شغفها حبَّاً

شفغها حبَّاً(الجزء التاسع عشر)

بيعمل النسكافيه بيحمل الكوب بحذر،خايف يصير فيه شي،وبيفوت لعندا

يوسف:تأخرت عليكي،بعرف أنو شميتي ريحة عطري وعرفتي اني هون،بس كنت بعمل نسكافيه..بكوبك...هههه يمكن لو صاحية كنتي اجيتي وبهدلتيني..هلمرة فوراً رح ابدا واقرأ الرواية ورح اسمعك ياها بصوتي كمان

بيجيب الكتاب وبيكمل قراءة

ملاحظة جديدة

(لقد ارتعش فؤادي بنظراته،إنه يمتلك عينان جميلتان،ولكن لن تكون بجمال عينا رفيق دربي)

يوسف بتعجب:هي بتشوف الرواية ولا بتقرأها؟بتعيش معهن وكأنها شخصية من شخصيات القصة،انتي مجنونة شي يابنت؟(وبيكمل بغيرة مكتومة)ولسا عم تتغزلي فيه؟

بيكتبلا تحتا(لقد جننتِ يافتاة،وتغازلين أحدهم أمام عيناي؟أعدك أني سأقتله حين ألقاه،ولكن ليس قبل أن اقتلع عيناه تلك التي هزّت فؤادك)

بيسكر الرواية وبيتوجه لعندا بينحني ليوصل شفافو ع ادنها وبيقلا بهمس:رح تجننيني من قبل ماتصحي،ولما تصحي مابعرف شو رح يصير فيني...بس أنا جاهز..عم حبك كل يوم اكتر..وعم جن فيكي

بيمسح عخدها بنعومة بعدين بينسحب بهدوء وبيمشي

تالت يوم نفس الحال بس هلمرة قرأ ملاحظة من شغف ماخلتو يقدر يمسك نفسو،وضحك بقوة على شغف كيف غارت من البطلة

فجأة بتجي ندى:ابني؟شو صار
بيخجل وبيجلس اعدتو:بعتذر خالة بس كنت بقرأ بروايات شغف
ندى:وقفتلي قلبي واللهي فكرتا صحيت
يوسف:سامحيني والله ماقدرت امسك نفسي

ندى:ولا يهمك..

بتتركو وبتروح وبعد وقت بتنتهي الرواية

يوسف:أي...ووين النهاية؟
بينتبه أنو الاوراق الاخيرة مخزئة مو موجودة
يوسف:كيف هيك؟معقول انتي مخزئتيهن؟

بيوقف عرجليه وبيتوجه علمكتبة،بيفتح الخزانة الأولى..

بيلاقي كتير اشيا بيمسك أول قطعة،كانت عبارة عن تاج بسيط من ورد الياسمين،وفي ورقة ملفوفة عليه ومشبوكة منيح بيسحبا بدون مايصرلا شي وبيقرأ شو مكتوب

(تاج الياسمين،يلي اهداه وائل ل ميرنا برواية *$^* وقت كان بيفطرو علجبل عند عربة الطعام البسيطة)

بيتطلع بصدمة وعم يحاول يفهم شو يلي عم يصير..

بيلاقي علبة عطر وكمان نفس الشي عليها ورقة بيفتحا

(ريحة عطر آدم يلي انكسر وشام احتفظت فيه بقصة #قاهر_طفولتي )

بيلاقي كاميرا بلون الزهر
(كاميرة ميرال،يلي كانت تصور فيها حبيبها غدي بقصة #إياك_أن_تتخلى )

وخاتم لون بني،من بلاستك
(خاتم الشوكولا يلي اهداه فهد ل سمرا بقصة #إذا_هجرت_فمن_لي🎶 )

يوسف:شوكولا مين والناس نايمين؟البنت عم يتهيألا انو الخاتم شوكولا كمان مجنونة علآخر

ولعبة باربي

والملاحظة(باربي يلي شتراها نور ل ياسمين ب قصة #عروسة_الثأر بطفولتهن)

الجنون كان رح يصيبو هلمرة عنجد،من كتر تعلق شغف بلروايات

بلآخر بتستوقفو هلذكرى،عطرو يلي بيستخدمو بيرجع للماضي بيوم كانو بلمعهد

#فلاش_باك

شغف:يوسف..فيني اسأل سؤال؟
يوسف:اكيد تفضلي
شغف:صراحة في عندي حفلة لشخص بيعز علي،ولازم اخدلو هدية،وعم فكر أنو تكون عطر..اليوم لاحظت ريحة عطرك

يوسف:ههههه اليوم بس؟
شغف بتخجل كتير وبتنزل عيونها بلأرض
يوسف:كملي كملي
شغف:فيك تعطيني الاسم لحتى اشتري متلو
يوسف:اممم مع انو مابحب اعطي اسم عطري لحدا بس اوكيه..رح جبلك وحدة بس كرمالك ها

شغف:لاعطيني بس الاسم
يوسف:هي تركيبة خاصة ألي وبس(وبيغمزا)

#عودة_للحاضر

يوسف:عأساس هي هدية،شو جاب العطر لهون؟

بيصير فضولو كبير ليقرأ الملاحظة بيفتحا

(رائحة يوسف..بطل رواية #شغفها_حبا💙 سيفتنها بعطره،كما فعل دائماً)

وهون بيوقف دقايق وهو عم يفكر شو المقصود،وشو هلتشابه معقول صدفة؟بيعرف انو اسم هلرواية هو روايتها يلي رح تكتبها متل ماخبرتو أمها،بس ليش اسم البطل ع اسمو...وعطرو رح يفتن البطلة

بيحط العطر عطرف وبيروح بيدور بين كل الروايات مابيلاقي رواية بهلعنوان

بيتطلع بشغف وبيقلا:شغف..انتي قاصدتيني ألي؟بترجاكي جاوبي؟في شي جواتك تجاهي؟؟شغف اصحي ماعاد فيني اتحمل..

بيرجعو علخزانة وبيسكر،خزانة الذكريات،فهم أنو كل ماتقرأ رواية او قصة بس تلاقي شي بيشبه شي بلرواية تشتريه وكأنو ذكرى من ابطال الرواية..

بدو يمشي،هلمرة بمشاعر غريبة،خايف كتير،متأثر بأشياء ماعم يعرف سببا

مسك ايدا وكتب باصبعو ع كفها:اقسم لقد اصبت بلجنون..عودي إلي يا#أميرتي_النائمة

طلع يوسف وكلو أمل أنو تكون الزيارة يلي بعدها تكون صحيت...

بيمرأ شهر ويمكن قرأ نص رواياتها،بس لهلأ ماعم يلاقي النهاية..وقرر يبحث عنهن بخزانتها

الأمل عند عيلتها عم يتبخر بس هو عم يرجع يعطيهن جرعة أمل

فات لعندها وفتح الدرج يلي باقي مافتحو،ليلاقي مجموعات من اوراق،وبيكتشف انو هي نهايات الروايات..وكل نهاية مشبوكة مع ورقة من كتابتها بتشرح الرواية فيها،وسبب تجميع هي الورق..

يوسف:أنتي انقى واطهر وألطف كائن بشوفو عهلكون..#أميرتي..محتاجك تصحي،ورح يصير كلشي بتتمنيه

قرب منها ونزل عرجليه وسند راسو عايديه مقابيلها وسرح بملامحا الهادية وكأنو طفل نايم..

#سارة_العلي💙 #يتبع #حكاية✒ #قصص @hekaea_tna