القرار العائلي

-8-

الجد  شااف فيهوم مزيان و ركز الشوفة ففهد و كوثر اللي چالسين بعاد على بعضهوم ..

الجد : (نطق بحزم ) أنا فكرت و قررت قرار لا نقاش و لا جدال فيه ، و هاد القرار كيخصكوم نتوما بزوج (و شير لفهد و كوثر )

فهد و كوثر نطقو دقة وحدة : شمن قرار .. (خنزرو فبعضهوم ما محاملينش ) ..

الجد شاف فولادو مطولا و عاود ركز الشوفة ففهد و كوثر : أنا قررت ، أنكم غتزوجوو ..

ناضو مع بعضهم دقة وحدة وقفو مخرجين عينيهم بصدمة و بصوت واحد قالو : شنووووو ..

إيمان كاتصرط الريق باستغراب و نطقت بغضب : ك كيفااش يتزوجوو؟

الجد خنزر فيها : كيفمااا سمعتي و أصلا نتي اش دخلك ، غيتزوجو و هاد القرار غيتطبق سمعتوو...

فهد بحدة : واش عارف الحاج أشكااتقووول !

الجدة بنفس الحدة : فهههد حتااارمني راني جدك زعما ..

سكت فهد ضاغط على سنانو ، و حرك فكو حتى بانولو لعضومة د حنكو مغدد ..

كوثر كتحرك راسها بالنفي : لا لاا هادشي مستحييل .. بابااا واش نتا موافق..

احمد : باش نتهنى عليك فهد هو أحسن واحد غيصونك ،(سكت كيشوف فيها ) موافق ..

كوثر مقوسة حواجبها : جديي أناا مستحيل نتزوج بيه ..

فهد : حتى نقبل بيك انا بعدا ..

قاطعهوم الجد : نتوما غتزوجو بغيتو ولا كرهتو ، بزز و لا بلخااطر ...

كوثر كاتشوف فجدها مخنزرة : جدي كاضحك معانا ياك ... نتا عارف كل واحد فينا و نمط حياتو ، نتا بهاد لقرار راك غاتقتلناا ..

الجد : أنا قررت و سااليت ، فهد غايتزوج بكوثر و سديناا ..

كوثر كتنفي برأسها و عينيها دمعو : لا أجدي عفاك ، نتا راك كتوضع حد لحياتي هاكاااا هئ ، أنا مخططة لحياتي بطريقة أخرى ، آخر حاجة ممكن نفكر فيها هي الزواج و بيه هو عااد ..

فهد تعصب : وااش نتا عارف اش كاتقول ... راه حياتي هادي و انا اللي خاصني نختار ماشي نتا ..

شاف فيهوم الجد مخنزر ، و نطق بحزم : لاابغيتو سخطيييي بقااو رافضين .. غانعطيكووم مهلة من هنا لغدا قبلتو هو هادااك ، لخطوبة غاتكون بعد يوماين و الزواج بعد سيمانة.. ماقبلتوشاااي غاتكون هضرة أخرى واحد منكم ما يعرفني ...