غير سلاو لفطور ناض فهد و شاف فكوثر ..
- يلاه مشينا ؟
كلشي الأنضار توجهو ليهم البعض مصدوم و البعض الآخر فرحان ، ناضت كوثر :
- اه يلاه ، ( ضورت عينيها عند جدها ) جدي غير نرجع و نمشيو صافي ؟
-وخا أبنتي ، الله يرضي عليك ..
زاد فهد و زادت حتى هي كايتمشاو مع بعضياتهم جاو كوپل خطيير ، گاع العينين تبعوهم حتى خرجو ، و حتى واحد ما تجرأ يسولهم فين غاديين حيث عارفين طبع فهد صعيب و ماكيبغي حد يتدخل فيه ..
ركبو فاللوطو و انطالقو للمقبرة ، وصلو نزل فهد و كوثر حتى هي نزلت عينيها غاشيين بالدموع توحشت جداها كانت موالفة كل جمعة تجي تشوفها ، و لكن بلي وقع اللي وقع ما جات لعندها ، دخلو و مشاو لقبرها كوثر گلست على الجنب و بدات تختش فترابو بحال لا كتدوز يدها على جداها ، أما فهد باس راس القبر و مشا يجيب الما و شي فقيه يقرا عليها ....
كوثر : جدة سمحييليي شحال ما جيت لعندك هئ هئ و لكن ماشي لخاطري ، أنا و فهد تزوجنا أجدة و هو كايبغيني و حتى أنا كانبغيه ، حنا خاصنا غير نتي ، أنا توحشتك بزاف.... ( هبطت نعست على التراب و بدات كاتبكي بصوت شبه مسموع ) أنا أجدة كانتعدب جدي حملني سر أنا ماشي قدو ، تلفت مابقييتش عارفة شنو ندير، هو توحشك بزااف أجدة و قالي قريب غا يجي لعندك ، أنا ماعرفتش كيفاش غانقدر نتحمل هادشي هئ هئ هئ أنااا عيييت ...
بقات كاتبكي على قبر جداها حتى حست بيد تحطت على ضهرها ، استاقمت فلگلسة ، و هو يهضر فهد ..
- راك كاتحرقيها بدموعك ، ما تخلييش قلبها يتعذب ..
كوثر دغيا مسحت دموعها و ضورت وجها لعندو وفرمشة عين نقزت عليه عنقاتو ..
- هئ هئ ماقديتش نصبر ..
فهد مد يديه حتى هو عنقها و هبط راسو كيشم فشعرها ، و بدا كيدوز يدو عليه
- دعيليها بالرحمة ..
- الله يرحمهاا ( و بدات كاتمسح دموعها عاود )
جا لفقيه و بدا كيقرا عليها ما تيسر من القرآن و فهد عطى لكوثر لقلة د الما و بدات كاتكبو على قبرها خلات شوية و عطاتو لفهد ، حتى هو كبو عليها ، بدا لفقيه كايدعي معاها، سالى و عطاه فهد تدويرة دايزها لكلام ، فرح و بدا كايدعي معاهم حتى هما عاد مشا ، خرجو فهد و كوثر و هما يلقاو شي دراري صغار حدا لمقبرة ، شافت ففهد ..
- عافاك أفهد تقدر تمشي تجيبلي واحد لميكة نسيتها فاللوطو ..
- واخا ، فين درتيها ؟
![](https://img.wattpad.com/cover/223567277-288-k128073.jpg)
YOU ARE READING
القرار العائلي
Romanceقصة بالدارجة المغربية ، كتحكي على قرار خداه جد لعائلة ، قرار عائلي لا رجعة فيه غيفرض على البطلين يتزوجو زواج تقليدي ، اللي غايتبزز عليهوم بزوج حيث كانو مكيحملوش بعضياتهم ، و هذا اللي غيولد موجة ديال الكره و الحقد بيناتهم و لكن مع تزامن الأحداث و م...