتهوم و ولادهوم لحد الآن مجموعين فلقصر ديالو اللي كاين فطنجة ، لقصر مكون من ربعة ديال لفيلات كل فيلا ساكنة فيها عائلة ، بابا هو الإبن الأصغر للحاج و أنا هي حفيدتو الصغيرة ، عندي غير خويا كبير عليا عندو 29 سنة عطاه جدي الرئاسة ديال شركة النسيج سميتو جاد هو حروفو كحلين مكضر عندو ليزابدو خرج يشبه لبابا على عكسي أنا اللي كانشبه لماما ، عندي صديقة وحدة و هي فنفس لوقت بنت عمي لكبير ، كبيرة عليا بعام عندها 24 سنة سميتها ليلى دوزت سطاج و دابا هي خدامة مع خويا فالشركة ، كيعجبها خويا من اللي كنا صغار و انا ديما كنحاول نقربهوم من بعضهم حتى هي زوينة و عندها شعر طويل قدي فالطول و عينيها كبار و قهويين و بيضة بزاف ، حتى هي عندها غير خوها كبير عندو 30 سنة هو الحفيد لبكر سميتو فهد مكانحمل فيه الشعرة حيث كيتدخل فينا كاملين و عندو سلطة علينا جدي اللي عطالو هاد الحق ، يضل يمنع فينا ماتديروش هادي ماتلبسوش هادي  و نسا راسو زير نساء و لمعقد لاخور ، حقيقة هو زوين عينيه حجليين و حادين دايرين نيت بحال شي فهد ، لحية خفيفة و مطراسية و جسم رجولي بامتياز ، كيدير السپور ، عطالو جدي رئاسة شركة تصنيع السيارات و هي اللي غنسطاجي فيها إنشاء الله واخا ماحاملاش نحط رجلي تما و لكن مفروض عليا حيث هاداك هو التخصص ديالي ، كتبغيه بنت عمي لمتوسط سميتها إيمان عندها 25 سنة ، مكترشقليش عليها صراحة حيث كضل تابعاه و كضل تحلون عليه كتجيبلي الردة ، هي خدامة مع خوها اللي شاد الرئاسة ديال لوطيل ، خوها سميتو علاء عندو 28 سنة ، عزيز عليا بزااف حيث كيعاملني مزيان و كيخرجنا معاه دائما ، هو شهب و عينيه زورق ، طويل و عندو ليزابضو ...
كوثر

فهد