القرار العائلي

-17-

أصبحنا و أصبح الملك لله

فاقت كوثر على الدق فلباب ، ناضت كتفوه مزال شاد فيها النعاس هزات پينوار د لحمام زادتو فوقها عاد مشات للباب ، حلت بلا متسول شكون لقاتو فهد و هي تضربها ليه بواحد التخنزيرة من داكشي: وي أش بغيتي ..

فهد (طلعها و هبطها ) : 5 دقايق لقاك واجدة ، لعائلة كيستناونا ..

كوثر : اوكي

و سدت لباب فوجهو ، زير على قبضة يدو و جبد تيليفون من جيبو جابولو الشيفور عاد هاد الصباح ، باقي جديد تيليفون آخر موديل و دوز اتصال ..

- ألو

- وي السي فهد ..

- نبغيك هاد النهار تجبدلي مول هاد النمرة اللي غنسيفطلك ..

- واخا أسيدي كون هاني ، 6 سوايع يكونو عندك گاع المعلومات على صاحب النمرة ..

- اوكي و شحال ما زربتي يكون حسن ..

-ما يكون غير خاطرك أالسي فهد ، أنا غنحاول نجمع گاع المعلومات قبل لوقت اللي قلتلك ...

- واخا ..

قطع معاه و سيفط ميساج لكوثر بلي راه كيتسناها فاللوطو و مشا نازل لتحت عاقد حواجبو غادي لطوموبيلتو ..
أما كوثر مشات غسلت لحمها ، و خرجت لاوية عليها پينوار مشات نيشان عند تيليفونها سمعاتو صونا دخلت للي ميساج و قرات شنو سيفطلفها فهد حطاتو و مشات كتلبس ، حلت لافاليز اللي جابولها و لبسات ملابس داخلية فلبيض و زادت فوقهم غوب بيضة تحت ركابي بشوية ، و زادت فوقها عباءة بيضة محلولة مطرزة بالذهبي و كتسد بلخيوط و لبست طالون ذهبي ، جمعت لحوايج الي حايدت فلفاليزا و سدتها ، مشات حدا لمراية دارت ماكياج خفيف ، و طلقت شعرها جات زوينة وتاتها اللبسة مع ديك لحنينة اللي ولات حمرة فيديها باينة فيها عاد عروسة جديدة ، جمعت ماكياجها فصاكها و دارت بارفانها ، عاد خرجت كتمختر هازة صاكها و جارة لاڤاليز موراها ..