The Art of Falling

5: School Fair

5: School Fair

Foundation Day ng Carlyle. Wala kaming mga pasok sa mga subjects namin dahil may school fair. Nag-ikot ikot kami nila Steph sa mga booths ng mga orgs sa school. Mamayang hapon kami nakatokang magbantay ng booth ng org namin. Medyo excited ako kasi hapon din magbabantay ng booth si Xander.

Iniisip ko pa lang si Xander kinikilig na ako. Paano pa kaya kapag nakasama ko siya ng overnight sa beach! Iyon kasi ang initial plan ng org namin para sa retreat next month.

Crush ko lang naman siya. Inspirasyon ganun. Baka sumugod dito yung mama at papa ko kapag nalaman nilang kung anu-ano inaatupag ko. Hanggang kilig kilig muna ako. Isa pa, parang anghel sa langit si Xander. As if naman may pag-asa ako sa kanya.

Una naming napuntahan yung sa booth ng Fine Arts. Sakto nandun si Carly at siya yung nagpe-face paint sa mga bata. Nagpalagay na rin kami. Yung sa akin parang pakpak ng butterfly malapit sa right eye ko. Nakakatuwa nga e. Napa-picture naman kami dun sa photobooth ng department nila Issa at Derek.

Nadaan kami sa mga booth ng Accountancy and Commerce, yung college nila Caeus pero sina Ate Faith at Kuya Cayden lang ang nakita namin. Nagbebenta sila ng mga baked goods.

Paalis na kami nang dumating si Amber at Caeus na magkaakbay. May binulong si Caeus tapos nagtawanan sila. In fairness, bagay sila. Parang dyosa itong best friend niya pero kung sinu-sino ang nilalandi niya. Ito namang si girl hinahayaan lang ang pagiging babaero ng mokong.

Hay pake ko ba sa buhay nila! Kailan pa ako naging pakialamera sa buhay ng may buhay?

Nang makita ako ni Caeus, bigla niyang tinanggal yung akbay niya kay Amber. Dumiretso si girl dun sa loob ng booth. Hindi ata kami nakita. Si Caeus naman nilapitan kami para mag-hello.

"How you doin', Baguio Girl?"

Matagal tagal din kaming hindi nag-usap. Nag-pass muna ako sa mga tutoring sessions namin pagkatapos nung nangyari sa birthday ni Carly. Hindi ko rin siya masyado pinapansin sa klase. Nagpasalamat lang ako sa pagtatanggol niya sa akin tapos hi-hello lang kami sa Chem.

Ewan ko ba pero ang lakas kasi ng pakiramdam ko na napagtripan ako ng mga punyetang yun dahil kay Caeus. Sabi nila napag-utusan sila. Sino namang mag-uutos ng ganun 'di ba? Malay ko ba kung may fangirl si Caeus na miyembro ng Caeunatics dun sa party. Baka nakita niya kaming nag-uusap at nagkakatuwaan kaya nainis o nagselos. Ay ewan!

Assumera na kung assumera pero yun talaga kutob ko at ng mga kaibigan ko. Hindi ko naman sinisisi si Caeus na muntik akong malunod dahil sa kanya. Wala naman siyang kasalanan. Nakakalungkot lang na napasama pa yung pagiging malapit namin. Sana mali ako pero unless malaman ko kung sino ang nag-utos na itapon ako sa pool, mas mabuti na yung nag-iingat. Kung pwedeng umiwas, iiwas na lang ako.

"Okay lang. Ikaw?"

"I'm good. You wannna grab something to eat?"

"Ah, e kasi. Marami pa kaming booth na hindi napupuntahan. Maglilibot pa kami."

"Oh okay. I wanna treat you pa naman. Sayang."

Mokong na 'to! Minsan na lang mag-Tagalog, nang-aasar pa. Akala ko pa naman mabait siya ngayon.

"Anyway, Saturday?"

Amber butted in before I could respond. "What's Saturday? Hi, Jess. How are you feeling?"

"Hi, Ate. Okay lang."

"So what's Saturday?" Amber asked eyeing Caeus then me.

"The day after Friday and before Sunday. Saturday." pilosopong sagot ni Caeus habang mabilis na inakbayan si Amber at pinalakad siya pabalik sa loob ng booth nila.