شغفها حبَّاً

شفغها حبَّاً(الجزء الواحد والعشرون)

مابيعرف ليش اجت الدموع بهللحظة وهي ابداً مو وقتها،محتاج يشوف عيونها بوضوح

بتفوت ندى:يوسف..شو عم يصير

مابيجاوب وبيكمل حكي مع شغف:عم تسمعيني؟طيب..طيب حركي اصبعك حركي شفافك اي شي عملي أي شي اذا بتسمعنيني

بترف عيونها وبينتبهو تنينهن،ندى فرحتها موسايعتا بتقرب بلهفة وبينزلو دموعا

يوسف بيصير يمسح بحنان ع وجها،ولسا بيحاول يحاكيها

ندى:يوسف..حركت ايدها

بينزل ايد من عوجها وبيمسك ايدها
يوسف:شغف،شدي ع ايدي..بترجاكي اكديلي انك معي

بتفتح عيونها بتعب شديد،بشكل بسيط جداً،بتلاقي صورة مو واضحة بس في شخص مقابلها..

بيقول بينو وبين نفسو:يلا شغف،فتحي عيونك أنا اول شخص لازم يشوف عيونك وتشوفيه انتي

لحظات وبتفتحن منيح بتلاقيه قدامها..الصمت سيد الموقف،والعيون عم تحكي..حتى يوسف حس حالو عاجز يحكي حرف أول ماشاف عيونها

ندى عم تحكي بس مو سامعينها..وبيوصل الدكتور عصام سوا

وبعد شوي بيوصل فؤاد وهو مصدوم من كلشي

بيتفاجأو فيها،بيحاولو يحكو مع يوسف بس مابيجاوب بيقوموه من جنبها ليشوفا الدكتور،ولسا واقف عم يتطلع فيها يوسف

والدكتور ماقدر يضغط عليها كتير..

بعد وقت خلص الفحص

الدكتور: بتمنى ماحدا يضغط عليها رح تعاني من شوية ألم لأنو بقيت فترة منيحة هيك،حركة بطيئة وكلام مقطع ونظر قليل كل هاد طبيعي وأنا بكرا رح اجي وبس ترجع لطبيعتها بأذن الله مناخدها فحص بلمشفى،لا تخبروها بغيبوبتا لبكرا ولاتحكولا المدة يلي بقيت فيها لبعد كم يوم

بيطلع عصام مع الدكتور وبيرجع بيضما وبيبوسا من راسها

عصام:بنتي..واخيراً الحمد والشكر ألك ياربي

بتقرب ندى وماعم تقدر تخفي بكاها،بوستها وعطت فرصة لفؤاد يضما كمان..وشغف تعبانة ومو فاهمة شي..

بيتطلع عصام ب يوسف،بيأشر لفؤاد وندى ليطلعو

فؤاد بيرفض بس أبوه بيمسكو من ايدو وبيطالعو

عصام:احم...ناطرينك برا يوسف

بيطلع من شرودو وقت يربت عصام ع كتافو،وبس الكل يطلع،بيقرب عليها،بتلمحو شغف بيوطي لعندها وبيهمسلا

يوسف:لاتتعبي عيونك..المهم شفتهن،وشافوني أنا مو مصدق وكأني بحلم

كانت نظراتها غريبة عليه،وكأنها مصدومة او بدها تحكي شي

ويلي بيصدمها اكتر،وقت بينزل لعندها وبيطبع بوسة عجبينها مرة كمان،وبيهمسلا:رح ارجع بكرا..انتظريني

لما بدو يقوم،مابيتحمل يمشي،بيرجع بيضما بقوة لصدرو،بيحس رجعتلو الحياة،بيشد وكأنو بدو يحطها جوا قلبو ويهرب فيها..بيسمع تنهيدة ألم منها،وبينتبه على يلي عم يعملو،بينزلها بهدوء علسرير وبيبعد

يوسف:سامحيني..بس كنت محتاج حضنك..أميرتي

بيتركا بحيرتا وبيروح

بيوصل ع بيتو،بياخد دوش وبيتسطح بتختو،وكلعادة بيفتح موبايلو وبيلاقي رسائل كتير من لينا..يلي صرلو كل هلشهور متجاهلا وماعم يرد عليها،ومالو فكر يعمل معها شي لأنو مشغول بوضع شغف...اعتذرت كتير وطلبت السماح وعطول كان يرفض يوشفها..

بس هلمرة بيقرر ينهي كلشي برسالة

(لينا..يمكن لهون بيكفي،بتمنى بعد اليوم مالاقي رسالة منك،حاولت كتير ابعتلك كلام مع رند وماكنتي تتقبلي،لينا انسيني أنا مو ألك ولا فيني كون ألك،يلي كان بيناتنا علاقة عابرة وانتهت،رح حاول اتناسا حالياً يلي عملتيه ب شغف،انسيني..لأني قلبي متعلق بانسانة تانية بكل مافيه)

و في رسالة من زياد،ومكالمة بس مو منتبه عليها،هو بين فترة والتانية بيتصل فيه ليطمن ع وضع شغف

بيبعتلو مسج
يوسف(كيفك استاذ زياد،بحب طمنك اليوم صحيت شغف..بعرف رح تفرح كتير،عكل حال الدكتور حكالنا مانضغط عليها هليومين..)

بيرد زياد(الحمدلله بلفعل فرحت،وأخيراً الحمدلله على رجوعها ألكن..بتمنى اقدر شوفك يوسف..عكل حال رح ارجع اطمن عنها منك وببقا بزورها..)

بيقول يوسف بينو وبين حالو(تزورها؟لعما..لك أنا مابدي حدا يزورها منيح تقبلت وجود أهلا اليوم،ياربي شو هلاحساس الغريب..أنا بدي كون الوحيد معها وبس)

بيتسطح ومو حاسس برياحة تامة،حاسس قلبو بقي معها متمني لو يقدر يبقا بس مستحيل،من غير شي أهلا مو طايقينو..أو يمكن هو زودها شوي

يوسف لنفسو:طيب شو بعمل؟هية جننتني فيها..أنا فرحان كتير ياشغف..لك وكأنو أول مرة بلتقى فيكي..الحمدلله..مابعرف شو كان سر نظراتك،بس عكل حال..كلشي رح يتغير للأفضل..ورح نكون سوا عطول بدون مايقدر حدا يمنعنا

تاني يوم بيصحا يوسف ماكان قادر ينام غير اربع ساعات،بسرعة بيظبط أمورو وبيتوجه ع باب البيت

أبو يوسف:لوين ياابني،فهمنا انو البيت صاير فندق..بس علأقل فطار معنا
يوسف:واللهي مستعجل بابا
أم يوسف:حبيبي طمني كيف صارت الصبية
يوسف:شغف أمي،اسما شغف وبحب طمنكن مبارح بليل صحيت

أبو يوسف:أيوا ولهيك انت فرحان هلقد،الحمدلله عسلامتها

بتبتسم أمو بفرحة،وهو بيردلها البسمة وبيمشي

أم يوسف:واضح أنو متعلق فيها،معقول هيك؟
أبو يوسف:أي معقول..هيك جيل هلأيام
أم يوسف:بتعرف،انشالله ماتكون متل لينا المتعجرفة..هو صح نحن من عيلة معروفة بس أنا مابحب المظاهر متل لينا وعيلتها

أبو يوسف:طولي بالك ..كل الناس خير وبركة،وهو يوسف تغير كتير بعد حادثة هلبنت حسيتو صار مسؤول اكتر عن تصرفاتو،ويعطي لكلشي قيمتو وصار شب واعي رح يعرف شو عم يعمل وشو رح يختار

#سارة_العلي💙 #يتبع #حكاية✒ #قصص @hekaea_tna