قصة بالدارجة المغربية ، كتحكي على قرار خداه جد لعائلة ، قرار عائلي لا رجعة فيه غيفرض على البطلين يتزوجو زواج تقليدي ، اللي غايتبزز عليهوم بزوج حيث كانو مكيحملوش بعضياتهم ، و هذا اللي غيولد موجة ديال الكره و الحقد بيناتهم و لكن مع تزامن الأحداث و م...
هبطو مشاو غير لكوزينة لتحت ، دارو لفطور و فطرو غير هوما حيث داز وقت لفطور فلفيلا لكبيرة ، منين كملو جمعو الطبلة و دارو لماعن فلماكينة ديالهوم عاد ناضو خرجو للجردة ، بقاو كيهضرو شوية و هي تجي عندهوم صفية ...
شافت فيها كوثر : ناااري يا ختي صفية غير كتجي كنعرفك جايبة معاك شي خبار ...
صفية : هههههـ هاد لمرة غير لخير أختي كوثر ، الحاج راه جا جابو السي فهد عاد دابا و راهوم كيستناوكوم فالصالة لكبيرة ...
ليلى /كوثر : ياااي جدي جااا ...
شافو فبعضياتهوم و تكرشخو كاملين بالضحك..
ليلى : ها حنا جايين ..
مشات صفية و لبست كوثر بينوارها طويل حد الركبة فلكحل اما ليلى لبساتو فلحمر .. و مشاو للفيلا لكبيرة ، دخلو و مشاو للصالون لكبير ، لقاوهم كاملين مجموعين طارو على جدهوم عنقوه وداروه فوسطهوم وحدة تبوس من هنا و لأخرى من لهيه ، الجد بقا كيضحك هروه ، حتى بدا يكحكح و هما يبعدو ..
ليلى : الحمد الله على سلامتك أجدي ، طيرتيها مناا خلعة ..
كوثر : الله على جدي حبيبي و كي بقات بلاصتك خاوية ...
الجد : ههههـ كح كح الله يرضي عليكوم أبناتي نتوما هوما النور د هاد الدار ...
كوثر / ليلى : أمين أجدي ...
الجد : عيطتلكم أبنتي باش نعلمكوم راه من مور لغدا غنمشيو للفيلا اللي فمالاباطا و غنگلسو تما سيمانة ، نوضو جمعو حوايجكم و لبسو كسوتكم راه مابقا والو ...
كوثر : واخاا ها حنا نايضين دابا ...
ناضو تشتتو و كلها مشا لبيتو يجمع حوايجو ، كوثر و ليلى مشاو لبيت ليلى اللول ، و إيمان حتى هي مشات تجمع حوايجها ، أما لولاد بقاو مع جدهوم لخدمات اللي غيتكلفولهوم بحوايجهم ..
بداو يجمعو و كوثر اللي بدات تختارلها ، جمعتلها 2 ڤاليزات فيهوم گاع اللي غتحتاج ، عاد عطاتلها شنو غتلبس ، لبست روب فلحمر كول v موردة فيها ورد بلخضر و زادت معاها صاك كحل و كلاكيطة كحلة ..
Ups! Ten obraz nie jest zgodny z naszymi wytycznymi. Aby kontynuować, spróbuj go usunąć lub użyć innego.
