القرار العائلي

-5-

و صلت 8h ديال الليل عاد دخل فهد لعند كوثر لقاها مزال ناعسة ، جا يخرج و هو يرجع گلس حداها و بقا يشوف فيها ، بغا يمد يدو يقيسلها فشعرها ، و هو يردها لجيبو ..

  فهد : اااه كيفااش بنت بهاد لوجه الملائكي تكون بدوك الفعايل ، خسااارة .. و ناض دغيا خرج سد موراه لباب بالجهد و مشا للجردة يشم شوية لهوا و يرجع ، غير ضرب لباب و هي تحل كوثر عينيها ..

كوثر : لماا ببغيت الماا ..

دورت راسها مبانلها حد ، و بدات  كتحاول تنوض متفادية حريق راسها اللي كان هاد المرة خفيف على اللي قبل ، و قفت و مشات للطبلة فين كان محطوط لما و هي شادة على راسها ، گلست فكرسي و بدات تشرب لما جغمة جغمة  بقات چالسة حتى رتاحت شوية عاد ناضت كتقلب على تيليفونها .. منين ملقاتوش  ولات تنعس لعلا و عسى يخفف عليها شوية لحريق ، حتى بدا يديها النعاس و هو يتحل عليها لباب حلت عينيها بتثاقل غير بانلها صاحب دعوتها و هي تكحل بالعمى ..

كوثر : (و هي كتحاول تنوض بشوية مزال فيها الدوخة ) ا اش كديير هنا سير بحالك ،ج جيتي تكمل على ما بديتي هئ هئ ..

فهد : انا هنا حيث الحاج اللي قالهالي و مابغيتش نتعاند معاه على قبل صحتو ..

كوثر : اناا كنكرهك كتسمع كنكرهك ..

فهد : إيلا نتي كتتكرهي مرة أنا كنكرهك 10 د لمرات كثر على فعايلك الموسخة ..

كوثر : واش نتااا حمق و باغي تحمقنيييي ( ضرها راسها منين غوتت) اايي اينا فعايل هادو .. (شدت فراسهاا ) ااي راسي لحريق هئ هئ ااي ..

فهد شافها قدامو فديك الحالة وهو يرد هدرتو لحلقو ، مشا دغييا عيط للطبيب و جا هو وياه ، دگلها يبرا فسيروم من بعد دقائق قلال نعسات ..

الطبيب : السي فهد ممكن تفضل معايا للبيرو ديالي ، بغيت نشرحلك حالة الآنسة ..

فهد : اوكي ، تفضل ..

مشاو غاديين وصلو لبيرو گلسو عاد بدا يهضر الطبيب ..

الطبيب : حريق راسها فالأول كان عادي بما انه كانت عاد خرجت بلعملية و لكن من بعد دوك المهدئات اللي عطيناها لحريق كان غيبدا يخف تدريجيا ، و لكن منين عاينتها و شفت حالتها دابا استنتجت انها رجعت لنفس الحالة اللولة ، واش عصبتها شي حاجة ؟

فهد : ااحمم اه وقع نقاش صغير بيناتنا و تعصبت شوية ..

الطبيب : هادشي اللي كنا خايفين منو ، للأسف الآنسة كوثر كلما غتصب غترجع لنفس لحالة اللي شفتيها فيها عاد دابا ..