لقاوهوم گالسين فالصالة ، دخلو عندهوم كانو كيوجدو للخطوبة..
خديجة : كنا كنقلبو عليكوم ، بلاتي غاتجي الخياطة اللي كاتقادليكم دايما اللبيسات ... راه صونيتليها و قلتلها تجيبليكم شي قفيطنات زوينين يليقو بهاد المناسبة ..
كوثر : واخا أماما و لكن حتى نرجعو ، حيث واحد الشوية غنخرجو ..
نورا : واخا و لكن ماتعطلوش راه باقي كيتسناكم بزاف دالتوجاد ، و خصوصا نتي أكوثر...
ليلى : واخاا صافي كونو هانيين ، (غمزتهم) أنا معاها زعما ...
مشاو للبيت و كوثر غير كاتصوط ، دخلو و هي ماعندها خاطر لحتى حاجة خلاتها ليلى و مشات للدريسينغ لبست حوايجها هاد لمرة من اختيارها ، لبست طوپ بونضو فلكحل و صاية فلموڤ باارد كتعقد و فيها فتحة كبيرة فالجنب ، مع صاندالة كحلة طالعة و صاك حتى هو كحل ..
مشات صايبات شعرها طلقاتو ، و دارت ماكياج خفيف كيفما علماتها كوثر ، خرجت عندها كتلوز فمشيتها كوثر غير شافت حركاتها طرتقت بالضحك ، و حتى ليلى داك شي اللي بغات ...
ليلى : ههههـ وا نوضي تلبسي و نتي عطيتيها غير للضحك ..
كوثر : ماقدييييتش ، بلا...
قاطعتها ليلى بدات تدفع فيها : يلاااه زيدي زيدي ..
دخلت للدريسينغ و لبست حتى هي طوپ بونضو فلبيض مع سروال طرونسبارون فلبيض ، مع كلاكيطة محجرة فلبيض و صاك بلقش (لا پاي ) ..
YOU ARE READING
القرار العائلي
Romanceقصة بالدارجة المغربية ، كتحكي على قرار خداه جد لعائلة ، قرار عائلي لا رجعة فيه غيفرض على البطلين يتزوجو زواج تقليدي ، اللي غايتبزز عليهوم بزوج حيث كانو مكيحملوش بعضياتهم ، و هذا اللي غيولد موجة ديال الكره و الحقد بيناتهم و لكن مع تزامن الأحداث و م...