شغفها حبَّاً

شغفها حبَّاً(الجزء الحادي عشر)

،فجأة بتسمع صوت ضجة برا
شغف: عنا ضيوف بهلوقت؟

بتحاول تتلمس غرفتا لتوصل ع مكتبها يلي قبل الباب بس مابتلاقيه
شغف:وين مكتبي؟ياربي معقول اهلي طالعوه من هون لحتى ماازعل أنو ماعاد اقدر أقرأ..

بتروح علباب وبتطلع بهدوء،وهية عم تقرب اكتر للصالة بتسمع صوت أمها وابوها عم يتناقشو بصوت مرتفع وكأنو عم يتخانقو

فؤاد:شغف؟شو طالعك من الغرفة
شغف:سمعت اصوات وقلقت كتير،في حدا هون؟
فؤاد:ليش لتقلقي؟هاد الحال الطبيعي لأهلك،شو نسيتي انو عطول ببتناقشو بهلطريقة..وصلك علغرفة؟
شغف:لا رح حاول روح لحالي

بتوصل لعندن وبيسكتو فجأة
شغف:ماما..بابا أنتو هون
بيقرب لعندا عصام،بيمسكا من ايدا وبيأعدا علكنبة:بدك شي
شغف:لا بس سمعت اصوات فكرت عنا حدا

ندى:رح روح جهز العشا
شغف:ليش اديش الساعة؟
ندى:٩
شغف:غريب..لهلأ ماتعشيتو؟
عصام:كنا عم نتابع مسلسل،يلا ماصار شي نحن من ايمت مناكل علوقت يعني؟

بتسكت شغف وبتسرح بأفكارا

شغف لنفسا:ليش هيك؟في كتير تفاصيل بتذكرا عن حياتي تغيرت؟معقول انا فاقدة ذاكرتي؟لا لا هي مو أعراض فقدان الذاكرة،أنا شكلي عم اتخيل شي مانو موجود اصلاً...أووف ياربي ساعدني

بعد فترة بتجي لتزورها رند،بتفوت عغرفة شغف
رند:كيفك شغف
شغف:تمام مشتقتلك كيفك انتي؟ليش ماعم تجي لعندي
رند:والله مشغولة بهلدنيا،بعدين عم اسمع أنو يوسف مو تاركك محتاجة حدا،عطول عندك
شغف بارتباك:لك..يعني مو هيك بس بيجي ليطمن عني
رند:أي منيح..قوليلي شو اخبارك؟

وبعد وقت قصير

شغف:نروح عالسوق؟أنا وانتي لحالنا
رند:أي وليش مستغربة؟
شغف:لا مو مستغربة بس شوفت عينك،أنا ماعاد اقدر امشي لحالي
رند:رح كون جنبك عطول،أنا مخططة ليوم بيجنن
شغف:أنا ماعندي مانع بس بظن أهلي يرفضو
رند:مستحيل..عكل حال تعي نشوف خالة إذا بتقبل

بيطلعو سوا
رند بتهمسلا:واو بلاقيكي تعودتي علمشي ببيتكن بدون مساعدة

بتدايق شغف من كلماتا ومابتعرف السبب بس بتبتسملا

رند بتلاقي ندى:كيفك خالة
ندى:اهلين يابنتي..منيحة كيفك انتي
رند:منشكر الله،خالتو فيني اطلب منك طلب
ندى:تفضلي
رند:بدي اخد شغف علسوق

تنسند شغف عطرف الجدار وهية ناطرة رفض امها
ندى:اي ماشي فيكن تروحو

بتجلس وقفتها شغف:كيف؟
رند:ماسمعتي يعني خالتو قالت نروح يلا امشي قدامي غيري خلينا ننزل

بعد وقت قصير،بيمشو الصبايا وأول مابينزلو بياخدو سيارة أجرة بس بيلمحن يوسف بسيارتو

يوسف:رند؟شو عم تعمل مع شغف ولوين آخدتها؟لازم ألحقن

بيتوجه وراهن
شغف:لوين رايحين
رند:اكتر من مكان،أنا رح غيرلك شكلك بلكامل شغف
شغف:شو المناسبة؟

رند:امم..هيك..انتي كل يلي عليكي تنفذي يلي بطلبو منك وبس..أمم شغف فيني اسألك سؤال بس مابتدايقي
شغف:تفضلي..
رند:شو حكالكن الدكتور آخر مرة كرمال أنك ترجعي تشوفي،في أمل؟
بتغص شغف،وبعد شوي بتحكي:أاا..حكا أنو في عملية إذا بعملها ممكن ارجع شوف،ويمكن اكتر من عملية

رند:وليش مابتعمليهن؟

بتسترجع شغف ذاكرتا،ووقت حكا الدكتور هيك أبوها رفض يعمل العملية بحكم أنو مابيقدر يسافر معها الفترة الطويلة هي ولا حدا من عيلتها وافق يروح معا وهلشي كسرا كتير،موضوع مهم متل هيك كيف فيهن يتخلوا عنها

رند:شغف..في شي مخبيتي عني؟
شغف:لا بنوب،بسس بابا هلفترة مشغول لهيك أجلناها لبعدين
رند:المهم في أمل صح
شغف:أي صح..

بينزلو علمول،ويوسف بينزل وراهن بس للحظة بيضيعو منو وماعاد يلاقين..

كان المول فيه كتير محلات ومن كلشي محتاجتو رند لتغير شغف،عملتلا قصة شعر مميزة،وعملتلا مكياج خفيف كتير وناعم،وغيرتلا تيابا وشترتلا ملابس جديدة ع زوقها المموض ومكياج تغيرت شغف وظهر جمالها بطريقة واضحة ومميزة

رند:شغف فيكي توقفي هون،أوعك تتحركي
شغف:بس رند أنا مابقدر ابقى لحالي هيك
رند:يي لك لازم تعتمدي عحالك،شوي وجاييتك أنا بعمل اتصال ضروري وبرجع

بتمشي رند وأول ماتنتبه شغف أنو رند راحت بتقلق كتير

رند بتكون عم تعمل اتصالا:ألو..أنت أجيت؟
مجهول:لسا شوي وبوصل
رند:تمام لكن ناطرينك لا تتأخر
مجهول:سمعيني..تأكدتي من موضوع النظر؟هية رح ترجع تشوف
رند:أي أنا متأكدة سألتا كل الموضوع أنو تعمل عملية وعلأغلب بيرجع نظرا

مجهول:أوك تمام،متل ماتفقنا بتغيري كلشي فيها،بدي ياها انسانة جديدة
رند:هههه أي تكرم عينك،أصلاً بس تشوفا مارح تعرفا،المهمة تمت بنجاح

مجهول:اتفقنا

أما عند شغف،زاد التوتر عندها بلأخص لما نتبهت لهمسات الناس،لهيك قررت تفوت علمحل يلي جنبها

شغف:لو سمحت،في حدا هون؟
الشب:تفضلي ياآنسة
شغف:بدي منك تاخد موبايلي وتتصلي ع رقم،لو سمحت أنا ضيعت صديقتي وشوفت عينك،أنا مابشوف

الشب:تمام،تعالي أعدي هون،لحظة عطيني موبايلك

بتعطيه الشنته كلها لياخد الموبايل:وين أأعد؟
الشب:تعالي أمشي معي بهلاتجاه

بيمسك معصما وبيمشيا بهدوء

شغف بينا وبين نفسا:أي شو هلكرسي يلي ماعاد نوصلو؟ياترى وين رايح فيني هاد

بتحس كل مالن عم يبعدو عن الضجيج يلي برا بلمول

شغف:لو سمحت أنا خلص مابدي أأعد بس اتصلي عهلرقم وشكراً ألك

الشب:أوك لاتتوتري،قوليلي الاسم
شغف:الاسم رن....ولا قلك،اتصل عرقم يوسف

#سارة_العلي💙 #يتبع #حكاية✒ #قصص @hekaea_tna