القرار العائلي

-2-

اااففف شحال فالساعة داباا (هزيت التيل قلبتو) هيييييه ويلي ويلي 7:15 غنتعطل و انا غنبدا سطاج هاد النهار ، نضت بالزربة غسلت وجهي و مشيت للدريسينغ لبست تيشيرت كحل لاسق مع سروال حمر واسع من لتحت مع طالون كحل و صاك كحل، عاد زادت ساعتي مشطت شعري دغيا خليتو مطلوق ، و رشيت بارفاني

قلبت التيل لقيتها 7:30 اوووف الحمد لله جيت نيشان مع وقت لفطور ، هزيت صاكي و تميت خارجة من فيلتنا فاتجاه لفيلا لكبيرة  فين كنتجمعو كاملين ..
دخلت لقيتهوم كاملين مجموعين على الطبلة د لفطور، بقيت أنا التالية كيف ديما ، مشيت بست لجدي راسو ..

جدي : صباح الخير النويويرة ديال الدار ..

كوثر : (جلست حداه فلبلاصة المخصصة ليا ) : صباح لخير جدي..

بدينا ناكلو و انا نطلع راسي كان فهد اللي چالس اون فاص ليا ، تلاقاو عينينا و هو يخنزر فيا ، حتى انا ماشي من العاجزين رديتهاالو ... سالينا لماكلة غير ناض جدي ، و انا نوض دغيا قبل مايزرب عليا فهد ، ساعة لحظ ماكانش معايا ...

فهد : فين غادية ألالة ، ستناي غتمشيي معايا ..

كوثر : (تفوووو ) لا غانمشي فطوموبيلتي غير سير ..

فهد : (خنرر فيا ) تحركيي قدامي ..

كوثر : (بتدمر طفولي ) باباااا

بابا : كوني تسمعي لهدرة أبنتي ...

كوثر : مامااا ..

ماما : سيري مع ولد عمك أحبيبتي ..

كوثر : هئ خويااا

جاد : غير سيري معاه ، آخر مرة هزيتي ديك الطموبيل كنتي غتديري حادث غير ربي لطف و صافي..

كوثر : و لكن ..

جاد : (قاطعني ) و صافي ألزين دخوها هدرنا ، هادشي لمصلحتك ما تعانديش..

دورت راسي من جيهتو و هو يديرلي براسو زيدي قدامي ، مشيت سبقتو و خليتهوم ، لحماار المتعجرف لاخور منعرف أش حسابليه راسو ، المتسلط تفوووو و الله لا بقات فيه ..
حل الطوموبيل و ركبنا ، الطريق كاملة مهدرناش ، جاني لملل ، جبدت تيليفوني و بديت كنطلع و نهبط فإينستا غير و صلنا حليت الباب باش نزل و هو يشدنيي من يدي حتى تقسحت..