شغفها حبَّاً

شغفها حبَّاً (الجزء الثاني)

زياد:لك لا لاتخجلو،بعرفكن بلا حيا،كملو خلونا نأعد ونفتحها سيرة امثال وقالت ستي وقالت ستك..
يوسف:شايف يااستاذ،واللهي هي رند لسانها مابيفوت لحلقها
زياد:لك منقول انها بنت وشي طبيعي،أما انت شو وضعك؟
يوسف:أنو وضع منهن استاذ؟
بيمسح زياد وجهو بكف ايدو وبيسحب شعراتو لورا بتوتر

شغف بتطلع وبتفتح عيونها وبتقول جواتها:لعماا،لك نفس الحركة ياربي،يوسف مبارح هيك كان عم يعمل قبل لايخبط ايدو بلحيط وتغما البطلة..يييي لازم انقذ الوضع

بتوقف شغف:استاذ ايمتى رح نبدا الدرس
رند:نطق بدري
بتنغاظ منها شغف وبتسكت
زياد:منعتذر منك عهلاستقبال ياشغف،بس شوفت عينك طلابي لساتهن بلروضة،وماعم يكبرو..المهم،يوسف افندي شو الحجة اليوم،شو سبب التأخير؟
يوسف:الله وكيلك يااستاذ طرت بلسيارة طيران بس تأخرت
زياد:معناها المشكلة بلبيت مو بلطريق
يوسف:ااا..لك راحت علينا نومة كنا غرقانين بلأحلام..

شغف بتحكي لنفسا:يي واخيراً لقيت في مين بيغرق بلاحلام متلي😍

زياد:انا بلشت عصب كتير،تفضل لمكانك خلينا نبدا
بيمشي يوسف لمكانو،بيلاقي آعدة شغف،بس مابيعطيها اهتمام وبيأعد بلمكان التاني

بعد ساعتين،بنتهي الدرس كانت شغف مدموجة عم تحاول تستوعب،حست انو المعلومات زادو عن حدهن

شغف:هلاستاذ اسمو زياد،اسم ع مسمى،ضروري يزيد كل هاد بلاعطاء
رند:انتي بتحكي مع حالك كتير؟
شغف:مو عطول،اوقات اي واوقات لا
رند:هههه

زياد:كيف لقيتي الدرس ياشغف
بس تسمع اسمها بيرجف قلبها،بتحس انو هلاستاذ مهتملا غير وضع المدارس والجامعات
شغف:يعني كبداية كان شوي زيادة عن اللزوم
زياد:معقول؟والسبب
شغف:استاذ انا بحياتي مادرست انكليزي متل الخلق،عطول علاماتي كلها منيحة الا بهي المادة،كانو كل الاساتذة يكرهوني فيه

زياد:حتى انا؟
شغف:لسا 🙂
رند:ههههه..انتي غريبة الاطوار يابنتي،اذا بتكرهي ليش جاية لعندو برجليكي
شغف:لأنو بحبو
يوسف لفتتو هلكلمة واجتو الضحكة:ههههه شو هلتناقض هاد

أما شغف راحت لعالما عالم الروايات ولما سمعت ضحكة يوسف،شافت بعيونا الجملة التالية((وقهقه بصوته الرجولي..وقال مبتسماً..))

زياد:مو تناقض،شغف عندها حب كبير لهي اللغة،بس للأسف ماحالفا الحظ وحدا قدر يساعدها لتمتلكها
رند:تمتلك اللغة؟
يوسف:بس يلي بيحب شي مابدو مين يساعدو استاذ لحالو بيحصل عليه
شغف:وانا هاد يلي عم اعملو حالياً جيت لهون لأحصل عليه

لتفت يوسف لكتبو وصار يقلب فيهن بعدم اهتمام،كان هيك طبيعتو
زياد:اذا بلفعل حابة تنجحي لازم تخوضي تجارب كتير،ولو كانت صعبة

بتبتسم شغف،وبيطلع الاستاذ بعد ربع ساعة بيجي غيرو،

بيمر الوقت بشكل طبيعي وبيصير وقت الطلعة

رند:شغف في حدا بدو يوصلك للبيت
شغف:لا رح روح مواصلات
رند:اذا طريقنا سوا تعي نتمشا وبعدين منروح عبيوتنا
شغف:انا طريقي من طرف الجامعة
رند:اي وانا،يلا لكن امشي
شغف:تمام..بس لشوف المديرة وبجي

بتروح شغف،وبيمرء يوسف بيتلاقى ب رند
يوسف:مين ناطرة
رند:شغف
يوسف:البنت الجديدة،يالله شو بتحبي ترافقي الكل
رند:لك بدنا نتسلى ولوو،اي قلي شبها لينا؟
يوسف:لك ببوس ايدك لاتفتحيلي السيرة،انا ماشي
رند:لك وين وين،تعال شوي
يوسف:بدك تحكي عنها وانا مابدي اسمع
رند:ليك..انا حاسة بشي
يوسف:والله صايرة حساسة😂
رند:كهكهكه ماازنخك،سماع للاخير،حاسة أنو لينا عم تغار من رفقتي انا وانت
يوسف:رفقتنا طبيعية ومالا حق تغار
رند:طبيعية؟بس منحكي كتير ومنمزح وهيك
يوسف:اي وشو يعني كمان بمزح مع لؤي وطارق وكل الشباب
رند:اي بس انا بنت
يوسف:بتعرفي مستعجل كتير منحكي بغير وقت شو رأيك(بيتخطاها ليمشي،وفوراُ بتمسكو من ايدو)
رند:يوسف..

بتطلع شغف من مكتب المديرة وبتلاقيهن
يوسف بيتطلع ب رند وبإيديهن المشتبكة
رند:إذا ماعاد تتحملا،لاتتركها مو عارفة مصيركن،اشرحلا الوضع وانفصلو
يوسف:بس هية رفيقة عمري
رند:بس انت مليت منها،وهي عم تضغط عليك كتير..

بيرن تلفونو،بتنتبه عحالا وبتترك ايدو وهو بيمشي،بتلتفت رند بتلاقي شغف واقفة عطرف
رند:فيكي شي؟
بتقرب لعندا شغف:لا بنوب..
رند:طيب يلا نمشي
شغف:بعتذر،بابا اتصلي وخبرني انو رح يجي ابن عمتي يوصلني،لأنة عنا زيارة لهنيك

رند:ايوا..ابن عمتك قلتيلي😉
شغف:شو يعني؟اي طبعاً ابن عمتي
رند:هههه ستي،تتهني يلا روحي لكن
شغف:رح انطرو شوي وبيوصل
رند:لكن انا رايحة سلام

بتطلع رند بتلاقي يوسف لسا بيحكي بلتلفون ورايح جاي
بتقرب لعندو وبتوقف قدامو،بتطلع بقلب عيونو العسليات مباشرة ونظرتو الرهيبة يلي عم تبرق متل النجمة بليل معتم

يوسف:لينا..هاد بلنهاية مستقبلك انتي،وعدم حضورك رح يضرك....لك وبعدين معك يعني انا بنصحك وانتي بتفهميا بطريقتك..سلام لينا سلام

بيلمح رند سارحة فيه
يوسف:خير..
رند:خير يصيبك تؤبرني
يوسف:لك ريتو بينقص هلسان قولي امين
رند:ههه لك فوق ماعم غازلك بلشامي ياتشكل آسيييي..

وبتسرح عيونها لبعيد علسيارة السودا بموديل شبابي يلي وقفت قدامهن

يوسف:اييي شبك علق الشريط معك
رند:لك شفلي هلشقفة😍
يوسف:شقفة؟إلهي بتصيري مية شقفة انضبي وليك رند،يابشوفك كلك انوثة يابشوفك مسترجلة
رند:ياويليييي لك شقفة وفيها شقففة

يوسف:لعما فصلت هي بنوب

بيتطلع علسيارة وبلفعل بتلفت انتباهو ك شب بيحلم يشتري هيك سيارة،
#سارة_العلي💙 #يتبع