Isang umaga
May biglaang bisita
Mapagbirong tadhana
Ako'y nadalaKumatok ka sa aking pintuan
Ako'y biglang naguluhan
Bubuksan ko ba para pakisamhan,
O piliting umalis at ipagtabuyan?Ngunit sadyang mapaglaro ang kapalaran
Ako'y nasalisi at naisahan,
Nakapasok ka na pala ng 'di ko namalayan
Natulala, 'madaya', naiusal ko na langTuluyan mo ng nakuha ang loob ko
Sobrang galak sa bawat tagpo
Hanggang sa ikaw na ang laging laman
Ng aking puso't isipanNgunit panandalian lang pala
Tayo pala ay isa lamang piyesa
Sa larong ginawa ng tadhana
Tayo ang apektado, tayo ang taloSa bawat sulong, tayo ang nasasaktan
Sa bawat urong, tayo ang nahihirapanGustuhin man pero wala ng makapitan
Pinagtagpo pero tadhana ang kalaban
Tayo ang una pero hindi ang huli
Dumating ka pero hindi para mananatili.