بعد وقت،كانت شغف بغرفة العمليات،يوسف وزياد برا وناطرين،وبتوصل عيلة شغف..
عصام بقلق:لو سمحتو أنا ابوها ل شغف ممكن تفهموني شو صاير،بنتي وينها؟
كانت ندى ماسكة فيه ودموعها ع وجها
زياد:أنا الاستاذ زياد المدرس بمعهد شغف،انشالله بتكون بخير،حالياً فوتوها ع غرفة العمليات ادعولها
ندى ببكا:كيف هيك صار ببنتي؟
بيتطلع زياد ب يوسف بيرجع بيلتفت ع ندى:حادث،،شغف كانت طالعة ومتوترة من المعهد وصار يلي صار
عصام:مين هو؟مين يلي ضربهابينطق يوسف وعيونو بلأرض:أنا..بتمنى تسامحوني بس بلفعل مابعرف كيف ظهرت قدامي
ساد الصمت بينهن ونظرات القهر حرقتو ليوسف
زياد:يوسف تمالك اعصابو وفوراً اسعف شغف لهون،صح هو غلط بس بلفعل شغف كانت معصبة من المعهد لهيك مشيت بدون ماتطلع عشي هلأ مابينفع الكلام المهم تكون بخير
عصام:ومين بيكون الشب
يوسف:أاا..أنا يوسف صديق شغف بلمعهدبتشد ندى قبضتا ع أيد عصام لأنو رجليها ماعاد حملوها،بينتبه يوسف وبيقرب لعندها وبيساعدوها لتأعد علكرسي
نقهر كتير علوضع يلي حطهن فيه،الندم عم ياكلو اكل
بعد وقت بيطلع الدكتور
يوسف بيتوجه لعندو اول واحد:طمنا دكتور
الدكتور:بصراحة مافيني اعطيكن أي خبر إلا لبعد ٢٤ ساعة،حاولنا نوقف النزيف بصعوبة،تقريباً زال الخطر بنسبة قليلة،وهلأ كل يلي علينا نعملو ننتظر وندعيلا،ونشوف قوة جسمها على التحمل..للأسف كانت الضربة قوية ع راسها ويارب تقدر تتخطاهاتعبت ندى كتير،وقدمولها علاج...أما زياد بعد وقت طلب منو عصام انو يمشي وبلفعل راح
ويوسف اخدوه الشرطة ليستجوبوه
الشرطي:لازم نستضيفك عنا اليوم
يوسف:لامستحيل أنا مابقدر اترك شغف
الشرطي:بس حضرتك متهم بلحادثة
يوسف:أنا مارح غادر المشفى وفيك تحط حرس هون بس بترجاك مستحيل اقدر امشي واتركا،لازم اعرف كلشي عن وضعا
الشرطي:انت مجنون؟امشي معنا وبس يخلص التحقيق منحكيتاني يوم،لسا يوسف بالسجن وأبوه فوراً وكلّو محامي،وطالب انو يغادر السجن بس مابيغادر المدينة بنوب لبينما يخلصو التحقيقات
وطبعاً استجوبوا بعض الشهود من المعهد لحتى يتأكدو من الحالة يلي كانت فيها شغف لحظة خروجها من المعهد،وكاميرات المراقبة بالشارع اكدت انو شغف طلعت علشارع العريض بدون ماتنتبه بنوب
كانت عيلة يوسف تعتبر من الأغنياء،وببساطة قدرو يطالعوه مع دفع كفالة،وهو ماتأخر لحظة عن شغف،وفوراً توجه علمشفى
بيتوجه يوسف ع مكان العناية المشددة بيلاقي عيلة شغف اعدين،وجنبهن في غرفة وباب وشباك من قزاز ووراه سرير متسطحة عليه شغف بدون ولا حركة
يوسف:احم..بعتذر عن وجودي
بتطلع فيه ندى بقهر
فؤاد:انت شو جابك ماكفاك يلي عملتو بأختي؟بعدين شو طالعك من السجن
عصام:فؤاد..سكوتيوسف:أنا بصراحة..ماعم اعرف شو احكي
ندى:مافي داعي تحكي شي،بس لو سمحت امشي من هون،وجودك معنا مو منيح بلنسبة ألنايوسف:لا..مستحيل مابقدر
عصام:ليك ياابني،اتصلت فينا مديرة المعهد وحكتلنا عن يلي صار يومها،والمشكلة يلي صارت بين شغف وطالبة هنيك..لهيك مارفعنا عليك دعوة واعتبرنا القصة قضاء وقدر..بس فكرة وجودك هون،رح تدايقنا وانت اكيد مابترضا بهاد الشي..لهيك لو سمحت امشي من هون باحتراميوسف بتعجب:مشكلة بين شغف وطالبة؟بس شغف ماكان الها مشاكل بنوب
عصام:هلحكي مابيفيد
يوسف:طيب..عمي عصام لو سمحت،اعتبرني مو موجود..يمكن ماتقدر تحس بيلي عم حسو،بعرف انها بنتك واغلى شي بدنيتك..بس أنا النار عم تاكل فيني..أنا السبب يلي هية فيه هلأبيعلى صوت بكا ندى وبتقرب لعندو
ندى:معناها روح..امشي من هون ولا تورجينا وجهك
بيلتفت ع ندى يوسف وبيمسك ايدها وبيبوسها:بترجاكي ياخالتي..اعتبريني ابنك وغلطت،لاتخلوني اتعذب اكتر بترجاكن خلوني ابقا واطمن عليها..في بنت جوا وبسببي..حتى لو الشرطة والكاميرات والشهود برأوني..أنا مارح برء حالي لشوف شغف صحيت وطلعت من هون
بيتطلع عصام بعيونو،وبيحس بصدقو وخوفو ع شغف،بيربت عكتفو وبيمسك ايد مرتو وبيرجعو بيأعدو مكانن..
أما يوسف بيرتاح نوعاً ما،وبيقرب خطوات من القزاز وبيشوف شغف،وكأنو أول مرة بيشوفها وبيبقا عم يراقب ملامحا الهادية تماماً،الخالية من أي تعبير..وبلفعل جسد بدون روح،اختلفت كتير
بيحس بموبايلو عم يهتز من جديد،بيرفع بيلاقي لينا،بيفصلو نهائياً وبيطفا
بيهمس جواتو:شغف..سامحيني،كرمال الله اصحي
بيسمع صوت خطوات،والكل وقف عرجليه بيتطلع بيكون الدكتور
بيفوت ليفحصا،وبعد دقائق
عصام:طمنا دكتور،ليش لهلأ ماصحيت؟
كانت ملامح الدكتور مو مطمنة بنوبيوسف:دكتور..شغف منيحة صح
الدكتور:للأسف الفحص بيدل أنو المريضة فاتت بغيبوبة،بعتذر كتير وعكل حال ال ٤٨ ساعة الجاية ممكن تغير كلشييوسف:دكتور،اذا الوضع هون هو السبب نحن فينا ننقلا ع أي مشفى تاني
الدكتور:لا المشفى هون ممتاز وحاولنا نقدم كلشي منقدر عليه،وهلأ كلو على رب العالمين ادعولها..
ندى تدهورت صحتا كتير،وعصام ماكان افضل منها،فؤاد مقهور ع أختو بس بنفس الوقت كان لازم يكون قوي لحتى يقدر يوقف جنب عيلتو
أما يوسف،النار حرقت قلبو بهلخبر،صبية بأول شبابا فاتت بغيبوبة بسببو والله اعلم اذا رح ترجع وتكمل حياتا من جديد
#سارة_العلي💙 #يتبع #حكاية✒ #قصص @hekaea_tna
YOU ARE READING
شغفها حبَّاً
Romance#شغفها_حبا💙 #المقدمة أنا شغف،البنت الطبيعية... بحب اقرأ كتير،يمكن قرأت اكتر من ١٠٠ رواية..عمري ٢١ سنة،لسا ماتخرجت..بدرس فنون..مو لأنو مجموعي ماقبل غير هيك..بس لأنو انا بحب هيك وبحب اللغة الانكليزية،مع اني ماني ممتازة فيها..ولا يوم اجاني استاذ حببني...