شغفها حبَّاً

شفغها حبَّاً(الجزء السادس والعشرون)والأخير

يوسف:رح حل كلشي..هلأ بتفق مع ابوكي لنشوف حل للموضوع،وتروحي عند طبيب نفسي،انتي بس اهدي

شغف:يمكن بيقولو كرامتي مالازم تهون علي،بس انا مو شايفتا رح تتأذى إذا طلبت منك
يوسف:طلبي،أنا عيوني ألك
شغف:لازم تهتم فيني كتير وتبقى جنبي وتحبني بقوة
بيبتسم يوسف،كل مرة عم يشوف منها طرف بيجننو فيها اكتر،هية تغيرت كتير عن أول،وبنظرو من حقا هاد الشي،بعد ماعاشت سنين وهية وحيدة صار الوقت أنها تبطل وحيدة

يوسف:تأكدي تماماً أنو ماعاد تحتاجي تطلبي هيك،وشغلة تانية،لما بتكون كرامتك من كرامتي لاتتوقعي تنهان بنوب،لأنو مستحيل أهين نفسي

بتمر الايام وبيختارو دكتور لشغف بتحكيلو كلشي صاير معها

الدكتور:شغف..انتي عندك مشكلة،الاعطاء المفرط،لكل شغلة بتحبيها بتعطيها بشكل مفرط،القراءة يلي انتي بتعشقيها استحوذت عليكي لما كنتي ضعيفة،وماكنتي قادرة تسيطري عحالك وقت غيبوبتك،خيالك أخدك لمكان تاني وقلبلك كل الموازين،أنتي بتتمني تكوني بطلة ولهيك عشتي هاد الحلم بغيبوبتك..وبنظرك البطلة بتعيش ظروف غريبة،مع عائلة غريبة لهيك عائلتك ختلفت بهلحلم،وصارو سيئين معك..بنظرك انو البطلة لازم تعاني من مأساة صعبة،لهيك ختار خيالك أنو تخسري نظرك بهلحلم..وختار أنو تعيشي ظروف غريبة متعاكسة مع مجتمعك الحقيقي،أنك تروحي مع شب لمكان بعيد واهلك مايرفضو،أنك تعيشي معو ببيت واحد،الشخصية يلي عشتيها هية عكس شخصية شغف تماماً،يعني الضد...وهلشي خلاكي مدموجة لدرجة منعك تكوني قوية وتصحي من غيبوبتك،متل وقت نشوف منام،بيعجبنا بأيامنا العادية منتمنى نبقا فيه لأنو كلنا منلاقي بلخيال حياة اجمل من الواقع

شغف:بس أنا العكس..دكتور أنا حالياً عاجبني واقعي اكتر بكتير،عاجبني طبيعتي وعيلتيي..وحبي الغريب

بيبتسم الدكتور:برافو،حلو انك تتقبلي حياتك،تحبيها لحتى تعيشيها وانتي مبسوطة وسعيدة..

شغف:دكتور..فيني ابقى عم اقرأ؟
الدكتور:بظن صار وقت الكتابة
شغف:بتقصد اكتب رواية؟
الدكتور:تكتبي أي..أو تعيشيها

بتبتسم شغف وبتطلع من العيادة بيكون يوسف ناطرها بلسيارة

بتطلع جنبو وهية مبتسمة
يوسف:آخر جلسة؟
بتهز راسا بإيجاب
يوسف:لقيتي كل أجوبتك
شغف:أي..

بتبرم عليه بضحكتها المميزة،وبقرب وبتضمو بقوة..
يوسف:هههه لك شبك
شغف:عرفت أنا بشوف متميزة
يوسف:بشو؟
شغف:فيك انت..

بيضحكو سوا،
يوسف:يلا صار وقت مشروعنا
شغف:بس افهم صرلك اسبوع بتقلي بدك تاخدني علمول ومااعرف السبب
يوسف:قلتلك لتغيري جو

بيتوجهو علسوق،بتشتري كتير اشياء جديدة،وبتغير كتير بتفاصيل فيها،لتبدا حياة جديدة مشتركة بكلشي مع يوسف..