شغفها حبَّاً

شفغها حبَّاً(الجزء الثامن عشر)

كانو عم يحطوها علسرير الجديد يلي بيشبه أسرّة المشافي،دغري حط يوسف ايدو تحت راسها،ونزلو بهدوء ع مخدتها..

انتبه أبوها لاهتمامو الزايد،بس حاول يهدي اعصابو

كان معهن طبيب اتأكد أنو كلو تمام بعدين راح،وكلهن اتطمنو ع وضعها..

وبقيو أمها وابوها مع يوسف بلغرفة،كان سارح فيها

بتطلع ندى ب عصام،بمعنى شبو هاد ليش لسا واقف

بيوميلا أنو تسكت
عصام:احم..ابني بدك تبقا؟
يوسف:عمي أبو فؤاد،بعرف أني عم تقل عليك..وكلشي عم يصير فوق طاقتك بس لو سمحت..

عصام:تمام،لاتكمل..فيك تبقا

بيطلع عصام وبيسحب ندى معو

برا بتوقف ندى عطرف:انت كيف بتتركو معها هيك
عصام:وكان يبقى بلمشفى بنفس الوضع،أنا مرتحلو كتير لهلشب..صح يمكن هو سبب من اسباب يلي صار ب شغف،بس كمان مافينا ننكر وقفتو معنا

ندى:بصراحة معك حق،وقف معنا وقفة مستحيل ننساها وحتى أنا تعودت عوجودو وكأنو فرد من أفراد العيلة
عصام:تمام يلا أنا لازم روح عشغلي
ندى:الله معك انتبه عحالك..

أما عند يوسف،كان لسا واقف عم بتفحصا

يوسف:ماتحركتي ولا حسيتي بشي،أنتي هلأ بغرفتك..حكتلي أمك مرة أنو كتير بتحبيها،لهيك جبتك عليها شغف

بيتطلع حوليه وبيبلش يتفحص هلغرفة،كان سريرها مسحوب لطرف الجدار لحتى يكون في مكان للسرير التاني،بيقرب من سريرها وبيتخيلها متسطحة عليه

بيبرم للطرف التاني بيلاقي خزانة لبسها،وبعدين خزانة تانية عبارة عن خزانة مدموجة مع مكتب

محفور عطرفها((عالمي الخاص))

بيقرب وبيلمس الحروف وبيبتسم
يوسف:عالمك الخاص،شو متمني فوت عليه وشوفو(بيلتفت عليها)بتسمحيلي؟

بياخد كرسيها وبيقرب لطرفها وبيقعد مقابلها
يوسف:رح شوفو بيوم تاني،ويمكن بشي يوم كون شخص من عالمك...عالمك المميز،اديش تفاصيلك الخفية حلوة..هلشي شدني ألك ،أنا عم شوفك من مكان ماحدا رح يقدر يشوفك منو..لهيك ماحدا رح يحبك متلي ...أي شغف،أنا تأكدت أني بحبك واكتر من هيك..صمتك هاد وعدم اهتمامك،أنا صار بدي ياكي

بيتجرأ وبيقرب ايدو ع وجها وبيلمسو بنعومة
يوسف:أنا عم حس بأنانية ماحسيتا قبل،مبسوط كتير فيكي ومابدي حدا يحس متلي،بدي ياكي تصحي،بس لتروحي معي بغيبوبة نكون انا وانتي بس..ماحدا يشاركني فيكي،بحمد الله اهلك عم يتقبلوني..ههه ولا وقتها كنت خطفتك،لحتى اخدك لمكان وارجع حطك هيك وانطرك تصحي...اصحي شغف،بس بشرط تبقي ألي..أوعك تفكري بعد كل هلقرب خليكي لغيري

بينتبه لنفسو:احم...شكلي جنيت،كأنو صار لازم أمشي..أنا راجع بكرا يا#أميرتي_النائمة استنيني،إذا مفكرة تصحي،لازم كون جنبك سامعتيني..أنا أول شخص لازم تشوفيه

بيوقف وبيقرب منها بيلمس جفنها بهدوء وبيقول:هلعيون لما رح يفتحو..مارح يشوفو شي بهلكون غيري..يوسف وبس

بيمرأ يومين عهلحال بيجي وبيراقب ملامحا لساعة ولا ساعتين،أما بليوم التالت..

بيفوت يوسف،بياخد الكرسي وبيأعد حدها
يوسف:كيفك..شتقتيلي متل ماشتقتلك؟امم..اليوم حابب أعمل شي بغرفتك واخترق خصوصياتك بعتذر كتير..

بيوقف وبيتوجه ع خزانة(عالمي الخاص)

بابتسامة بيقرب بهدوء وبيتطلع عمجموعة الكتب يلي مقابلو،بيسحب واحد لا على التعيين
يوسف:(رواية ....)أوك عنوان حلو يلا نبلش

بيفتح أول صفحة وبيبدا قراءة،وبعد ربع ساعة،بيفتح صفحة جديدة،وبس يوصل للوسط بيلاقي بطرف الورقة مكتوب ملاحظة بقلم

((لم يكن عليها الرحيل،اقسم لو كنت في مكانها لارتميت في حضنه))

والتوقيع كان باسم شغف

كانت عم تحكي لو كانت بدل البطلة شو بتعمل

يوسف بيكتم ضحكتو بلويل
يوسف:ياالله شو انك لطيفة ياشغف...

بيقلب بلصفحات ليوصل لصفحة تانية وملاحظة جديدة

((اشعر أني قد وقعت في غرامك ياهذا))

يوسف:وعم تحبي البطل كمان،ههههه وربي غريبة الاطوار انتي...(بيرفع نظرو عليها) وبيكمل:وأنا اقسم أنني وقعت في غرامك يافتاة

بيروح باتجاه المكتب وبيجيب قلم،كان القلم غريب بحياتو ماشاف متلو،كان ملفوف بورقة بللون الازرق ومكتوب عليها اسم شغف،ومزين بطريقة رهيبة بس واضح انها زينة يدوية

بيمسكو وبيكتب تحت ملاحظتها الملاحظة يلي حكالا ياها..وبيكمل القراءة،بياخدو الوقت بعدين بينتبه

يوسف:شكلي تأخرت لازم روح لحتى اهلك مايقلعوني،رح اشتقلك...إذا بدك تصحي انتظري اجيكي بكرا..

بيمسك ايدا وبيكتبلا ع كف ايدها باصبعو(مع خالص الحب...يوسف)

بيروح وبيجي بليوم التاني

بتفتحلو ندى:اهلا وسهلا ابني تفضل
يوسف:شكراً ألك خالة
ندى:فوت ابني،البيت بيتك رح اعملك قهوة

يوسف:لا..فيني اطلب طلب تاني
ندى:اكيد..
يوسف:حابب اشرب نسكافيه..
بتطلع ندى فيه بحزن

ندى:كانت شغف كتير تحبو،وتحضرو بنفسا وتفوت عغرفتا ساعات طويلة..

يوسف:بتسمحيلي اجي اعملو أنا
ندى:اكيد

بيفوت معها علمطبخ،وبتفتحلو الخزانة لياخد الكوب

بيلفتو كوب مكتوب عليه اسمها بلعربي(شغف)

ندى:شغف بتعشق اسمها،وطلبت من ابوها يعملا ياه خاص ألها

بيسحبو من الخزانة،بيلاقي تحت اسمها مكتوب بخط صغير #شغفها_حبا💙

ندى:كتير بتحب تقرأ،بس ماجربت الكتابة..وحكت أول رواية رح تكتبا رح يكون اسمها شغفها حبا،مابعرف إيمتى رح تصحا..وتكتبا

يوسف:رح تصحا،وتكتبا وتصير أفضل كاتبة بلكون

#سارة_العلي💙 #يتبع #حكاية✒ #قصص @hekaea_tna