غادي طاير فالطريق و كل شوية يضرب الڤولون ديال اللوطو .. كوثر گالسة حداه و غير ساكتة كلما تجي تهضر ، غير كتشوف حالتو كترد هضرتها لفمها خافتو يمشي يقلب بيهم الطوموبيل ، مسافة الطريق و وصلو للفيلا د فهد اللي جاية فالجبل ، دخلو و كوثر غير كاتشوف فلفيلا اللي مضورة غير بالشجر كاينة غير هي فداك الجبل سرطت ريقها ، ما كاين اللي يسلكها من هاد الثور اللي حداها حتى لا غوتت مغايسمعها حد ، بدات كتحك فيديها بثوثر معارف لا شنو دارت و لا شنو بغالها ... ما فيقها غير باب اللوطو اللي تحل عليها بالجهد : ماناوياش تنزلييي ؟
كوثر جمعت تخنزيرتها : أنا مغانزلش من هنااا ، علاااش جايبنيي لهنا ، شنو بغيتيي مني ؟
فهد شدها بيدها بالجهد و زير عليها حتى قصحها و تأوهت : نزليي يلااه ...
جرها على برا ، و سد باب اللوطو بالجهد و ضار جارها موراه ..
كوثر : فهد قسحتييييني طلق منيييي ....
فهد ماداهاش فيها و بقا جارها حتى دخلها لداخل عاد نترلها يدها .. كوثر شدت فيدها اللي حمارت و بقالها فيها لاطراص ديال يدو و بدات تماصيهاا ، شافت فيه و هضرت بعصبية : شووف يدي كيف رديتيها ..
ضار عندها و قرب جيهتها كيتنفس بالجهد و بسرعة ، كوثر شافت فيه بثوتر و بدات كترجع اللور : نتاا شنو بااغي عنديي ؟ خلينيي نمشيي ...
قرب فهد عندها حتى لسقها مع لباب و ما بقا كيفصلهم غير بعض الميليميترات ... و نطق مغزز و شدهاا من وجهها بالجهد مزيرلها على حنوكها : شحااال و أنا صابر لهباالك ، قلت نخليهااا و نشووف لفيين باغياااا توصل ، و لكن توصل بيك الدرجة تبقاااي معاه و نتي على دمتييي ، هادي اللي مانقبلهااااش ، أناااا غنوريييك فهههد أش كيسوى ...
كوثر عينها دمعو قسحها عيات تدفعو مابغاش يتزحزح هي ما عندهاش قوتو : فهد طلق منيي قسحتينيي ... نتاا علا من كتهضر أنا مافهمت والو ، شكوون هذاا اللي نبقى معاه ...
فهد زاد ورك عليها حتى تأوهات بألم و قلبات وجهها : ماتديرييش راسك مافاهمة والو ، زعما باغيا تديري فيها هبل تربح ... ايوا سمعي ألالة ، أنااا راه عرفت كلشي من شحاال هادي ، عارفك فعلاقة مع علاااء مكاااين لاش تخبييييي ...
كوثر ضورت عندو راسها و بلقت عينيهااا مصدومة من هادشي اللي قال ، شاف فيها فهد باستهزااء و تبسم جنب : ماالك تصدمتييي ، اياااه أنااا عرفت كولشيي ...
كوثر : وااااش صاڤااا ؟ أشنووو كتقول ، واش كتهضر على علااء علااء ولد عمي ؟؟
فهد طلع فيها حاجبو : و علاااش شحاال كتعرفي بعلااء ، يبانلي كثروو علييك ...
ESTÁS LEYENDO
القرار العائلي
Romanceقصة بالدارجة المغربية ، كتحكي على قرار خداه جد لعائلة ، قرار عائلي لا رجعة فيه غيفرض على البطلين يتزوجو زواج تقليدي ، اللي غايتبزز عليهوم بزوج حيث كانو مكيحملوش بعضياتهم ، و هذا اللي غيولد موجة ديال الكره و الحقد بيناتهم و لكن مع تزامن الأحداث و م...